1 Yohanes 2:21 - Kaili Ledo

²¹ Yaku notulisi sura hitu ka komiu ledo sabana ledo nisanimiu pepatuduki nakana. Nisanimiumo pepatuduki nakana. Bo nisanimiu munimo ledo naria dava riara pepatuduki nakana.

1 Yohanes 2:21 ပူးပေါင်းရင်းမြစ်များ

Yohanes 18:37

Bo nekutana vaimo i Pilatus, “Ane ivesia tano, magau mpuu Iko?” Nesanamo i Yesus, “Nakana niulimiu tutu tu, Yaku hii magau. Yaku tumai nipoanaka ri dunia ante patuju mompopaisani anu nakana. Isema-sema nompotove anu nakana, rapariarana tesaKu.”

Yohanes 8:44

Komiu nasimbayu ante tuamamiu, Magau nu Seta! Komiu batena madota mangoseaka dotana. Lako ri pamulaname ia bate-batena topepatesi. Ia ledo nosabingga ka anu nakana, sabana ledo ria nuapa-nuapa nakana riara ntaina. Masipato ia modava, apa ia topodava mami bo puna nu dava.

Yakobus 1:19

Sampesuvu-sampesuvu nipotoveku, pariaramo pakabelo-belo tesaku hitu. Kita kana masadia mangepe, tapi nee kaliu-liu motesa, bo nee masalisa marau.

2 Petrus 1:12

Jadi sampesuvu-sampesuvu, nisanimiumo pura-pura anu nitesaku pangane, bo komiu naroo nangoseaka pepatuduki nakana anu nitarimamiu. Tapi naupa ivesia, yaku bate-batena mompopatora ka komiu pura-pura anu nitesaku haitu.

1 Yohanes 3:19

Jadi ane kita nompotove sampesuvuta ante rarata mpuu-mpuu, nisanita kita mpuu-mpuu ana-ana nu Alatala, bo rarata mamala matinonto tempo kita nosambaya ka Alatala.

Yudas 1:5

Nau nisanimiumo pura-pura hitu, kana kupopatora ka komiu pehuku nu Alatala ka tona novia nadaa. Nggaulu, Tupu nombakabasaka todeaNa toYahudi lako ri tana Mesir. Tapi naupu sia, naria sanu ira ledo nomparasaya sampe nipatesiNamo ira ri karava bai.