1 Timotius 6:5 - Kaili Ledo

⁵ bo ledo naupu-upu nosipakadua rara. Nadaamo pekirira bo domo nisanira anu nakana. Nisarumakara makalumana ira ane moagama.

1 Timotius 6:5 ပူးပေါင်းရင်းမြစ်များ

Matius 12:33

Ane kayu nabelo, nabelo muni vuana. Ane kayu ledo nabelo, ledo muni nabelo vuana. Kabelo nu kayu nikita ri vuana.

Matius 21:13

NiulikaNa ira, “Riara Buku Gasa nitulisi ivei: ‘BanuaKu kana rauli banua posambaya.’ Tapi komiu ri sii nompajadi Banua nu Alatala hitu petabuni ntopeago!”

Matius 23:13

Tapi mandasa mpuumo komiu guru-guru agama bo toFarisi! Komiu aga nabelo ri sumba tapi nadaa riara. Komiu nombalava tona ntanina majadi todea riara Poparenta nu Alatala. Komiu mboto ledo madota raparenta nu Alatala bo ledo nidekeimiu tona ntanina anu madota raparentaNa.

1 Korintus 11:16

Ane maria tona madota mosinjanaika pepatuduki hitu, aga sangaya kuuli ka ira: Ledo ria kabiasa ntanina nioseaka kami bo pura-pura todea topomparasaya Alatala.

2 Tesalonika 3:6

Sampesuvu-sampesuvu, ante kuasa nidekei i Pue Yesus Kristus ka kami, kami nomparenta komiu, nee ntoto mosimpovega ante sampesuvu sampomparasaya namau bo ledo nangoseaka pepatuduki nipatuduki kami ka komiu.

1 Timotius 1:6

Naria bara sako-ndua tona domo nangoseaka pepatuduki haitu. Ira nasalandala lako ri pepatuduki nakana bo aga nosinjanaika anu ledo ria gunana.

1 Timotius 3:3

Ia ledo tolangu, bo ledo toposibaga. Tapi ia kana nalusu rarana bo natuvu nosinggabelo. Ia ledo muni aga nadoko ka doi.

1 Timotius 3:8

Ivesia muni tona anu raanggataka majadi topotulungi pakeni ntodea topomparasaya. Ia kana nabelo pokaingguna bo nanoa rarana, ledo nadoko doi bo ledo muni nabiasa gaga nanginu anu nepakalangu.

1 Timotius 4:7

Tapi kavaonimo tesa-tesa ledo noguna bo ledo nosinggambela nte pepatuduki nakana lako nte Alatala. Iko kana bate-batena mompasimbuku matuvu natundu nte Alatala.

1 Timotius 4:8

Ane kita mompakaroso karota aga sakide gunana. Tapi ane kita mompakaroso rarata matuvu ante pokainggu nompakadamba Alatala, nadea mpuu gunana riara mpengaya-ngaya. Apa rakavata katuvu mabelo anu nijanji nu Alatala, nompamula sii-sii sampe ri kasae-saena.

1 Timotius 6:6

Nakana mami, ane noagama kita, naoge mpuu belo rakavata, asaa naosa rarata ante anu naria nte kita.

2 Timotius 3:5

Pangoseakara ada-ada agama mpo tona natundu nte Alatala, tapi riara ntaira nipoarara kuasa nu Alatala anu nompakule mombabaliki rarara nadaa. Timotius, nee mpuu mosimpovega nte tona nokainggu nadaa ivehaitu.

2 Timotius 3:8

Tona nanggeni pepatuduki anu ledo nakana haitu pekirira nadaamo bo pomparasayara ledo nakana. Ira mpuu-mpuu nangeva pepatuduki nakana, nasimbayu mpo i Yanes bo i Yambres nangeva Nabi Musa nggaulu ante pangisanira.

Titus 1:11

Tona ivehaitu kana ratagi, nee mpuu mudekei ira mompatuduki! Apa nadea pobanua ntona naingu nangepe pepatudukira anu ledo masipato. Patujura mompatuduki aga manggava doi ante akala ledo nabelo.

2 Petrus 2:15

Nipalaisiramo dala nakana bo nasalandalamo ira. Nipasialara pokainggu i Bileam ana i Beor nggaulu. Ia aga naino ka doi rakavana lako ri poviana nadaa.

2 Petrus 2:3

Guru-guru mpodava haitu nadoko doi. Haitu sampe ira aga mangelo untu lako nte komiu ante tesa-tesa ledo nakana, anu nikarara mboto. Tapi pehuku ka ira nasaemo nipakatantu. Ira rahuku nu Alatala bo tempona ledo rasoro-soro.

Yudas 1:11

Mandasa mpuu ira! Nipasialara katuvu i Kain nggaulu anu nasiriati bo navuu matana nte tueina. Nipasialara ntoto sala i Bileam anu nasadia movia nuapa-nuapa asaa manggava doi. Bo pangevara Alatala nasimbayu mpo peeva i Korah nggaulu, sampe ira muni masipato rahuku nu Alatala.

Pompakita 18:13

Domo maria topangali kayu momi, rampa-rampa ntanina, bo lana vangi, mur bo dupa. Domo maria topangali uve anggur, lana zaitun, labu gando bo ose. Ivesia muni japi, bimba, jara, kareta bo tona rapobatua, domo raali ntupu ngata Babel.

Pompakita 18:3

Nageromo ngata Babel sabana tupu ngata Babel nompakeni tona lako ri njumangu dunia nanginu panginu napai anu nepakalangu. Batuana, nipakenira tona mompasiala pokainggura nadaa bo nabuga. Pura-pura magau ri dunia nompasiala pokaingguna nabuga. Bo topopagoli-topopagoli ri dunia najadi nakalumana puramo sabana nompobalu mpengaya-ngaya mbara-mbara nasuli ka tupu ngata Babel anu ledo ria kabasa-basana.”