1 Yohanes 1:1 - Kaili Ledo

¹ Tesa nu Alatala anu nombadekei katuvua nabelo naria mamimo lako ri lamba pamulana, bo haitumo ratesa kami riara sura hitu. Ia niepe kami bo nikita kami mboto. Ia nisabiki kami bo Ia natuvu singgani nte kami.

1 Yohanes 1:1 ပူးပေါင်းရင်းမြစ်များ

Lukas 1:2

Nitulisira nangoseaka tesa nipatolele ka kita, haitumo tesa ntona nanggita kajadia haitu ante matara mboto lako ri pamulana.

Lukas 24:39

Peintamo paleKu bo peinta muni kadaKu. Yaku mpuumo hii! Tuimo ala rasanimiu Yaku ledo mboa. Apa mboa ledo ria isina bo bukuna. Tapi Yaku hii, naria isiKu bo bukuKu.”

Yohanes 19:35

Tona nanggita kajadia haitu, iamo nompopaisani kajadia haitu ka komiu ala komiu muni momparasaya. Nakana tesana haitu bo nisanina mbotomo tesana haitu nakana.

Yohanes 20:27

Naupu haitu, niuliNa ka i Tomas, “Peintamo paleKu hitu. Dikamo koya-mpalemu ri sii. Bo dikamo palemu ri valea ntavala ri usuKu hitu. Tumo mabata-bata raramu, tapi parasayamo!”

Yohanes 5:26

Apa TuamaKu Alatala nakuasa nombadekei katuvua nabaru, bo ivesia muni Yaku, AnaNa nidekeiNa kuasa ka Yaku mombadekei katuvu nabaru.

Yohanes 8:58

Nesanamo i Yesus, “Pariaramo tesaKu. Dopame i Abraham nipoanaka, naria mamimo Yaku!”

Suro-Suro 4:20

Kami hii ledo mamala menonto motesa anu nikita kami bo anu niepe kami mboto.”

Ibrani 2:3

Ane ivesia nte Atura nTupu, nemopa Kareba Belo anu nipatolele i Yesus! Kareba haitu nombatesaki carana kita mamala rapakasalama. Kareba haitu nelabipa kabelona pade Atura nipapola malaeka-malaekaNa nggaulu. Jadi ane ledo rapeilita kareba haitu, berimbamo kita makabasaka lako ri pehuku? Kareba haitu pamulana nipatolele i Pue Yesus mboto. Tona anu nangepe Ia nompakalanto ka kita, kareba haitu mpuu-mpuu nakana bo namala rasarumakata.

1 Yohanes 4:14

Ledo aga haitu. Kami ana-anaguru i Yesus nikita kamimo Ia, Ana nu Alatala, bo kami nosabiki Iamo nitudu nTuamaNa Alatala tumai ri dunia majadi Topompakasalama manusia.

1 Yohanes 5:7

Jadi, ivesiamo Alatala nompakalanto ka kita i Yesusmo AnaNa: Nosa Gasa nosabiki i Yesus Ana nu Alatala. Bo anu najadi tempo Ia nidiu bo tempo Ia namate, haitu muni nompakalanto Ia Ana nu Alatala. Talu-ngaya hitu nasimbayu posabira, haitumo, i Yesus Ana nu Alatala.

Pompakita 1:11

Suara haitu nanguli ivei: “Tulisimo anu mukita bo pakatu ka todea topomparasaya nonturo ri pitu ngata, haitumo ngata-ngata Efesus, Smirna, Pergamus, Tiatira, Sardis, Filadelfia bo Laodikia.”

Pompakita 1:8

Tupu Alatala nanguli, “Yakumo hii Pamulana bo Kaupuna. Yaku naria mamimo lako ri lamba pamulana, Yaku naria sii-sii bo Yaku batena maria sampe ri kasae-saena. Yakumo toNeliu KakuasaKu.”

Pompakita 19:13

Baju ndoe nipasuaNa nilome ri raa. Bo Ia nidae “Tesa nu Alatala.”

Pompakita 2:8

Naupu haitu nitudu Ana nu Manusia vai yaku motulisi ka malaeka anu nanggeniaka todea topomparasaya ri ngata Smirna ivei: “Hitumo tesa lako nte Yaku anu niuli Pamulana bo Kaupuna, anu namatemo bo natuvu mpanjili.