1 Yohanes 1:4 - Kaili Ledo

⁴ Kami notulisi sura hitu ka komiu ala rarata mpuu-mpuu madamba.

1 Yohanes 1:4 ပူးပေါင်းရင်းမြစ်များ

Yohanes 15:11

Pura-pura hitu niuliKu ka komiu ala kadamba nu raraKu mamala muni rarasaimiu bo kadamba nu raramiu haitu ledo ria makura.

Yohanes 16:24

Nau komiu topangoseaka Yaku, sampe sii-sii komiu dopa nomperapi nuapa-nuapa. Jadi perapimo bo radekei ka komiu ala raramiu mpuu-mpuu madamba!”

Yohanes 3:29

Ia kana mantambai rabila tapi yaku domo. Rapana ri posusa ponika, boti langgai nibila apa iamo mompoberei boti mombine. Tapi ane vega nu boti langgai anu nombaurusi poboti, ia aga neangga ri sinjori boti langgai, bo nadamba mpuumo rarana nangepe suara nu boti langgai nadamba haitu. Yaku nasimbayu ante topourusi poboti haitu. Nadamba mpuumo raraku apa nadea tona nangoseaka i Yesus.

2 Korintus 1:24

Kami ledo topeparenta anu aga nadamba nangulika komiu nuapa raparasayamiu bo nuapa rapoviamiu. Kakanana pomparasayamiu i Kristus naroso mamimo. Tapi kami aga madota mokarajaa mosanggani-nggani ante komiu ala komiu mpuu-mpuu madamba.

1 Yohanes 2:1

Sampesuvu-sampesuvu nipotoveku, patujuku notulisi sura hitu ka komiu ala nee rapoviamiu dosa. Tapi ane maria tona movia dosa, naria saito topombasaliku, Iamo i Yesus Kristus anu nanoa. Iamo mombasaliku kita ri ngayo nTuamaNa Alatala.

2 Yohanes 1:12

Da nadeapa anu kutesa ka komiu, tapi nipekiriku nabelopa domo kutulisi ri sura. Yaku nonia tou nte komiu, jadi nabelopa kita mosinggava bo motesa ri mata, ala rarata mpuu-mpuu madamba mpasanggani-nggani.