1 Yohanes 5:21 - Kaili Ledo

²¹ Sampesuvu-sampesuvu nipotoveku. Jagaimo, nee metupu nte tupu-tupu anu ledo nakana. Tabe lako nte yaku, Yohanes

1 Yohanes 5:21 ပူးပေါင်းရင်းမြစ်များ

Matius 6:13

Nee rapalamba kami rapesori bo kabasakamo kami lako ri kuasa Magau nu Seta. [Sabana Komiumo Magau nakuasa bo nipokumaaka sampe ri kasae-saena. Amin.]

1 Korintus 10:14

Jadi sampesuvu-sampesuvu nipotoveku, haitumo sabana kuuli ka komiu, nee mpuu metupu nte tupu-tupu ntanina.

1 Korintus 10:7

Jadi nee kita metupu nte tupu-tupu ntanina mpo anu nipovia roara ntanina. Riara Buku Gasa naria nitulisi pokainggura tempo nombasomba japi bulava haitu ivei: “Todea haitu nonturo nangande nompebasa, nanginu, nosusa-susa sampe nadea poviara ledo masipato.” Pesuvu 32:6

1 Tesalonika 1:9

Ira mboto notesa ka kami berimba komiu toTesalonika nantarima kami tempo kami nakava nte komiu bara ipia. Bo nitesara muni berimba komiu nenonto netupu nte viata-viata bo nompamula netupu nte Alatala anu natuvu bo nakana.

1 Yohanes 2:1

Sampesuvu-sampesuvu nipotoveku, patujuku notulisi sura hitu ka komiu ala nee rapoviamiu dosa. Tapi ane maria tona movia dosa, naria saito topombasaliku, Iamo i Yesus Kristus anu nanoa. Iamo mombasaliku kita ri ngayo nTuamaNa Alatala.

Pompakita 14:11

Unu nu apu mompandasa ira bo ledo maupu-upu mounu sampe ri kasae-saena. Eo bongi ledo ria kaupu-upuna pepandasa ka ira sabana nisombara binata nadaa haitu ante pinoitona bo nitarimara tanda sanga nu binata haitu ri karora.

Pompakita 9:20

Manusia ntanina anu ledo namate riara pepandasa-pepandasa haitu, ledo ntoto najea lako ri pokainggura nadaa. Haitumo, ira ledo nadota nenonto nepatesi, bo ledo nadota nenonto nombadoti tona. Ira ledo nadota nenonto nosipogau ante tona ledo bereira mboto, bo ira ledo ntoto nadota nenonto nangangga. Ira ledo muni nenonto nombasomba seta-seta bo anu nipoviara mboto, evamo pinoito-pinoito nipoviara lako ri bulava, salaka, tambaga, vatu, bo kayu. Pinoito haitu ledo naria matana mekita bo ledo muni naria talingana meepe bo ledo nokada sampe mamala molipa.