1 Yohanes 3:22 - Kaili Ledo

²² Bo nuapa-nuapa raperapita nte Ia, natantu radekeiNa ka kita, sabana kita nanturusi parenta-parentaNa bo pokaingguta nompakadamba raraNa.

1 Yohanes 3:22 ပူးပေါင်းရင်းမြစ်များ

Matius 17:5

Da notesa i Petrus, nakavamo kulimu nareme nombabungu ira, bo lako riara kulimu haitu niepera suara nanguli, “Hitumo AnaKu nipotoveKu. Iamo nompakadamba raraKu. Pariaramo tesaNa”!

Matius 21:22

Ane komiu momparasaya Alatala, nuapa-nuapa raperapimiu riara mposambayamiu majadi mpuu.”

Markus 11:24

Jadi Kuuli ka komiu, nuapa-nuapa raperapimiu riara posambayamiu, parasayamo pomperapimiu haitu nipoiyo nu Alatalamo, bo ratarimamiu mpuu.

Yohanes 14:13

Bo nuapa-nuapa raperapimiu sabana komiu topangoseaka Yaku, kana Kupovia ka komiu, ala rakita ntona kaoge nTuamaKu.

Yohanes 15:10

Ane raoseakamiu parenta-parentaKu, komiu bate-batena mombarasai pepotoveKu, nasimbayu mpo Yaku muni nangoseaka parenta nTuamaKu bo bate-batena nombarasai pepotoveNa.

Yohanes 15:7

Ane komiu maroo mosangu rara nte Yaku bo tesaKu maroo riara ntaimiu, perapimo nuapa-nuapa nipokonomiu bo radekei ka komiu.

Yohanes 6:29

Nesana i Yesus, “Iveimo anu nipokonoa nu Alatala: Parasayamo Yaku anu nituduNa.”

Yohanes 8:29

Ia anu nantudu Yaku, Ia muni nomporoa Yaku. Ledo rapalambaNa Yaku saitoKu, sabana Yaku bate-batena novia anu nompakadamba raraNa.”

Yohanes 9:31

Nisanita Alatala ledo nangepe posambaya ntona nadosa, tapi Ia nompetalingai posambaya ntona netupu nte Ia bo nangoseaka dotaNa. Ane tona haitu ledo lako nte Alatala, berimbamo Ia mompakabelo mataku?

Suro-Suro 17:30

Tempo nggaulu ane manusia nombasomba tupu-tupu ntanina, Alatala ledo nombahuku ira. NibotusiNa ledo rarekeNa kadoyora haitu. Tapi sii-sii, nituduNa pura-pura manusia ri umba-umba ri dunia majea lako ri dosara.

Suro-Suro 20:21

Yaku nasaro nompainga komiu pura-pura, toYahudi bo tona ledo toYahudi, ala komiu majea lako ri dosamiu bo matundu nte Alatala bo momparasaya Tuputa Yesus.

Filipi 4:18

Jadi, ala rasanimiu, nitarimaku puramo pedekei nipakatumiu, bo nelabi-labi! Pura-pura pedekei nipakatumiu nitarimakumo lako nte i Epafroditus. Sii-sii nagana puramo anu niparaluuku. Pedekeimiu haitu nasimbayu mpo pesomba navangi, anu nitarima nu Alatala bo nipodamba raraNa.

Kolose 1:10

Ane rasanimiu dota nu Alatala ka komiu, mamala komiu matuvu ante pokainggu masipato ka topomparasaya i Pue, bo pura-pura inggumiu mompakadamba raraNa. Komiu mompakule movia mpengaya-ngaya anu nabelo, bo posisanimiu ante Alatala mantambai munimo.

Yakobus 1:5

Ane makura noto pompekirimiu, perapimo lako nte Alatala. Bo radekeiNa pompekiri nanoto niperapimiu, sabana najoi raraNa nombadekei noto ka pura-pura tona. Ledo ntoto natove raraNa.

Yakobus 4:3

Tapi nau damo niperapimiu, ledo muni nikavamiu, sabana patujumiu nerapi nasala. Komiu aga nomperapi anu mompakasana karomiu mboto.

Yakobus 5:16

Haitumo sabana komiu kana mangaku salamiu, bo mosiposambayaka, ala duamiu rapakabelo. Posambaya ntona nanoa nabisa mpuu.

1 Yohanes 2:3

Ane raoseakata parenta-parenta nu Alatala, haitumo tandana kita nosisani belo ante Ia.

1 Yohanes 5:14

Ledo nakaja rarata nosambaya ka Alatala, apa nisanita Ia mompetalingai perapita, asaa perapita nangoseaka dotaNa.