1 Yohanes 2:14 - Kaili Ledo

¹⁴ Yaku notulisi hitu ka komiu, ngana-ngana, sabana komiu nosisanimo ante Tuamata, Alatala. Yaku notulisi hitu ka komiu, totua-totua, sabana komiu nosisanimo ante i Yesus anu naria lako ri lamba pamulana. Yaku notulisi hitu ka komiu, kabilasa bo randaa sabana pomparasayamiu narosomo. Nipariaramiumo Tesa nu Alatala, bo nidagimiumo Magau nu Seta.

1 Yohanes 2:14 ပူးပေါင်းရင်းမြစ်များ

Yohanes 15:7

Ane komiu maroo mosangu rara nte Yaku bo tesaKu maroo riara ntaimiu, perapimo nuapa-nuapa nipokonomiu bo radekei ka komiu.

Yohanes 5:38

Tesa-tesaNa ledo nipariaramiu, apa ledo niparasayamiu Yaku nituduNa.

Yohanes 8:31

Naupu haitu, i Yesus nanguli ka toYahudi anu nomparasaya Ia, “Ane komiu maroo mangoseaka tesaKu, komiu mpuu-mpuu topangoseaka Yaku.

Yohanes 8:37

NisaniKu komiu pura-pura muli i Abraham. Tapi nau damo ivesia, komiu madota mompatesi Yaku, sabana ledo nipokonomiu mantarima pepatudukiKu.

Efesus 6:10

Kaupuna, komiu kana maroso ante kuasa nitarimamiu lako ri kuasa nTupu anu nabaraka, apa komiu nosangu rara ante Ia.

Filipi 4:13

Nipakuleku nantingayo nuapa-nuapa ante petulungi i Yesus Kristus anu nompakaroso yaku.

Kolose 1:11

Kami nerapi ala Alatala mompakaroso raramiu ante pura-pura kuasaNa, nangoseaka barakaNa anu naoge mpuu, ala rapakulemiu mosabara nau bara nuapa majadi bo ledo molengga-lengga raramiu.

Kolose 3:16

Kareba anu notesaki i Kristus kana rapariarata bo ratanondoakata sampe mamala mosipatuduki bo mosipopatora, nangoseaka noto anu naria riara ntaita. Podadekamo dade Mazmur lako ri Buku Gasa, bo dade-dade pantoiya Alatala bo dade-dade nidekei nu Nosa Gasa. Kita kana modade ante mpuu-mpuu rarata, manguli tarima kasi ka Alatala.

2 Timotius 2:1

Jadi Timotius, anaku, pakaroso raramu ante petulungi nidekei nu Alatala lako ri kabelo raraNa ka kita anu nosangu rara nte i Yesus Kristus.

Ibrani 8:10

Tapi iveimo pojanji Kupovia ante toIsrael ri tempo makava: Kuboli atura-aturaKu riara pekirira, bo Kutulisi atura-atura haitu riara ntaira. Yaku majadi Alatala nisombara bo ira majadi todeaKu.

1 Yohanes 1:1

Tesa nu Alatala anu nombadekei katuvua nabelo naria mamimo lako ri lamba pamulana, bo haitumo ratesa kami riara sura hitu. Ia niepe kami bo nikita kami mboto. Ia nisabiki kami bo Ia natuvu singgani nte kami.

1 Yohanes 1:10

Tapi ane raulita ledo sanggania kita novia dosa, haitu nasimbayu ante nompopodava Alatala. Kita aga nombasapuaka tesaNa, bo ledo ntoto nipariarata.

1 Yohanes 2:13

Yaku notulisi hitu ka komiu, totua-totua, sabana komiu nosisanimo ante i Yesus anu naria mamimo lako ri lamba pamulana. Yaku notulisi hitu ka komiu, kabilasa bo randaa anu nangoseaka i Yesus, sabana nidagimiumo Magau nu Seta.

2 Yohanes 1:2

Kami nompotove komiu sabana komiu nosanggani-nggani nte kami nomparasaya pepatuduki nakana, anu naria riara ntaita sampe ri kasae-saena.

3 Yohanes 1:3

Nadamba mpuumo raraku, sabana bara sako-ndua topomparasaya nakava nte yaku nanguli iko naroo nomparasaya pepatuduki nakana. Niulira iko mpuu-mpuu natuvu nangoseaka pepatuduki nakana.

Pompakita 2:3

Komiu mpuu-mpuu nosabara. Komiu nipandasa ntona sabana pomparasayamiu, bo ledo naupu raramiu nangoseaka Yaku.

Pompakita 2:7

Isema-sema naria talingana epemo pakabelo-belo anu niuli Nosa Gasa nu Alatala ka todea topomparasaya ri umba-umba ngata. Isema-sema padagi kana Kudekei mangande vua lako ri Kayu Katuvua anu naria riara Pampa nu Alatala ri suruga.”