1 Yohanes 2:8 - Kaili Ledo

⁸ Naupa ivesia, parenta haitu nireke parenta nabaru, bo kabaruna mpuu-mpuu nikita ri katuvu i Kristus bo ri katuvumiu. Apa i Kristus reme nakana lako nte Alatala bo reme haitu nevanta riara kalandana sampe kalandana nompamula nalipo.

1 Yohanes 2:8 ပူးပေါင်းရင်းမြစ်များ

Matius 4:16

Bara ipia komiu nonturo ri kalandana bo dosa, tapi sii-sii nikitamiumo reme nu Alatala. Bara ipia komiu natuvu naeka ka kamatea, tapi sii-sii komiu nivanta nu rememo.” Yesaya 9:1-2

Yohanes 1:9

Reme haitu reme nakana anu nakava ri dunia mompakareme pura-pura manusia.

Yohanes 12:35

Nesana i Yesus, “Damo sampalai reme maroo nte komiu. Jadi agina komiu molipa tempo da nareme ala komiu ledo rakava nu landa. Tona nolipa riara kalandana ledo nisanina hau ri umba rakasondana.

Yohanes 12:46

Yaku tumai ri dunia mompakareme manusia, ala isema-sema momparasaya Yaku domo monturo ri kalandana.

Yohanes 13:34

Naria parenta nabaru Kudekei ka komiu ivei: Komiu kana mosimpotove. Yaku nompotove komiu, ivesia muni komiu kana mosimpotove.

Yohanes 8:12

Naupu haitu nanguli vaimo i Yesus ka todea, “Yakumo hii reme dunia. Isema-sema mangoseaka Yaku ledo matuvu ri kalandana, tapi manggava reme anu mombadekei katuvua mabelo.”

Suro-Suro 17:30

Tempo nggaulu ane manusia nombasomba tupu-tupu ntanina, Alatala ledo nombahuku ira. NibotusiNa ledo rarekeNa kadoyora haitu. Tapi sii-sii, nituduNa pura-pura manusia ri umba-umba ri dunia majea lako ri dosara.

Suro-Suro 26:18

Kutudu iko hau mombabuka matara, ala ira domo matuvu ri kalandana tapi matuvu riara reme nu Alatala, ala ira rakabasaka lako ri kuasa Magau nu Seta bo matundu nte Alatala. Bo dosa-dosara raampungi bo ira majadi todea nu Alatala anu nipelisiNa, sabana pomparasayara Yaku.’ ”

Roma 13:12

Nasaemo bongina, naparamo maeo. Jadi sia sampe kita kana mombakabasaka pokainggu nadaa nipovia ntona natuvu ri kalandana, bo mompake pareva posieva anu masipato ka tona natuvu riara karemena.

2 Korintus 8:9

Ledo paraluu kuparenta komiu apa nisanimiu mboto kambaso pepotove nTuputa i Yesus Kristus ka kita. Naupa Ia mpuu-mpuu nakalumana, nikabasakaNa pura-pura kakalumanaNa haitu ala mantulungi kita. Ia najadi manusia napakasi ala kita mamala majadi nakalumana ri panggita nTupu.

Efesus 5:8

Komiu mboto natuvu ri kalandana bara ipia, tapi sii-sii komiu natuvu ri karemena sabana komiu nosangu rara ante i Pue. Jadi komiu kana matuvu ante pokainggu masipato ka tona anu natuvu ri karemena.

2 Timotius 1:10

Bo sii-sii nakavamo i Yesus Kristus topompakasalama kita bo nikitata kambaso pepotove nu Alatala ka kita. Lako ri Kareba Belo nisanita i Kristus nombadagi kuasa kamate, bo nombadekei katuvua nabelo anu ledo maupu-upu.

1 Petrus 1:21

Iamo sampe komiu nomparasaya Alatala. Alatala nompakatuvu mpanjili Ia lako ri kamateNa bo nombadekei kuasa bo kaoge nipokumaaka ka Ia. Jadi haitumo sampe komiu nomparasaya bo nanjarumaka Alatala.

1 Yohanes 3:23

Hitumo niparentaNa ka kita: kita kana momparasaya AnaNa, i Yesus Kristus. Bo kita kana mosimpotove nangoseaka parenta i Kristus mboto ka kita.

1 Yohanes 4:11

Sampesuvu-sampesuvu nipotoveku, naoge mpuu tove nu Alatala ka kita! Jadi kita muni kana mosimpotove.

1 Yohanes 4:21

Apa iveimo parenta i Kristus ka kita: “Isema-sema nompotove Alatala, kana rapotovena muni sampesuvuna sampomparasaya.”