1 Yohanes 3:10 - Kaili Ledo

¹⁰ Hitumo posisalana ana-ana nu Alatala bo ana-ana Magau nu Seta: isema-sema ledo novia dota nu Alatala bo ledo nompotove sampesuvuna, ia ledo ana nu Alatala.

1 Yohanes 3:10 ပူးပေါင်းရင်းမြစ်များ

Matius 13:38

Dunia nirapaka talua haitu. Tona anu najadi todea riara Poparenta nu Alatala nirapaka savua tobelona. Bo topangoseaka Magau nu Seta nirapaka jono.

Lukas 6:35

Kakanana ledo ivesia! Komiu kana mompotove balimiu, bo povia anu nabelo ka ira. Ane tona meada nte komiu, dekei ka ia bo nemo rapopea rapopanjilina. Ane ivesia pokainggumiu, naoge mpuu belo radekei ka komiu bo komiu majadi ana-ana nu Alatala toNeliu KaogeNa, apa Ia muni novia anu nabelo ka tona nadaa bo tona ledo nisanina notarima kasi.

Yohanes 1:12

Tapi isema-sema nantarima Ia bo nomparasaya Ia, nidekeikaNa kuasa majadi ana-ana nu Alatala.

Yohanes 11:52

Bo ledo aga toYahudi, tapi nibotusina muni i Yesus mamate ka pura-pura ana-ana nu Alatala ntanina ri umba-umba ri dunia, ala ira rapasiromu majadi sangu.

Yohanes 8:44

Komiu nasimbayu ante tuamamiu, Magau nu Seta! Komiu batena madota mangoseaka dotana. Lako ri pamulaname ia bate-batena topepatesi. Ia ledo nosabingga ka anu nakana, sabana ledo ria nuapa-nuapa nakana riara ntaina. Masipato ia modava, apa ia topodava mami bo puna nu dava.

Yohanes 8:47

Tona nopuna lako nte Alatala mompariara tesa nu Alatala. Tapi komiu ledo nompariara tesaNa sabana komiu ledo nopuna lako nte Alatala.”

Suro-Suro 13:10

bo niulikana, “He, topebagiu nggaraka, ana nu Magau Seta! Ikomo nangeva pura-pura anu nabelo! Nakuya iko ledo nenonto nombatenggosi tesa nu Alatala nanoa?

Roma 13:8

Nee kita moinda nte tona ntanina, tapi kita kana batena mosimpotove. Aga haitu inda masipato ka kita. Apa isema-sema nompotove singgamanusiana, nireke nioseakanamo pura-pura Atura agama.

Efesus 5:1

Alatala nompotove komiu bo komiu najadi ana-anaNa, jadi komiu kana mompasiala pokainggu nu Alatala.

Kolose 3:14

Tapi nelabipa pade pura-pura pangane, kita kana mosimpotove. Sabana, ane kita todea topomparasaya nosimpotove, kita mpuu-mpuu nosangu rara.

1 Timotius 1:5

Patuju parentaku hitu ala kita mosimpotove, ante tove neumba lako ri rara nagasa, pekiri rara ntai anu ledo nombasalai kita, bo pomparasayata i Kristus mpuu-mpuu nakana.

1 Yohanes 2:29

Nisanimiumo i Kristus batena nangoseaka dota nu Alatala. Sabana haitu kana rasanimiu muni, isema-sema nangoseaka dota nu Alatala, iamo ana nu Alatala.

1 Yohanes 3:1

Namovo mpuu kaoge tove nu Alatala ka kita sampe kita niuliNa ana-anaNa! Bo kita mpuu-mpuu ana-anaNa mami. Tona ledo nomparasaya i Yesus ledo nisanira kita ana-ana nu Alatala, sabana ira mboto ledo nosisani ante Alatala.

1 Yohanes 3:2

Sampesuvu-sampesuvu nipotoveku, kita sii-sii ana-ana nu Alatala mami, tapi dopa nipopaisani ka kita berimba katuvuta ri tempo makava. Anu nisanita, tempo i Kristus makava mpanjili, kita majadi masimbayu mpo Ia, apa rakitata mpuu lenjeNa.

1 Yohanes 4:21

Apa iveimo parenta i Kristus ka kita: “Isema-sema nompotove Alatala, kana rapotovena muni sampesuvuna sampomparasaya.”

1 Yohanes 4:6

Tapi kita hitumo ana-ana nu Alatala, jadi isema-sema nosisani belo ante Alatala nompetalingai pepatudukita. Tapi isema-sema ledo nomparasaya i Yesus, ledo nipetalingaina pepatudukita. Jadi haitumo tandana ala rasanita isema nikeniaka Nosa Gasa lako nte Alatala anu nakana bo isema nikeniaka pekiri lako nte Magau nu Seta mpodava.

1 Yohanes 4:8

Tapi isema-sema ledo nepotove, ia dopa nosisani belo ante Alatala, sabana Alatala puna nu tove.

1 Yohanes 5:19

Nisanita kita najadi ana-ana nu Alatala, bo nisanita tona ledo nomparasaya i Yesus nikuasai Magau nu Seta.

1 Yohanes 5:2

Hitumo tandana ala rasanita kita nompotove roa-roata anu najadi ana-ana nu Alatala: kita nompotove Alatala bo nangoseaka parenta-parentaNa.

3 Yohanes 1:11

Vegaku, nee mupasiala pokainggu nadaa, tapi pasialamo pokainggu nabelo. Isema-sema novia anu nabelo, iramo ana-ana nu Alatala. Tapi isema-sema novia anu nadaa, ledo ntoto nosisani nte Alatala.