1 Yohanes 3:3 - Kaili Ledo

³ Isema-sema manjarumaka majadi masimbayu mpo i Kristus, ia kana mombajagai pokaingguna ala katuvuna mpuu-mpuu magasa masimbayu mpo katuvu i Kristus.

1 Yohanes 3:3 ပူးပေါင်းရင်းမြစ်များ

Matius 5:48

Jadi komiu kana mokainggu mabelo ante mpuu-mpuu raramiu, nasimbayu eva pokainggu nu Alatala, Tuamata ri suruga.”

Lukas 6:36

Komiu muni kana mepotove nasimbayu eva pepotove nu Alatala, Tuamamiu.”

Yohanes 17:19

Tata, Kudekei katuvuKu ka Komiu bo novia dotaMiu, ala manggeni belo ka anaguruKu, haitumo ala ira mpuu-mpuu mangoseaka pepatuduki nakana bo majadi todeaMiu nagasa.”

Suro-Suro 15:9

Alatala ledo nompoposisala kita toYahudi ante ira ledo toYahudi. Ia nompakagasa rarara, sabana ira nomparasaya.

Roma 15:12

Bo naria muni tesa nitulisi Nabi Yesaya ivei: <> Yesaya 11:10

2 Korintus 7:1

Sampesuvu-sampesuvu nipotoveku. Pura-pura janji nu Alatala haitu nipambela ka kita. Jadi kita kana mombakabasaka pura-pura pokainggu bo pekiri nadaa. Kita kana mangoseaka Alatala ante rarata mpuu-mpuu, bo kana maeka movia anu ledo rapokonoNa.

Kolose 1:5

Komiu nomparasaya bo nepotove sabana komiu bate-batena nanjarumaka Alatala bo nantongoraka anu nipakasadiaNa ka komiu ri suruga. Anu nisarumakamiu haitu niepemiumo tempo Kareba Belo nipatolele ka komiu bara ipia. Kareba Belo haitu mpuu-mpuu nakana

2 Tesalonika 2:16

Alatala nompotove kita, bo lako ri kabelo nu raraNa, Ia ledo naupu-upu nompakavoe rarata, bo nidekeiNa ka kita panjarumaka nabelo. Jadi kuperapi Tuputa Yesus Kristus bo Tuamata Alatala mompakavoe bo mompakaroso raramiu ala tesamiu bo pokainggumiu batena nabelo.

Titus 3:7

PatujuNa, ala kita anu najadi nanoa ri panggitaNa lako ri kabelo raraNa, mamala manjarumaka matuvu mabelo sampe ri kasae-saena.

Ibrani 12:14

Komiu kana mompasimbuku matuvu mosinggabelo ante pura-pura tona. Bo pasimbuku muni matuvu magasa, sabana tona ledo nagasa katuvuna ledo ntoto mamala manggita i Pue.

Ibrani 6:18

Pojanji bo posumpaNa haitu ledo mabali. Alatala ledo ntoto nodava. PatujuNa nojanji ivesia ala kita anu nekisaliku nte Ia maroso rarata sampe kita maroo manjarumaka anu nijanjiNa haitu.

Ibrani 7:26

Jadi i Yesusmo Pakeni nTopanggeni Pesomba anu nompakule nombatulungi kita. Ia nagasa, ledo ntoto ria salaNa atau dosaNa. Ia nitaniaka lako ri tona nadosa, bo Ia nioretaka sampe ri ponturo nalangapa pade pura-pura anu naria ri langi, haitumo ri suruga.

Yakobus 4:8

Pekitulungimo nte Alatala bo Alatala mpuu-mpuu mombatulungi komiu. Komiu topovia dosa, tumo movia dosa. Komiu toporompenga pekiri, pakasangumo pekirimiu mangoseaka Alatala.

1 Petrus 1:15

Tapi komiu kana magasa ri mpengaya-ngaya anu nipoviamiu, sabana Alatala muni nagasa bo Iamo nompokio komiu majadi todeaNa.

1 Petrus 1:3

Masipato kita mombatoiya Alatala, Tuama nTuputa Yesus Kristus! Nambaso mpuu asi mataNa ka kita, sampe nidekeiNa katuvu nabaru ka kita. Bo katuvu nabaru haitu nitarimata sabana i Yesus Kristus nipakatuvu mpanjili lako ri kamateNa. Haitumo sabana panjarumakata naroso.

2 Petrus 1:4

Ivesia muni Alatala nombadekei ka kita pedekei-pedekei nijanjiNa, anu nabelo mpuu bo nelabi noguna. Ane rapaketa pedekei-pedekei haitu, domo raoseakata dota rarata nadaa ri dunia hitu anu nompakagero katuvu manusia, bo rapakuleta mompasiala inggu nu Alatala mboto.

2 Petrus 3:14

Sampesuvu-sampesuvu nipotoveku, komiu nompopea kajadia-kajadia haitu, jadi pasimbukumo ala pokainggumiu mabelo bo ledo maria anu rasalai atau mepakaeya ri panggita nu Alatala. Bo pasimbukumo matuvu mosinggabelo ante Ia.

1 Yohanes 2:6

Isema-sema nanguli ia natuvu nosangu rara ante Alatala, kana rapasialana katuvu i Kristus.

1 Yohanes 4:17

Ane kita nompotove sampesuvuta sampomparasaya, haitumo tandana kita mpuu-mpuu nompotove Alatala sampe ledo makaja rarata mantingayo Ia ri Eo Potangara ri kaupu dunia. Ledo makaja rarata mantingayo Ia sabana pokaingguta ri dunia hitu masimbayu mpo pokainggu i Kristus.