1 Timotius 6:15 - Kaili Ledo

¹⁵ Ia makava ri tempo nipakatantu nu Alatala. Aga Alatalamo nakuasa, bo nambaso mpuu kaogeNa. Ia Magau nakuasapa pade pura-pura magau ntanina, bo Tupu anu nakuasapa pade pura-pura tupu ntanina.

1 Timotius 6:15 ပူးပေါင်းရင်းမြစ်များ

Matius 6:13

Nee rapalamba kami rapesori bo kabasakamo kami lako ri kuasa Magau nu Seta. [Sabana Komiumo Magau nakuasa bo nipokumaaka sampe ri kasae-saena. Amin.]

1 Timotius 1:11

Pepatuduki nakana haitu naria riara Kareba Belo anu niparasaya ka yaku mompatolelena, haitumo Kareba Belo lako nte Alatala. Alatala naoge bo masipato ratoiya.

1 Timotius 1:17

Alatala masipato rabila bo ratoiyata sampe ri kasae-saena, apa Iamo Magau anu nomparenta sampe ri kasae-saena. Ia ledo mamate, ledo namala rakitata, aga Ia saito-itoNa Alatala nakana. Amin!

1 Timotius 2:6

Ia manusia anu nombadekei karoNa mboto nipatesi mombatolosi pura-pura tona. Ia namate ri tempo nipakatantu nu Alatala ala malanto rakitata dota nu Alatala mompakasalama pura-pura manusia.

Pompakita 17:14

Bo ira mosieva ante Ana Bimba. Tapi Ana Bimba mombadagi ira sabana Iamo Tupu nu pura-pura tupu bo Magau nu pura-pura magau. Bo nosanggani-nggani ante Ana Bimba haitu maria muni topangoseaka-topangoseaka Ia anu nipokioNa bo nipelisiNa, anu natutu nangoseaka Ia.”

Pompakita 19:16

Ri bajuNa bo ri timpuNa nitulisi sangaNa ivei: MAGAU NU PURA-PURA MAGAU, TUPU NU PURA-PURA TUPU.