1 Timotius 5:21 - Kaili Ledo

²¹ Timotius, ri ngayo Alatala bo i Yesus Kristus bo malaeka-malaekaNa anu nipelisiNa, kuuli ka iko: oseakamo parenta-parenta nitesaku pangane ante noa rara. Nee mompelenje bo nee manjairaka.

1 Timotius 5:21 ပူးပေါင်းရင်းမြစ်များ

Matius 16:27

Jadi, oseakamo Yaku nau sampe mamate. Apa domo masae Yaku, Ana nu Manusia makava lako ri suruga ante kuasa bo reme lako nte TuamaKu, mosanggani-nggani ante malaeka-malaekaNa. Bo tempo haitu Kubalasi pura-pura tona nangoseaka pokaingguna.

Matius 25:41

Maupu haitu Kuuli ka ira ri sabingga njidiKu, ‘Palaimo lako nte Yaku, komiu anu nihuku nTuamaKu! Koi hau riara apu anu navaya sampe ri kasae-saena nipakasadia ka Magau nu Seta ante malaeka-malaeka anu nangoseaka ia.

Matius 28:20

Patudukimo ira ala raoseakara pura-pura anu niparentaKu ka komiu. Bo toramo! Yaku bate-batena mosanggani-nggani ante komiu sampe ri kaupu dunia.”

Lukas 20:21

Tona nitudura pangane hau nte i Yesus bo nanguli, “Guru, nisani kami pura-pura tesaMiu bo anu nipepatudukikaMiu nakana. Nisani kami muni Komiu ledo nompelenje, Komiu nanoa nompatuduki pakalanto dota nu Alatala ka manusia.

Lukas 9:26

Isema-sema maeya matana manguli ia topangoseaka Yaku bo maeya matana nte pepatudukiKu, Yaku muni maeya mataKu manguli ia topangoseaka Yaku tempo Yaku meonga lako ri suruga. Yaku, Ana nu Manusia, manau ante reme bo kuasaKu bo kuasa nTuamaKu bo malaeka-malaekaNa nagasa.

2 Korintus 5:16

Jadi haitumo sabana kami domo nombareke tona bara nabelo bara nadaa nangoseaka pekiri manusia. Bara ipia ivesia mami kami nombareke i Kristus, tapi hitupa domo.

1 Tesalonika 5:27

Ante kuasa nidekei i Pue Yesus ka yaku, kuperapi mpuu-mpuu ala sura hitu rabacamiu ka sampesuvuta pura-pura sampomparasaya ri situ.

1 Timotius 6:13

Jadi, ri ngayo nu Alatala, anu nompakatuvu pura-pura anu naria, bo ri ngayo i Yesus Kristus anu nabia nompangaku tesa nakana ri ngayo i Pontius Pilatus, kuuli ka iko ivei:

2 Timotius 2:14

Popatoramo pura-pura tesaku hitu ka topomparasaya. Ri panggita nu Alatala anu nosabiki pura-pura, ulika ira nee mosinjanaika batua ntesa. Haitu ledo ntoto naria gunana bo aga mompakagero pomparasaya ntopangepe.

2 Timotius 4:1

Timotius, petevai hitu niuliku nte mpuu-mpuu raraku. Makava tempona i Yesus Kristus makava mpanjili momparenta ri dunia hitu, bo ratangaraNa pura-pura manusia, tona da natuvu bo tona namatemo. Jadi, kuuli ka iko ri ngayo nu Alatala bo i Yesus Kristus anu nanggita pura-pura poviata:

Yakobus 3:17

Tona naria noto pompekirina anu nopuna lako nte Alatala, iamo tona nagasa rarana, ledo ria pokaingguna nadaa. Ia natuvu nosinggabelo ante tona ntanina bo nalusu rarana. Ia ledo nasombo tapi nasadia nantarima tesa lako nte tona ntanina. Naasi mpuu matana nanggita roana napakasi, bo nadea poviana nabelo. Ia ledo nompelenje, bo nanoa rarana.

2 Petrus 2:4

Toramo! Alatala ledo nombakabasaka malaeka-malaekaNa mboto lako ri pehuku tempo ira novia dosa, tapi ninavusakaNa ira riara narakaa. Ira nisuaraka riara bolo nalanda bo nirante hamai mompopea tempona ira rahuku ri Eo Potangara bara maipia.

Yudas 1:6

Tora muni malaeka-malaeka nTupu nggaulu. Sanu ira ledo naosa rarara nte kuasa nipakatantu nu Alatala ka ira, sampe nipalaisira ponturora ri suruga. Ira nitarunggu nu Alatala ri ponturo nalanda mpirika bo nipou ante rante anu ledo namala rapudusi. Bo ira ledo rakabasaka sampe makava tempona ira rahuku ri Eo Potangara bara maipia.

Pompakita 14:10

tona haitu rapokarau nu Alatala bo ledo ntoto rakurangiNa pehuku ka ira! Pehuku haitu nirapaka tona nipainu panginu napai mpuu, bo ledo niposigalo ante uve! Ira pura-pura rapandasa riara apu bo vatu-vatu colonggata narega ri panggita malaeka-malaeka nagasa bo Ana Bimba.