1 Yohanes 3:11 - Kaili Ledo

¹¹ Iveimo kareba niepemiu lako ri pantepuuna pomparasayamiu i Kristus: kita kana mosimpotove.

1 Yohanes 3:11 ပူးပေါင်းရင်းမြစ်များ

Yohanes 13:4

Jadi neanggamo Ia nombavonju baju ndoeNa, bo nialaNa handu nipoukaNa kopeNa.

Yohanes 15:12

Ivei parentaKu: posimpotovemo, masimbayu mpo Yaku nompotove komiu.

Galatia 6:2

Ane roamiu sampomparasaya nombarasai susa bo pari, tulungimo ia. Apa ane komiu mositulungi, komiu mangoseaka parenta i Kristus.

Efesus 5:2

Bo komiu kana matuvu mompotove roa, nasimbayu mpo i Kristus nompotove kita. Lako ri toveNa haitu, nidekeiNa karoNa nipatesi ala mombatolosi kita. PoviaNa haitu nompakadamba rara nu Alatala nasimbayu mpo pesomba navangi nisomba ka Ia.

1 Tesalonika 4:9

Sampesuvu-sampesuvu, ledo paraluu kutulisi ka komiu posimpotove sampesuvu sampomparasaya, sabana Alatala mbotomo nompatuduki komiu mosimpotove.

1 Timotius 1:5

Patuju parentaku hitu ala kita mosimpotove, ante tove neumba lako ri rara nagasa, pekiri rara ntai anu ledo nombasalai kita, bo pomparasayata i Kristus mpuu-mpuu nakana.

1 Petrus 1:22

Sampesuvu-sampesuvu, katuvumiu nipakagasamiu sabana komiu nangoseaka pepatuduki nakana. Haitumo sampe komiu namala nompotove sampesuvumiu sampomparasaya ante rara naliangu. Sabana haitu, posipotovemo ante rara mpuu-mpuu.

1 Petrus 3:8

Jadi sampesuvu-sampesuvu, kupapolamo tesaku. Komiu pura-pura kana mosangu pekiri bo mosangu rara. Posimpotovemo mpo tona nosampesuvu. Komiu kana mosipoasi mata bo nee malanga rara.

1 Petrus 4:8

Tapi anu nelabi nopoko, komiu kana mpuu-mpuu mosimpotove. Apa ane kita mompotove roata, kita masadia muni mombaampungi tona ntanina.

1 Yohanes 1:5

Hitumo kareba niepe kami lako nte i Yesus bo rapatolele kami ka komiu: Alatala reme bo ledo ntoto naria kalandana nte Ia.

1 Yohanes 4:11

Sampesuvu-sampesuvu nipotoveku, naoge mpuu tove nu Alatala ka kita! Jadi kita muni kana mosimpotove.

1 Yohanes 4:21

Apa iveimo parenta i Kristus ka kita: “Isema-sema nompotove Alatala, kana rapotovena muni sampesuvuna sampomparasaya.”

1 Yohanes 4:7

Sampesuvu-sampesuvu nipotoveku, kita kana mosimpotove sabana tove nopuna lako nte Alatala. Isema-sema nepotove, iamo ana nu Alatala, bo nosisani belo ante Alatala.

2 Yohanes 1:5

Jadi kuperapi mpuu-mpuu nte komiu, Ina, kita pura-pura kana mosimpotove. Anu nitulisiku hitu ledo parenta nabaru, tapi parenta nidekei ka kita lako ri pamulana kita nomparasaya i Yesus.