1 Yohanes 4:1 - Kaili Ledo

¹ Sampesuvu-sampesuvu nipotoveku, nee kaliu-liu raparasayamiu pura-pura tona nanguli naria Nosa Gasa nu Alatala nte ira. Tapi peintaka ruru, ala rasanimiu bara Nosa Gasa mpuu naria nte ira, bara ledo. Niuliku ivesia apa nadeamo nabi mpodava ri umba-umba ri dunia sii-sii.

1 Yohanes 4:1 ပူးပေါင်းရင်းမြစ်များ

Markus 13:21

Ri tempona haitu ane maria tona manguli ka komiu, bara raulira nee raparasayamiu tesara haitu.

Lukas 12:57

“Nakuya ledo nipekirimiu mbotomo pokainggu mbana nabelo?

Lukas 21:8

Nesana i Yesus, “Pakabelo-belo! Nee sampe komiu rabagiu. Madea ngena tona makava mompobalu sangaKu. Raulira iramo ‘Magau Topepakasalama.’ Bo raulira muni, nakavamo kaupu nu dunia! Tapi nee raoseakamiu tesara.

Suro-Suro 17:11

Tona ri ngata Berea nabelo rarara, ledo mpo tona ri ngata Tesalonika. Nadamba rarara nangepe kareba i Yesus bo eo-eo niparesara Buku Gasa ala rasanira bara makana tesa i Paulus bara ledo.

Suro-Suro 20:29

Nisaniku malai yaku lako ri sii, kana makava tona nadaa anu mompakasusa todea anu nipiaramiu, nasimbayu mpo asulaku makava mombabaga bimba.

1 Korintus 12:10

Bo tona ntanina nidekeika pompakule movia kabaraka. Tona ntanina nidekeika pompakule mompasimbayu tesa nitarimana lako nte Alatala, bo tona ntanina nidekeika pompakule mompoposisala anu nopuna lako ri Nosa Gasa bo anu nopuna lako ri kuasa-kuasa ntanina. Bo tona ntanina nidekeika pompakule notesa basa-basa anu nopuna lako ri Nosa Gasa. Bo sanupa vai nidekeika pompakule mombabatuasi tesa-tesa lako ri basa-basa haitu.

1 Korintus 14:29

Ane tona mompasimbayu tesa nitarimana lako nte Alatala, nabelo ane randua atau tatalu motesa. Tona ntanina kana mompetalingai pakabelo-belo ala rataserera anu nitesa haitu bara lako nte Alatala bara ledo.

1 Tesalonika 5:20

Nee mompandaente tesa ntona anu nompapola tesa nidekei nu Alatala ka ia.

1 Tesalonika 5:21

Pekirikamo pakabelo-belo tesa-tesa haitu, ala rasanimiu bara lako nte Alatala mpuu bara ledo bo oseakamo anu nabelo.

2 Tesalonika 2:2

nee masalisa gaga maingu atau masesa raramiu ane raepemiu tona manguli nakava mpanjilimo i Pue Yesus. Nee maingu, nau rauli ntona kareba haitu lako ri Nosa Gasa, bara raulira kami mboto bara anu nitulisi kami riara sura.

1 Timotius 4:1

Nosa Gasa nu Alatala nanguli pakalanto ka kita anu majadi ri tempo hitu napara kaupu nu dunia. Maria tona moura momparasaya pepatuduki nakana. Ira aga mangoseaka anu daa anu nombabagiu tona, bo momparasaya pepatuduki lako ri seta-seta.

2 Timotius 3:13

Tona nadaa bo topebagiu aga mantambai kadaana. Ira mombabagiu tona ntanina bo ira muni rabagiu.

2 Petrus 2:1

Tempo nggaulu naria nabi-nabi mpodava neumba ri tatanga ntodea nu Alatala. Bo ivesia muni sii-sii, guru-guru mpodava meumba ri tatangamiu. Rakenira pepatuduki nasala anu mompakagero pomparasaya ntona, bo rasapura i Kristus Tupura anu nombakabasaka ira lako ri kuasa nu dosara. Poviara mboto sampe ira rahuku masalisa.

1 Yohanes 2:18

Sampesuvu-sampesuvu nipotoveku, naparamo kaupu dunia. Niepemiumo bara ipia, kana meonga saito anu niuli Bali i Kristus. Bo sii-sii nadeamo tona neumba nobali ka i Kristus. Haitu tandana naparamo kaupu dunia.

1 Yohanes 2:7

Sampesuvu-sampesuvu nipotoveku, ledo parenta nabaru kutulisi ka komiu, tapi parenta njae anu nisanimiu lako ri pantepuuna pomparasayamiu i Kristus. Parenta njae haitu kareba niepemiu nokolu, haitumo, kita kana mosimpotove.

2 Yohanes 1:7

Nadeamo topebagiu neumba bo hau ri njumangu dunia. Ledo niparasayara i Yesus nakava ri dunia najadi manusia. Ira haitumo nombabagiu tona ntanina bo nangeva i Kristus.

3 Yohanes 1:11

Vegaku, nee mupasiala pokainggu nadaa, tapi pasialamo pokainggu nabelo. Isema-sema novia anu nabelo, iramo ana-ana nu Alatala. Tapi isema-sema novia anu nadaa, ledo ntoto nosisani nte Alatala.

Pompakita 2:2

NisaniKu pura-pura pokainggumiu. Komiu natutu nokarajaa ka Yaku bo komiu nosabara tempo nipandasa sabana nomparasaya Yaku. NisaniKumo komiu ledo nasituju ante pokainggu ntona nadaa. Tona nompangaku karona suro-suroKu tano ledo nakana, niparesamiu pokainggura sampe nalantomo ira topodava.