1 Yohanes 4:2 - Kaili Ledo

² Hitumo tandana ala rasanita isema nikuasai Nosa Gasa nu Alatala: isema-sema nomparasaya i Yesusmo Magau Topepakasalama nakava ri dunia najadi manusia, tona haitumo naria Nosa Gasa lako nte Alatala.

1 Yohanes 4:2 ပူးပေါင်းရင်းမြစ်များ

Yohanes 1:14

Ia anu niuli Tesa nu Alatala haitu najadi manusia bo nonturo ri tatanga kami ri dunia hitu. Bo nikita kami kuasaNa bo kaogeNa, haitumo kuasa bo kaoge nitarimaNa lako nte TuamaNa apa Ia AnaNa saito-itoNa. Iamo sampe nisanita mpuu Alatala bo toveNa ka kita.

1 Korintus 12:3

Haitu sampe kuuli ka komiu, komiu kana mompoposisala anu nadaa bo anu nabelo. Ane tona nikeniaka Nosa Gasa nu Alatala, ledo raulina, “Nasurukavumo i Yesus.” Bo ivesia muni ledo rapakule ntona mompangaku, “I Yesus, Iamo Tupu” ane tona haitu ledo nikeniaka Nosa Gasa nu Alatala.

1 Timotius 3:16

Nabelo mpuu pepatuduki nakana niparasayata, anu dopa nisani ntona nggaulu tapi sii-sii nipopaisani nu Alatala ka kita ivei: Ia najadi manusia bo Nosa Gasa nosabiki Ia mpuu-mpuu tona nipelisi nu Alatala. Ia nikita nu malaeka nu Alatala bo karebaNa nipatolele ka tona dopa nosisani nte Alatala. Ia niparasaya ntona ri umba-umba ri dunia bo Ia nianggataka hau ri suruga.

1 Yohanes 1:2

Tempo Ia naria ri dunia, nikita kami Ia. Bo sii-sii kami nompasimbayu ka komiu anu nikita kami. Kami nosabiki Iamo anu nombadekei katuvua nabelo sampe ri kasae-saena. Ri lamba pamulana Ia naria nosanggani-nggani ante Tuamata Alatala bo Ia natuvu ri dunia hitu nte kami.

1 Yohanes 2:23

Isema-sema nombasapu Ana nu Alatala, nisapuna muni TuamaNa Alatala. Tapi isema-sema nomparasaya Ana nu Alatala, nitarimana muni Alatala.

1 Yohanes 4:15

Isema-sema nomparasaya i Yesusmo Ana nu Alatala, iamo natuvu nosangu rara ante Alatala, bo Alatala natuvu riara ntaina.

1 Yohanes 4:3

Tapi isema-sema ledo nomparasaya i Yesus nakava ri dunia najadi manusia, tona haitu ledo naria Nosa Gasa nu Alatala nte ia. Tona haitu nikuasai pekiri lako ri Bali i Kristus. Niepemiumo Bali i Kristus makava, bo hitupa nariamo ia riara dunia.

1 Yohanes 5:1

Isema-sema nomparasaya i Yesusmo Magau Topepakasalama anu nijanji nu Alatala, iamo nireke ana nu Alatala. Bo isema-sema nompotove Tuamata Alatala, natantu nipotovena muni roa-roana anu najadi ana-ana nu Alatala.

2 Yohanes 1:7

Nadeamo topebagiu neumba bo hau ri njumangu dunia. Ledo niparasayara i Yesus nakava ri dunia najadi manusia. Ira haitumo nombabagiu tona ntanina bo nangeva i Kristus.