1 Yohanes 3:16 - Kaili Ledo

¹⁶ Nanggita pokainggu i Yesus, nisanitamo mosimpotove. Ia namate nanggeni belo ka kita. Jadi kita muni kana masadia mamate mantulungi sampesuvuta.

1 Yohanes 3:16 ပူးပေါင်းရင်းမြစ်များ

Matius 20:28

masimbayu eva Yaku, Ana nu Manusia. Yaku ledo nakava ri dunia hitu ala ratande ntona, tapi ala mombatulungi tona, bo mombadekei karoKu rapatesi mantolo dosa ntona dea.”

Yohanes 10:11

“Yakumo hii topoevu nabelo. Yaku nasadia mamate ala bimbaKu matuvu.

Yohanes 13:34

Naria parenta nabaru Kudekei ka komiu ivei: Komiu kana mosimpotove. Yaku nompotove komiu, ivesia muni komiu kana mosimpotove.

Yohanes 3:16

Apa Alatala mpuu-mpuu nompotove manusia sampe nidekeiNa AnaNa saito-itoNa, ala isema-sema momparasaya AnaNa ledo rapopogaa lako nte Alatala tapi manggava katuvua mabelo sampe ri kasae-saena.

Suro-Suro 20:28

Komiu kana mombajagai karomiu mboto. Jagai muni todea topomparasaya, anu niparasayaka Nosa Gasa ka komiu. Komiu kana mompiara todea nu Alatala, nasimbayu mpo topoevu nompiara bimbana. Apa Tuputa Yesus namate bo raaNa natiti mombasompo dosata ala kita majadi todeaNa.

Roma 16:4

Ira sakidepa namate nantulungi yaku. Yaku nosukuru nte ira, bo ledo aga yaku, tapi pura-pura todea topomparasaya anu ledo toYahudi.

Roma 5:8

Tapi ledo ivesia tove nu Alatala. Alatala nompopakita kambaso nu toveNa ka kita tempo kita da nadosa. Apa tempo kita da nadosa, i Kristus namate manjambei kita.

2 Korintus 4:12

Jadi kami bate-batena nantingayo kamate ala manggeni komiu manggava katuvua nabelo sampe ri kasae-saena.

Efesus 5:2

Bo komiu kana matuvu mompotove roa, nasimbayu mpo i Kristus nompotove kita. Lako ri toveNa haitu, nidekeiNa karoNa nipatesi ala mombatolosi kita. PoviaNa haitu nompakadamba rara nu Alatala nasimbayu mpo pesomba navangi nisomba ka Ia.

Efesus 5:25

Langgai, potovemo bereimiu mombine nasimbayu mpo i Kristus nompotove todea topomparasaya bo nombadekei karoNa rapatesi ala mompakasalama kita todea topomparasaya.

Filipi 2:17

Pangoseakamiu i Kristus nirapaka pesombamiu ka Alatala anu mompakadamba raraNa. Tempo bara ipia, ane tona nombadekei pesomba ka Alatala, kana nombatoli uve anggur ala mompakagana pesombana. Ane rapana yaku rapatesi sabana pokarajaaku nompatolele Kareba Belo, raaku rarapaka uve anggur nitoli haitu, apa yaku nasadia mamate ane rapodota nTupu. Jadi, nau yaku rapatesi, ledo nakuya! Yaku batena manguli tarima kasi nte Alatala bo yaku muni madamba mpasanggani-nggani nte komiu.

Filipi 2:30

apa sakidepa namate ia nompapola pokarajaa i Kristus. Ledo ntoto nipekirina katuvuna mboto sabana ia madota manjambei komiu mantulungi yaku ri sii.

1 Tesalonika 2:8

Nambaso mpuu tove kami nte komiu, sampe kami nadamba nompatolele Kareba Belo ka komiu. Bo kami muni nasadia mantulungi komiu nau kami mamate, sabana kami mpuu-mpuu nompotove komiu!

Titus 2:13

Apa ane kita da nonturo ri dunia, kita nanjarumaka kakava i Yesus anu mpuu-mpuu mompakasana rarata. Tempo haitu, pura-pura tona manggita kaoge i Yesus Kristus, Iamo Alatala toNeliu KaogeNa bo Topompakasalama kita.

1 Petrus 1:18

Pekoumo nte Alatala sabana nisanimiu mbotomo sompo nibayariNa mombakabasaka komiu lako ri katuvumiu nggaulu. Katuvumiu ledo ria gunana haitu, nipasialamiu lako nte ntotua nggaulu. Tapi Alatala nombakabasaka komiu lako ri katuvumiu nokolu haitu. Sompo ledo nibayariNa ante mbara-mbara anu ledo nainti evamo bulava atau salaka

1 Petrus 2:24

I Yesus mbotomo nanjimbuaka dosa-dosata tempo Ia nipaku ri kayu salib, ala kita rakabasaka lako ri kuasa nu dosa bo matuvu mangoseaka dota nu Alatala. Bo kita nipakabelomo lako ri baka-baka i Kristus.

1 Petrus 3:18

Apa i Kristus muni nombarasai kasusa nau ledo novia anu nadaa. Ia aga sanggani namate nombasompo dosa manusia nagana sampe ri kasae-saena. Ia ledo nasala, tapi Ia namate nanjambei kita anu nasala, ala mompoposinggabelo kita ante Alatala. Ia nipatesi tapi nipakatuvu mpanjili ante kuasa Nosa Gasa nu Alatala.

1 Yohanes 2:6

Isema-sema nanguli ia natuvu nosangu rara ante Alatala, kana rapasialana katuvu i Kristus.

1 Yohanes 2:9

Isema-sema nanguli ia natuvu riara reme tapi navuu matana nte sampesuvuna sampomparasaya, tona haitu bate-batena da riara kalandana sampe sii-sii.

Pompakita 1:5

bo lako nte i Yesus Kristus. Iamo sabi anu namala raparasaya, Iamo tona paratama nipakatuvu mpanjili lako ri kamateNa. Iamo nomparenta pura-pura magau riara dunia. Ia nompotove kita bo nombakabasaka kita lako ri dosata ante raa kamateNa.

Pompakita 5:9

Totua-totua gahaitu nodade sanggayu dade nabaru ka Ana Bimba ivei: “Komiumo masipato mangala sura haitu bo mombabuka populuna. Sabana, Komiu nipatesi bo ante raa nggamateMiu haitu nitoloMiu manusia lako ri njumangu dunia majadi todea nu Alatala, haitumo tona lako ri pura-pura ngata, bo lako ri pura-pura valaa bo tona lako ri mpengaya-ngaya basa ri dunia.