1 Yohanes 4:15 - Kaili Ledo

¹⁵ Isema-sema nomparasaya i Yesusmo Ana nu Alatala, iamo natuvu nosangu rara ante Alatala, bo Alatala natuvu riara ntaina.

1 Yohanes 4:15 ပူးပေါင်းရင်းမြစ်များ

Matius 10:32

Isema-sema manguli ri ngayo ntona ntanina, ia topangoseaka Yaku, Yaku muni manguli ri ngayo nTuamaKu Alatala ri suruga, ia topangoseaka Yaku.

Lukas 12:8

“Pariaramo! Isema-sema manguli ri ngayo ntodea, ia topangoseaka Yaku, Yaku muni manguli ri ngayo malaeka-malaeka nu Alatala, ia topangoseaka Yaku.

Yohanes 6:56

Isema-sema mangande isi karoKu bo manginu raaKu, iamo maroo mosangu rara ante Yaku bo Yaku maroo mosangu rara ante ia.

Suro-Suro 8:37

[Nesanamo i Filipus, “Ane niparasayamiu mpuu, mamala komiu radiu.” Nanguli toEtiopia haitu, “Niparasayaku i Yesus Kristus Iamo Ana nu Alatala!”]

Roma 10:9

Ane kita mompangaku ante sumbata, <> bo ane kita momparasaya riara ntaita Alatala nompakatuvu mpanjili Ia lako ri kamateNa, kita rapakasalama.

Filipi 2:11

bo pura-pura ira mompangaku i Yesus Kristusmo Tupura. Ivesiamo, ira mombabila bo mombatoiya Tuamata Alatala.

1 Yohanes 2:23

Isema-sema nombasapu Ana nu Alatala, nisapuna muni TuamaNa Alatala. Tapi isema-sema nomparasaya Ana nu Alatala, nitarimana muni Alatala.

1 Yohanes 2:24

Jadi pariaramo pakabelo-belo pepatuduki niepemiu lako ri pantepuuna pomparasayamiu i Kristus. Ane pepatuduki haitu mpuu-mpuu rapariaraimiu, komiu bate-batena matuvu mosangu rara nte Ana nu Alatala bo Alatala, TuamaNa.

1 Yohanes 3:23

Hitumo niparentaNa ka kita: kita kana momparasaya AnaNa, i Yesus Kristus. Bo kita kana mosimpotove nangoseaka parenta i Kristus mboto ka kita.

1 Yohanes 3:24

Isema-sema nanturusi parenta nu Alatala, iamo natuvu nosangu rara ante Alatala bo Alatala muni nonturo riara ntaina. Bo nisanita Alatala nosangu rara ante kita sabana Nosa Gasa nidekeiNa naria riara ntaita.

1 Yohanes 4:12

Dopa naria saitoa manusia nanggita Alatala. Tapi ane kita mosimpotove, haitumo tandana Alatala naria riara ntaita, bo toveNa ka kita mpuu-mpuu naria aselena riara nggatuvuta.

1 Yohanes 4:2

Hitumo tandana ala rasanita isema nikuasai Nosa Gasa nu Alatala: isema-sema nomparasaya i Yesusmo Magau Topepakasalama nakava ri dunia najadi manusia, tona haitumo naria Nosa Gasa lako nte Alatala.

1 Yohanes 5:1

Isema-sema nomparasaya i Yesusmo Magau Topepakasalama anu nijanji nu Alatala, iamo nireke ana nu Alatala. Bo isema-sema nompotove Tuamata Alatala, natantu nipotovena muni roa-roana anu najadi ana-ana nu Alatala.

1 Yohanes 5:5

Isema nompakule nombadagi kuasa nadaa ri dunia hitu? Aga tona nomparasaya i Yesus Ana nu Alatala.

2 Yohanes 1:7

Nadeamo topebagiu neumba bo hau ri njumangu dunia. Ledo niparasayara i Yesus nakava ri dunia najadi manusia. Ira haitumo nombabagiu tona ntanina bo nangeva i Kristus.