1 Yohanes 2:13 - Kaili Ledo

¹³ Yaku notulisi hitu ka komiu, totua-totua, sabana komiu nosisanimo ante i Yesus anu naria mamimo lako ri lamba pamulana. Yaku notulisi hitu ka komiu, kabilasa bo randaa anu nangoseaka i Yesus, sabana nidagimiumo Magau nu Seta.

1 Yohanes 2:13 ပူးပေါင်းရင်းမြစ်များ

Matius 11:27

Naupu haitu, i Yesus notesa ka tona ri sia, “Pura-pura nidekei nTuamaKu ka Yaku. Ledo ria tona mpuu-mpuu nosisani ante Yaku, Ana nu Alatala, aga TuamaKu Alatala. Bo ledo ria tona mpuu-mpuu nosisani ante TuamaKu aga Yaku, AnaNa, bo isema-sema Kupodota, Kupopaisanika TuamaKu ka ia.

Matius 13:19

Savua nanavu ri dala nirapaka tona nangepe tesa Poparenta nu Alatala tapi ledo nisanira batuana. Bo nakavamo Magau nu Seta mangagosi tesa haitu lako riara ntaira.

Matius 13:38

Dunia nirapaka talua haitu. Tona anu najadi todea riara Poparenta nu Alatala nirapaka savua tobelona. Bo topangoseaka Magau nu Seta nirapaka jono.

Matius 5:37

Tapi ane patujumiu iyo, ulimo iyo, bo ane patujumiu ledo, ulimo ledo. Ledo nabelo mompakaroso tesa ante mosumpa sabana pokainggu eva haitu nopuna lako ri Magau nu Seta.”

Lukas 10:22

Pade nanguli i Yesus ka tona ri sia, “Pura-pura nidekei nTuamaKu ka Yaku. Ledo ria tona mpuu-mpuu nosisani nte Yaku Ana nu Alatala, aga TuamaKu Alatala. Bo ledo ria tona mpuu-mpuu nosisani ante TuamaKu, aga Yaku, AnaNa mboto bo isema-sema Kupodota, Kupopaisanika TuamaKu ka ia.”

Yohanes 14:7

Ane nisanimiu mpuu Yaku, rasanimiu muni TuamaKu. Nompamula sii-sii nisanimiumo Ia bo nikitamiumo Ia.”

Yohanes 14:9

Nesanamo i Yesus, “Ai, Filipus! Nasaemo Yaku nosanggani-nggani ante komiu. Dopa nisanimu isema Yaku? Isema-sema nanggita Yaku, nikitana munimo TuamaKu. Jadi berimba sampe niulimu ivesia, ‘Popakita ka kami TuamaMiu’?

Yohanes 16:3

Rapoviara ivesia ka komiu sabana ira ledo nosisani ante TuamaKu bo ledo muni nosisani nte Yaku.

Yohanes 16:33

Pura-pura tesaKu pangane nitesaKu ka komiu ala matinonto raramiu sabana komiu mosangu rara nte Yaku. Ri dunia hitu komiu rapandasa. Tapi pakaroso raramiu! Apa kuasa nadaa ri dunia hitu nidagiKumo!”

Yohanes 17:21

Tata, Kuperapi ala ira pura-pura mosangu rara nasimbayu mpo Yaku nosangu rara nte Komiu bo Komiu nosangu rara nte Yaku. Kuperapi ala ira muni mosangu rara nte Kita ala pura-pura manusia momparasaya Komiumo anu nantudu Yaku hitu.

Yohanes 17:3

Iveimo sampe manusia matuvu mabelo sampe ri kasae-saena: ira mosisani nte Komiu, Alatala aga saito-itoMiu nakana, bo ira mosisani muni ante Yaku, i Yesus Kristus, anu nituduMiu.

Yohanes 8:19

Bo nekutana vaimo ira, “Ri umba TuamaMu?” Nesana i Yesus, “Ledo nisanimiu mpuu Yaku. Bo ledo muni nisanimiu mpuu TuamaKu. Ane rapana nisanimiu mpuu Yaku, natantu rasanimiu mpuu TuamaKu.”

2 Korintus 4:6

Tempo Alatala nompajadi dunia niuliNa, “Lako ri kalandana meumbamo reme!” Ivesia muni nipakaremeNa pekirita ala pekirita majadi manoto bo rasanita kaogeNa. ToIsrael nggaulu nanggita kaoge nu Alatala nenggila ri lenje i Musa. Ivesia muni rasanita kaoge nu Alatala ane raposisanita i Kristus.

