1 Yohanes 2:19 - Kaili Ledo

¹⁹ Bali-bali i Kristus nesuvu lako nte kita, tapi kakanana ira ledo nosangu pomparasaya ante kita. Ane ira mpuu-mpuu nosangu pomparasaya ante kita, natantu ira da mosanggani-nggani ante kita. Tapi nipalaikaramo kita, jadi nisanita ira ledo mpuu nosangu pomparasaya ante kita.

1 Yohanes 2:19 ပူးပေါင်းရင်းမြစ်များ

Matius 24:24

Apa kana meumba topodava manguli iramo Magau Topepakasalama, bo meumba muni nabi-nabi mpodava anu movia tanda-tanda nipokumaaka bo kabaraka-kabaraka mombabagiu tona. Ane mamala, nau tona nipelisi nu Alatala rabagiura muni!

Markus 13:22

Sabana meumba topodava manguli iramo Magau Topepakasalama, bo meumba muni nabi-nabi mpodava. Ira pura-pura movia tanda-tanda nipokumaaka bo kabaraka-kabaraka mombabagiu tona. Ane mamala, nau damo tona nipelisi nu Alatala rabagiura muni.

Lukas 8:13

Savua nanavu ri tana navatu, nirapaka tona nangepe Tesa nu Alatala bo nitarimara nte damba rara. Tapi ledo naroso pomparasayara, nasimbayu nte tuda-tuda ledo naroso pokalena. Tempo ira nipesori, nouramo rarara bo domo nomparasaya.

Yohanes 15:2

Tinggu-tingguKu anu ledo novua nikoto bo nitedakaNa. Tapi tinggu-tinggu novua nipegasaNa pakabelo-belo ala mantambai kadea vuana.

Yohanes 4:14

Tapi isema-sema manginu uve Kudekei ka ia, domo mabai tambolona sampe ri kasae-saena. Sabana uve Kudekei ka ia haitu majadi uve mpemata moili lako riara ntaina bo nombadekei katuvua mabelo ka ia sampe ri kasae-saena.”

Suro-Suro 15:24

Niepe kami naria bara sako-ndua tona lako nte kami tou nte komiu nompakasusa bo nompakaingu komiu ante pepatudukira. Tapi kakanana ledo nitudu kami ira movia ivesia.

Suro-Suro 20:30

Lako nte komiu mboto meumba tona mompatuduki anu ledo nakana. Rapoviara ivesia ala topangoseaka i Yesus domo mangoseaka dala nakana, tapi mangoseaka iramo.

Roma 9:6

Nau nadea toYahudi ledo nomparasaya i Yesus, ledo mamala raulita Alatala ledo nompakadupa pojanjiNa nte toYahudi! Apa ledo pura-pura muli i Israel nipelisi nu Alatala majadi todeaNa.

1 Korintus 11:19

Komiu kana matebagi-bagi mami ala rasani isema komiu mpuu-mpuu nangoseaka i Yesus!

2 Timotius 2:10

Jadi yaku nombatidamaka mpengaya-ngaya kasusa ala mamala kutulungi tona nipelisi nu Alatala sampe ira muni mamala momparasaya i Yesus Kristus bo rapakasalama bo matuvu mabelo mosanggani-nggani nte Alatala sampe ri kasae-saena.

2 Timotius 2:19

Tapi naupa ivesia, Tesa nu Alatala batena nakana bo namala raparasaya. Tesa nu Alatala naroso mpo pandasi nau ragoya ledo mogoya. Tesa nu Alatala haitu nitulisi ivei: “Nisani nTupu isema todeaNa.” Bo naria tesa ntanina nanguli, “Isema-sema nanguli ia topangoseaka Tupu, kana menonto mokainggu nadaa.”

2 Timotius 3:9

Tapi ledo rapakulera mompapola pangevara pepatuduki nakana, sabana kadoyora haitu kana malanto rasani ntodea, nasimbayu nte anu najadi nte i Yanes bo Yambres nggaulu.

Ibrani 10:39

Sampesuvu-sampesuvuku, kita hitu ledo topoura sampe rapambela pehuku, tapi kita nomparasaya Alatala bo nanggava katuvua nabelo sampe ri kasae-saena.

2 Yohanes 1:7

Nadeamo topebagiu neumba bo hau ri njumangu dunia. Ledo niparasayara i Yesus nakava ri dunia najadi manusia. Ira haitumo nombabagiu tona ntanina bo nangeva i Kristus.

Yudas 1:1

Sampesuvu-sampesuvu anu nipokio nTuamata Alatala majadi todeaNa: Komiu mpuu-mpuu nipotove nu Alatala, bo nijagaiNa sampe i Yesus Kristus makava mpanjili. Sura hitu lako nte yaku, i Yudas, batua i Yesus Kristus bo sampesuvu i Yakobus.

Yudas 1:19

Tona haitumo nompakagero kasintuvu ntopomparasaya. Ira nikuasai dota-dota rarara nadaa, bo Nosa Gasa nu Alatala ledo ntoto naria nte ira.