1 Timotius 5:19 - Kaili Ledo

¹⁹ Ane maria pakeni ntodea topomparasaya nirai ntona, nee mutarima ane ledo maria randua bara tatalu sabi mompakakana perai haitu.

1 Timotius 5:19 ပူးပေါင်းရင်းမြစ်များ

Matius 18:16

Tapi ane ledo madota ia mantarima tesamiu, keni saito atau randua tona ntanina majadi sabi ntesamiu ante ia. Povia ivesia sabana riara Buku Gasa nitulisi ivei: ‘Ane maria tona rapangadu, kana maria randua atau tatalu sabi ala malanto ia mpuu-mpuu nasala.’ Ulangan 19:15

Yohanes 18:29

Sabana haitu, i Pilatus nesuvu hau ri savalikuna mosinggavaka ira bo nipekutanana, “Nuapa sala ntona hitu sampe nipangadumiu?”

Yohanes 8:17

Riara Atura-atura agama naria nitulisi ivei: ‘Ane maria randua sabi masimbayu tesara riara potangara, tesara namala raparasaya.’

Suro-Suro 11:30

Sintuvura haitu nipoviara mpuumo, nitudura i Barnabas bo i Saulus manggeni pedekeira haitu ka pakeni-pakeni ntopangoseaka i Yesus ri ngata Yerusalem.

Suro-Suro 25:16

Tapi yaku nesana ka ira, ‘Nantuntuni atura kami todea Magau Mbaso, ane tona nipangaduka, ia kana mosintingayo ante tona nompangadu ia, bo radekeika loga manjaliku karona. Ane dopa rapovia ivesia, dopa mamala ia rahuku.’

2 Korintus 13:1

Katalu-ngganikana hitu yaku makava nte komiu. Tempo yaku ri situ nte komiu karongganina bara ipia, nipopatoraku ka ira topovia dosa bo ka pura-pura tona ntanina, tumo rapovia dosa. Jadi hitupa nau yaku ledo ri situ nte komiu, kupopatora mpanjili ka komiu: tumo mpuu movia dosa! Riara Buku Gasa niuli ane maria tona nirai, kana maria randua atau tatalu sabi ala rasani kakanana, bara nasala ia bara ledo. Maupu sia pade mamala rahuku. Ane makava ri situ yaku bo komiu dopa nenonto novia nadaa, domo maasi mataku nanggita komiu tapi kuhuku mpuu!

1 Timotius 4:14

Nee malinga mompake pompakule nidekei nu Nosa Gasa ka iko tempo tona nompasimbayu petevai lako nte Alatala ka iko bo pakeni ntopomparasaya nodika palera ri balenggamu.

1 Timotius 5:17

Pakeni ntodea topomparasaya anu nabelo pekeniakara, masipato rabila ronggani kadeana pade tona ntanina, nelabipa ira anu nompasimbuku mpuu nompatuduki bo nompatolele Tesa nu Alatala.

Titus 1:6

Tona masipato raanggataka majadi pakeni ntodea topomparasaya, haitumo tona ledo naria pokaingguna namala rasalai ntona, bo aga saito bereina mombine. Ana-anana kkana momparasaya i Kristus bo ledo niuli ntona ngana nesapuaka bara ngana ledo natumutoa.

Ibrani 10:28

Isema-sema nombasapuaka Atura-atura agama nipapola Nabi Musa nggaulu, ane naria randua bara tatalu sabi nanguli ia nasala, ia nihuku mate bo ledo ria ampu.