1 Yohanes 5:16 - Kaili Ledo

¹⁶ Sampesuvu-sampesuvuku, ane rakitamiu roamiu sampomparasaya novia dosa anu ledo mompopogaa ia lako nte Alatala sampe ri kasae-saena, komiu kana mosambaya ka roamiu haitu. Posambayamo ala ia majea bo Alatala mombadekei ka ia katuvu mabelo sampe ri kasae-saena. Tona niuliku hitu, tona novia dosa anu ledo nompopogaa ia lako nte Alatala sampe ri kasae-saena. Naria muni dosa anu nompopogaa tona lako nte Alatala. Ledo paraluu raposambayakamiu tona novia dosa haitu.

1 Yohanes 5:16 ပူးပေါင်းရင်းမြစ်များ

Lukas 12:10

Isema-sema nompakadaa Yaku, Ana nu Manusia, mamala raampungi. Tapi isema-sema nombasalai Nosa Gasa nu Alatala, ledo raampungi.

Yohanes 17:9

Yaku mosambaya ka ira. Ledo pura-pura manusia Kuposambayaka tapi aga ira anu nidekeiMiu ka Yaku, sabana ira haitu mpuu-mpuu todeaMiu.

2 Timotius 4:14

I Aleksander, pande nu tambaga, nadea anu nadaa nipoviana ka yaku. Damo Tupu mombabalasi ia mosinggambela nte pokaingguna haitu.

1 Yohanes 5:17

Pura-pura pokainggu nasala niuli dosa. Tapi naria muni dosa anu ledo nompopogaa tona lako nte Alatala sampe ri kasae-saena.