1 Yohanes 2:7 - Kaili Ledo

⁷ Sampesuvu-sampesuvu nipotoveku, ledo parenta nabaru kutulisi ka komiu, tapi parenta njae anu nisanimiu lako ri pantepuuna pomparasayamiu i Kristus. Parenta njae haitu kareba niepemiu nokolu, haitumo, kita kana mosimpotove.

1 Yohanes 2:7 ပူးပေါင်းရင်းမြစ်များ

Matius 5:43

“Niepemiu pepatuduki nggaulu nanguli ivei: ‘Potovemo roamiu bo povuu matamo balimiu.’

Yohanes 13:34

Naria parenta nabaru Kudekei ka komiu ivei: Komiu kana mosimpotove. Yaku nompotove komiu, ivesia muni komiu kana mosimpotove.

Suro-Suro 17:19

Jadi nikenira i Paulus hau ri polibu ri Bulu Areopagus. Nakava sumai niulikara ia, “Kami hii madota mangepe pepatuduki nabaru anu nipatolelemiu

Ibrani 6:9

Sampesuvu-sampesuvu nipotoveku, naupa ivesia tesaku, niparasaya kamimo komiu ledo mpo tana rapindasi haitu. Niparasaya kami naria asele nabelopa nte komiu, haitumo pomparasayamiu bo pokainggumiu masipato ka tona nipakasalama.

1 Yohanes 2:24

Jadi pariaramo pakabelo-belo pepatuduki niepemiu lako ri pantepuuna pomparasayamiu i Kristus. Ane pepatuduki haitu mpuu-mpuu rapariaraimiu, komiu bate-batena matuvu mosangu rara nte Ana nu Alatala bo Alatala, TuamaNa.

1 Yohanes 3:11

Iveimo kareba niepemiu lako ri pantepuuna pomparasayamiu i Kristus: kita kana mosimpotove.

1 Yohanes 3:2

Sampesuvu-sampesuvu nipotoveku, kita sii-sii ana-ana nu Alatala mami, tapi dopa nipopaisani ka kita berimba katuvuta ri tempo makava. Anu nisanita, tempo i Kristus makava mpanjili, kita majadi masimbayu mpo Ia, apa rakitata mpuu lenjeNa.

1 Yohanes 3:21

Jadi sampesuvu-sampesuvu nipotoveku, ane rara ntaita ledo nompakasala kita, ledo makaja rarata merapi nte Alatala.

1 Yohanes 3:23

Hitumo niparentaNa ka kita: kita kana momparasaya AnaNa, i Yesus Kristus. Bo kita kana mosimpotove nangoseaka parenta i Kristus mboto ka kita.

1 Yohanes 4:1

Sampesuvu-sampesuvu nipotoveku, nee kaliu-liu raparasayamiu pura-pura tona nanguli naria Nosa Gasa nu Alatala nte ira. Tapi peintaka ruru, ala rasanimiu bara Nosa Gasa mpuu naria nte ira, bara ledo. Niuliku ivesia apa nadeamo nabi mpodava ri umba-umba ri dunia sii-sii.

1 Yohanes 4:11

Sampesuvu-sampesuvu nipotoveku, naoge mpuu tove nu Alatala ka kita! Jadi kita muni kana mosimpotove.

1 Yohanes 4:21

Apa iveimo parenta i Kristus ka kita: “Isema-sema nompotove Alatala, kana rapotovena muni sampesuvuna sampomparasaya.”

1 Yohanes 4:7

Sampesuvu-sampesuvu nipotoveku, kita kana mosimpotove sabana tove nopuna lako nte Alatala. Isema-sema nepotove, iamo ana nu Alatala, bo nosisani belo ante Alatala.