1 Yohanes 2:16 - Kaili Ledo

¹⁶ Apa pura-pura riara dunia, evamo dota rarata nadaa, anu nikitata bo nipoino rarata, bo pura-pura anu nompakalanga rarata, haitu puramo ledo nopuna lako nte Alatala tapi aga nopuna lako ri dunia nadaa.

1 Yohanes 2:16 ပူးပေါင်းရင်းမြစ်များ

Matius 4:8

Naupu haitu, Magau nu Seta nanggeni i Yesus hau ri tutu nu bulu nelabi kalangana. Bo nipopakitana ka Ia pura-pura kamagaua bo poparenta naria riara dunia hitu ante mpengaya-ngaya kagayana bo kakalumanana.

Matius 5:28

Tapi Kuuli ka komiu, isema-sema mombalele mata manggita mombine bo madota mompogau ia, natantu tona haitu nireke nombabualoni mombine haitu riara pekirina.

Lukas 4:5

Naupu haitu nikenina vai i Yesus hau ri bulu nalanga. Aga sampida mata nipopakita Magau nu Setamo ka i Yesus pura-pura kamagauana ri dunia.

Roma 13:14

Tapi kita kana mompasiala pokainggu i Pue Yesus Kristus. Haitumo pareva posieva rapasuata. Bo nee rapaloga karomiu mangoseaka dota raramiu nadaa.

1 Korintus 10:6

Haitu pura-pura najadi jonjo mompopatora ka kita ala kita nee maino ka anu nadaa mpo anu nipovia ntotuata haitu.

Galatia 5:17

Apa dota rara nadaa nosieva nte dota nu Nosa Gasa. Rongaya haitu nosieva sampe kita ledo nasaro novia anu nipodotata mboto.

Galatia 5:24

Isema-sema nosangu rara ante i Yesus Kristus, nireke dota rarara nadaa namate nosanggani-nggani nte i Kristus tempo Ia nipaku ri kayu salib. Batuana, ira domo nikuasai dota rarara nadaa.

Efesus 2:3

Bara ipia kita pura-pura nokainggu nasimbayu mpo tona haitu; kita muni natuvu nangoseaka mpengaya-ngaya dota rarata nadaa. Kita aga novia anu nompakasana karota bo pekiri rara ntaita nadaa. Kakanana kita masipato rapambela pehuku nu Alatala sabana pokaingguta haitu. Kita nasimbayu mpo tona ntanina nadaa.

Titus 2:12

Lako ri kabelo raraNa, kita nipatudukiNa mombakabasaka pokaingguta ledo nipokonoNa bo dota nu rarata nadaa. Bo kita nipatudukiNa majadi manoto, manoa, bo matuvu mangoseaka dotaNa ri dunia sii-sii.

Titus 3:3

Toramo, kita muni bara ipia da nalanda rarata nasimbayu mpo tona ledo nomparasaya i Yesus. Ledo nisanita dala nakana mosisani nte Alatala bo ledo nioseakata parentaNa. Katuvuta bara ipia nikuasai dota nu rarata nadaa bo kasana nu dunia anu ledo nabelo. Kita natuvu narau rara nanggita roa, nasiriati, bo nosipovuu mata nte tona ntanina.

Yakobus 3:15

Noto pompekiri ivehaitu ledo nopuna lako nte Alatala, tapi aga nopuna lako ri dunia nadaa hitu, lako ri dota rarata nadaa, bo lako ri seta-seta.

Yakobus 4:16

Tapi ledo ivesia tesamiu. Komiu aga nalanga raramiu bo nangoe ka poviamiu mboto. Pokainggu ivehaitu nadaa!

1 Petrus 1:14

Komiu kana matuvu mpo ana-ana nu Alatala anu natundu nte Ia. Nee mangoseaka dota raramiu nadaa anu nombakuasai komiu tempo komiu da natuvu ri kalandana.

1 Petrus 2:11

Sampesuvu-sampesuvu nipotoveku, katuvuta ri dunia hitu nasimbayu mpo topesovo bo torata anu nonturo aga sampalai. Jadi yaku mpuu-mpuu nerapi nte komiu, nee raoseakamiu dota rara nadaa anu batena nangeva nyawamiu nangoseaka dota nu Alatala.

2 Petrus 2:10

Tona rahukuNa ivesia, nelabipa tona natuvu nangoseaka dota rarara nadaa bo nabuga, bo tona nanjapuaka kuasa nu Alatala momparenta ira. Guru-guru mpodava haitu nabia mpuu bo nalanga rarara. Ledo naeka ira nanjalai malaeka-malaeka anu nipokumaaka.

2 Petrus 2:18

Apa ira nombasovadaka ante nalanga rara, tapi tesa-tesara ledo ria gunana. Ante tesara niopara tona dako nenonto novega nte roara nadaa pokaingguna. Tona haitu niopara ante nompadidisi dota rarara nadaa ala raoseakara mpanjili pokainggu nadaa anu dako nikabasakara.