1 Timotius 5:1

Nee makasara mangonteaka langgai anu natuakapa pade iko, tapi popatoramo ia ante tesa nalusu nasimbayu mpo anu mupovia ka tuamamu mboto. Popatoramo langgai namuda nasimbayu mpo mupovia ka sampesuvumu mboto.

Titus 2:6

Ivesia muni mupatuduki ka ngana-ngana langgai. Ulika ira, ira kana mombakuasai karo mboto. Bo iko mboto kana mokainggu mabelo riara mpengaya-ngaya ala iko majadi jonjo namala rapasiala ntona. Ane iko mompatuduki, patudukimo ante manoa bo ante mpuu-mpuu raramu.

1 Yohanes 1:1

Tesa nu Alatala anu nombadekei katuvua nabelo naria mamimo lako ri lamba pamulana, bo haitumo ratesa kami riara sura hitu. Ia niepe kami bo nikita kami mboto. Ia nisabiki kami bo Ia natuvu singgani nte kami.

1 Yohanes 2:1

Sampesuvu-sampesuvu nipotoveku, patujuku notulisi sura hitu ka komiu ala nee rapoviamiu dosa. Tapi ane maria tona movia dosa, naria saito topombasaliku, Iamo i Yesus Kristus anu nanoa. Iamo mombasaliku kita ri ngayo nTuamaNa Alatala.

1 Yohanes 2:12

Yaku notulisi hitu ka komiu, ngana-ngana, sabana dosamiu niampungimo lako ri kamate i Yesus.

1 Yohanes 2:14

Yaku notulisi hitu ka komiu, ngana-ngana, sabana komiu nosisanimo ante Tuamata, Alatala. Yaku notulisi hitu ka komiu, totua-totua, sabana komiu nosisanimo ante i Yesus anu naria lako ri lamba pamulana. Yaku notulisi hitu ka komiu, kabilasa bo randaa sabana pomparasayamiu narosomo. Nipariaramiumo Tesa nu Alatala, bo nidagimiumo Magau nu Seta.

1 Yohanes 3:12

Nee kita mompasiala inggu i Kain nangoseaka dota Magau nu Seta bo nompatesi tueina mboto. Nuapa sabana i Kain nompatesi tueina mboto? Sabana pokainggu i Kain nadaa bo ia nasiriati nanggita pokainggu ntueina nanoa.

1 Yohanes 4:4

Sampesuvu-sampesuvu nipotoveku, komiumo ana-ana nu Alatala bo nidagimiumo nabi-nabi mpodava gahaitu, sabana Nosa Gasa nu Alatala anu riara ntaimiu nakuasapa pade Magau nu Seta anu nombakuasai pekiri ntona ledo nangoseaka dota nu Alatala.

1 Yohanes 5:18

Nisanita ane tona najadi ana-ana nu Alatala, ira domo batena novia dosa, sabana i Yesus Ana nu Alatala nombajagai ira bo Magau nu Seta ledo nompakule mombadagi ira.

1 Yohanes 5:20

Nisanita muni i Yesus, Ana nu Alatala, nakava ri dunia hitu mompakanoto rarata ala kita mamala mosisani belo ante Alatala anu nakana. Kita natuvu nosangu rara nte Alatala anu nakana sabana kita natuvu nosangu rara nte AnaNa, i Yesus. Iamo Alatala anu nakana bo Iamo nombadekei katuvua nabelo sampe ri kasae-saena.

Pompakita 12:11

Tapi todea sampomparasaya haitu nombadagi Magau nu Seta ante kuasa lako ri raa nu Ana Bimba anu namate nombasompo dosara. Bo nidagira ia ante pepatuduki i Yesus nipatolelera. Bo ledo nipotovera katuvura, ledo ntoto nenonto nomparasaya nau sampe rapatesi.

Pompakita 2:7

Isema-sema naria talingana epemo pakabelo-belo anu niuli Nosa Gasa nu Alatala ka todea topomparasaya ri umba-umba ngata. Isema-sema padagi kana Kudekei mangande vua lako ri Kayu Katuvua anu naria riara Pampa nu Alatala ri suruga.”