1 Yohanes 2:23 - Kaili Ledo

²³ Isema-sema nombasapu Ana nu Alatala, nisapuna muni TuamaNa Alatala. Tapi isema-sema nomparasaya Ana nu Alatala, nitarimana muni Alatala.

1 Yohanes 2:23 ပူးပေါင်းရင်းမြစ်များ

Matius 11:27

Naupu haitu, i Yesus notesa ka tona ri sia, “Pura-pura nidekei nTuamaKu ka Yaku. Ledo ria tona mpuu-mpuu nosisani ante Yaku, Ana nu Alatala, aga TuamaKu Alatala. Bo ledo ria tona mpuu-mpuu nosisani ante TuamaKu aga Yaku, AnaNa, bo isema-sema Kupodota, Kupopaisanika TuamaKu ka ia.

Lukas 10:22

Pade nanguli i Yesus ka tona ri sia, “Pura-pura nidekei nTuamaKu ka Yaku. Ledo ria tona mpuu-mpuu nosisani nte Yaku Ana nu Alatala, aga TuamaKu Alatala. Bo ledo ria tona mpuu-mpuu nosisani ante TuamaKu, aga Yaku, AnaNa mboto bo isema-sema Kupodota, Kupopaisanika TuamaKu ka ia.”

Yohanes 10:30

Yaku bo TuamaKu ledo ria posisalana, aga saito.”

Yohanes 16:3

Rapoviara ivesia ka komiu sabana ira ledo nosisani ante TuamaKu bo ledo muni nosisani nte Yaku.

Yohanes 17:3

Iveimo sampe manusia matuvu mabelo sampe ri kasae-saena: ira mosisani nte Komiu, Alatala aga saito-itoMiu nakana, bo ira mosisani muni ante Yaku, i Yesus Kristus, anu nituduMiu.

Yohanes 5:23

ala pura-pura tona mombabila Yaku, AnaNa, nasimbayu mpo pebilara Ia. Isema-sema ledo nombabila Yaku, batuana ia ledo muni nombabila TuamaKu anu nantudu Yaku.

Yohanes 8:19

Bo nekutana vaimo ira, “Ri umba TuamaMu?” Nesana i Yesus, “Ledo nisanimiu mpuu Yaku. Bo ledo muni nisanimiu mpuu TuamaKu. Ane rapana nisanimiu mpuu Yaku, natantu rasanimiu mpuu TuamaKu.”

1 Yohanes 2:22

Jadi, isema-sema nanguli i Yesus ledo Magau Topepakasalama anu nijanji nu Alatala, iamo mai topodava. Ia munimo bali i Kristus, apa nisapuna Alatala bo AnaNa.

1 Yohanes 4:15

Isema-sema nomparasaya i Yesusmo Ana nu Alatala, iamo natuvu nosangu rara ante Alatala, bo Alatala natuvu riara ntaina.

1 Yohanes 4:2

Hitumo tandana ala rasanita isema nikuasai Nosa Gasa nu Alatala: isema-sema nomparasaya i Yesusmo Magau Topepakasalama nakava ri dunia najadi manusia, tona haitumo naria Nosa Gasa lako nte Alatala.

1 Yohanes 5:1

Isema-sema nomparasaya i Yesusmo Magau Topepakasalama anu nijanji nu Alatala, iamo nireke ana nu Alatala. Bo isema-sema nompotove Tuamata Alatala, natantu nipotovena muni roa-roana anu najadi ana-ana nu Alatala.

1 Yohanes 5:20

Nisanita muni i Yesus, Ana nu Alatala, nakava ri dunia hitu mompakanoto rarata ala kita mamala mosisani belo ante Alatala anu nakana. Kita natuvu nosangu rara nte Alatala anu nakana sabana kita natuvu nosangu rara nte AnaNa, i Yesus. Iamo Alatala anu nakana bo Iamo nombadekei katuvua nabelo sampe ri kasae-saena.