1 Timotius 5:14 - Kaili Ledo

¹⁴ Haitu sampe niuliku timbala-timbala da namuda aginamo moberei vai bo moana bo mompakasiayu avura mboto ala nee radekei loga ka balita manjalai kita.

1 Timotius 5:14 ပူးပေါင်းရင်းမြစ်များ

Roma 14:13

Jadi, nemo raposipakasalata. Agina kita mompasimbuku nemo rapoviata nuapa-nuapa anu mompakeni roata sampomparasaya manavu riara dosa.

2 Korintus 11:12

Tapi yaku bate-batena ledo merapi gaji lako nte komiu, ala suro-suro anu ledo ria kasimbayuna ri situ ledo maria loga mangoe manguli ira nokarajaa nasimbayu mpo kami.

1 Timotius 2:8

Dotaku ala ri umba-umba topomparasaya nasiromu mombasomba Alatala, langgai mosambaya ante rara nagasa. Ledo masipato mosambaya ane narau rara atau nosinjanai.

1 Timotius 4:3

Nipatudukira tona nee moberei bo nee mangande kandea nipopali. Tano kandea haitu nipajadi nu Alatala rakande. Kita topomparasaya i Kristus, nisanita pepatuduki nakana, bo kandea haitu namala rakandeta ante manguli tarima kasi nte Alatala.

1 Timotius 5:11

Tapi nee rasuaraka sanga ntimbala da namuda riara buku haitu. Sabana, ane dota rarara mompene sampe mombadagi dota rarana mangoseaka Kristus, ia madota rapoberei vai.

1 Timotius 6:1

Topomparasaya i Yesus anu najadi batua ntona kana mombabila bo matundu nte tuana ala Alatala ledo rasalai ntona bo pepatudukita nakana ledo rapakadaa ntona.

Titus 2:5

majadi manoto, bo ledo mogau sala, matutu mompasiayu avura mboto, majadi tobelo rara, bo mekou nte bereira mboto. Ane mombine namuda mokainggu ivesia, ledo maria tona manjalai Tesa nu Alatala.

Titus 2:8

Pakemo tesa-tesa nakana bo masipato, anu ledo mamala rasalai ntona. Ane mupatuduki ivesia, tona nangeva kita maeya matara, apa pura-pura anu niulimu nabelo. Ledo maria nuapa-nuapa nadaa anu namala rasalaira ka kita.

Ibrani 13:4

Ponjamboko kana rabilamiu pura-pura. Nee mompakagero ponjambokomiu ante mompogau tona ledo bereimiu mboto, sabana Alatala mombahuku tona nompogau tona ledo bereina mboto.