1 Yohanes 1:8 - Kaili Ledo

⁸ Ane raulita ledo ria dosata, kita nombabagiu karota mboto. Haitu tandana ledo ntoto nioseakata dota nu Alatala.

1 Yohanes 1:8 ပူးပေါင်းရင်းမြစ်များ

Yohanes 8:44

Komiu nasimbayu ante tuamamiu, Magau nu Seta! Komiu batena madota mangoseaka dotana. Lako ri pamulaname ia bate-batena topepatesi. Ia ledo nosabingga ka anu nakana, sabana ledo ria nuapa-nuapa nakana riara ntaina. Masipato ia modava, apa ia topodava mami bo puna nu dava.

Roma 3:10

Evamo nitulisi riara Buku Gasa ivei: <

Roma 3:23

Pura-pura manusia nadosa bo ledo masipato manggava bagia ri kaoge nu Alatala.

1 Korintus 3:18

Nee mombabagiu karomiu mboto! Ane maria nte komiu tona nompekiri karona mboto napande ri panggita nu manusia, agina ia majadi madoyo ri panggita nu manusia ala ia mpuu-mpuu majadi mapande.

Galatia 6:3

Ane tona nompekiri karona nabelopa pade karo roa, tano ledo, ia aga nombabagiu karona mboto.

1 Timotius 6:5

bo ledo naupu-upu nosipakadua rara. Nadaamo pekirira bo domo nisanira anu nakana. Nisarumakara makalumana ira ane moagama.

2 Timotius 3:13

Tona nadaa bo topebagiu aga mantambai kadaana. Ira mombabagiu tona ntanina bo ira muni rabagiu.

Yakobus 1:22

Jadi oseakamo tesa nu Alatala, bo nee aga raepe bayangi. Apa ane aga raepe bayangi, komiu nombabagiu karomiu mboto.

Yakobus 1:26

Isema-sema nanguli iamo tona naroso poagamana, bo ledo nijagaina tesana, ia nombabagiu karona mboto. Agamana ledo naria gunana.

Yakobus 3:2

Kita pura-pura nasaro novia mpengaya-ngaya pokainggu nasala. Tapi tona ledo sanggani nasala tesana, iamo tona nagasa, bo nipakulena nombakuasai pura-pura dota nu rarana.

2 Petrus 2:13

Ira rabalasi ante kasusa sabana nipakasusara tona ntanina. Nau eona, nadamba guru-guru mpodava novia mpengaya-ngaya nompakaosa dotara nadaa. Ira nangande nosanggani nte komiu mpo tona nabelo, tano pokainggura mpuu-mpuu nepakaeya! Ira aga nadamba nompebasa nangoseaka dota rarara nadaa.

1 Yohanes 1:10

Tapi ane raulita ledo sanggania kita novia dosa, haitu nasimbayu ante nompopodava Alatala. Kita aga nombasapuaka tesaNa, bo ledo ntoto nipariarata.

1 Yohanes 1:6

Ane raulita kita nosangu rara ante Alatala, tano mai kita aga natuvu ri kalandana, kita nodava, bo kita ledo natuvu nangoseaka dota nu Alatala.

1 Yohanes 2:4

Tona nanguli ia nosisani belo ante Alatala, tapi ledo nioseakana parenta-parenta nu Alatala, tona haitu topodava. Ledo ntoto nioseakana dota nu Alatala.

1 Yohanes 4:20

Isema-sema nanguli ia nompotove Alatala, tano mai navuu matana nanggita sampesuvuna sampomparasaya, ia mai topodava! Ane ia ledo nompotove sampesuvuna anu nikitana, natantumo ledo mamala ia mompotove Alatala anu ledo nikitana.

2 Yohanes 1:2

Kami nompotove komiu sabana komiu nosanggani-nggani nte kami nomparasaya pepatuduki nakana, anu naria riara ntaita sampe ri kasae-saena.

3 Yohanes 1:3

Nadamba mpuumo raraku, sabana bara sako-ndua topomparasaya nakava nte yaku nanguli iko naroo nomparasaya pepatuduki nakana. Niulira iko mpuu-mpuu natuvu nangoseaka pepatuduki nakana.