1 Timotius 6:13 - Kaili Ledo

¹³ Jadi, ri ngayo nu Alatala, anu nompakatuvu pura-pura anu naria, bo ri ngayo i Yesus Kristus anu nabia nompangaku tesa nakana ri ngayo i Pontius Pilatus, kuuli ka iko ivei:

1 Timotius 6:13 ပူးပေါင်းရင်းမြစ်များ

Matius 27:11

Tempo i Yesus nantingayo Gubernur Pilatus nekutana Gubernur nte Ia, “Mpuu-mpuu Iko Magau ntoYahudi?” Nesana i Yesus, “Nakana niulimiu.”

Matius 27:2

Nitipunggura Ia bo nikenira hau nte Gubernur Pilatus.

Yohanes 14:6

Nesana i Yesus, “Yakumo hii dala, Yakumo nompopaisani anu nakana bo Yakumo nombadekei katuvua nabelo. Ledo ria saitoa mamala makava ri ngayo nTuamaKu ane ledo ante Yaku.

Yohanes 19:11

Nesana i Yesus, “Ane Alatala ledo mombadekei kuasa ka komiu, komiu ledo mamala mombakuasai karoKu. Jadi dosa ntona anu nanggeni Yaku tumai nte komiu nambasopa pade dosamiu.”

Yohanes 5:21

TuamaKu nompakatuvu mpanjili tona namate bo nombadekei katuvua nabaru ka ira. Ivesia muni Yaku, AnaNa, mombadekei katuvua nabaru ka isema-sema nipodotaKu.

Yohanes 5:26

Apa TuamaKu Alatala nakuasa nombadekei katuvua nabaru, bo ivesia muni Yaku, AnaNa nidekeiNa kuasa ka Yaku mombadekei katuvu nabaru.

Suro-Suro 17:25

Ia ledo muni paraluu petulungi nu manusia, sabana Iamo nombadekei katuvuta bo nosata bo pura-pura niparaluuta.

2 Korintus 9:13

Apa ane rakitara pedekei petulungimiu haitu, ira mantoiya bo mombabila Alatala, sabana rakitara komiu mpuu-mpuu nomparasaya Kareba Belo i Kristus bo natundu nte parentaNa. Bo ratoiyara Alatala sabana komiu ledo mpuu natove raramiu nobagi ka ira bo ka tona ntanina anu naria nte komiu.

Galatia 3:26

Jadi, komiu pura-pura nosangu rara nte i Yesus Kristus, komiu najadi ana-ana nu Alatala sabana komiu nomparasaya i Kristus.

1 Timotius 1:12

Yaku notarima kasi nte Tuputa Yesus Kristus sabana nipekiriNa yaku namala raparasaya mompatolele Kareba Belo, bo nidekeiNa kuasa ka yaku ala kupakule mombatui pokarajaa haitu.

1 Timotius 1:15

Naria tesa nanguli ivei: “I Yesus Kristus nakava ri dunia ala mompakasalama tona nadosa.” Tesa haitu nakana bo masipato ratarimata bo raparasayata mpuu. Bo yakumo nelabipa nadosa pade pura-pura tona ntanina.

1 Timotius 2:5

haitumo, Alatala aga saito, bo aga saito muni topetariolo anu nompoposinggabelo Alatala bo manusia. Topetariolo, Iamo i Yesus Kristus.

1 Timotius 5:21

Timotius, ri ngayo Alatala bo i Yesus Kristus bo malaeka-malaekaNa anu nipelisiNa, kuuli ka iko: oseakamo parenta-parenta nitesaku pangane ante noa rara. Nee mompelenje bo nee manjairaka.

1 Timotius 6:12

Pasimbukumo mpuu-mpuu mangoseaka pepatuduki i Kristus. Kingisi pakarosomo katuvu nabelo sampe ri kasae-saena. Apa patuju nu Alatala nompokio iko majadi todeaNa ala mukava katuvu nabelo haitu tempo nipangakumu pomparasayamu i Kristus ri ngayo ntodea.

Pompakita 1:5

bo lako nte i Yesus Kristus. Iamo sabi anu namala raparasaya, Iamo tona paratama nipakatuvu mpanjili lako ri kamateNa. Iamo nomparenta pura-pura magau riara dunia. Ia nompotove kita bo nombakabasaka kita lako ri dosata ante raa kamateNa.

Pompakita 21:6

Bo niuliNa ka yaku, “Naupu puramo! Yakumo hii Pamulana bo Kaupuna. Yaku nompamula bo Yaku muni nompakaupu. Isema-sema nabai tambolona Kudekeika uve lako ri mata nu uve anu nombadekei katuvua nabelo sampe ri kasae-saena. Uve haitu Kudekei bayangi, ledo paraluu rabayari.

Pompakita 22:1

Bo malaeka haitu nompopakita ka yaku, Yohanes, sangu binangga, uvena damo nenggila mpo kaca nevayo. Bo uvena nombadekei katuvua nabelo. Binangga haitu nemata lako ri Gadera Kamagaua nu Alatala bo Ana Bimba,

Pompakita 3:14

Ana nu Manusia netudu vai ala kutulisi ka malaeka anu nanggeniaka todea topomparasaya ri ngata Laodikia ivei: “Hitumo tesa lako nte Yaku anu nipoposanga ‘Amin’, haitumo sabi natutu notesa anu nakana. Yakumo Tupu nu pura-pura anu nipajadi nu Alatala.