1 Timotius 5:10 - Kaili Ledo

¹⁰ Bo nisani ntonamo pokaingguna nabelo. Jonjona: nipakambasona pakabelo anana, nadamba rarana nantarima torata riara banuana, nijampangina topomparasaya, nitulungina tona nasusa, bo ia nabiasamo novia mpengaya-ngaya anu nabelo.

1 Timotius 5:10 ပူးပေါင်းရင်းမြစ်များ

Matius 25:17

Ivesia muni tona anu niparasayaka ronjobu mpeka doi bulava hau nipagolina doina haitu sampe nikavana anana ronjobu mpeka muni.

Matius 5:16

Ivesia muni reme anu naria riara ntaimiu, nee ratabuniaka! Komiu kana matuvu ante pokainggu nabelo ala tona ntanina mamala manggita pokainggumiu haitu bo mantoiya Tuamamiu ri suruga.”

Lukas 7:38

Ia nakava nanggaparai kada i Yesus bo notumangi. Uve matana nombabanggasi kada i Yesus jadi nipaisina buluana sampe nabai, bo niekina bo nitolina lana vangi kada i Yesus.

Lukas 7:44

Pade neili i Yesus nompeinta mombine pangane bo niulikaNa i Simon, “Peintamo mombine hitu! Yaku nakava ri banuamu, ledo nipakasadiamu uve Kupotoposi kadaKu nangoseaka adata ka torata. Tapi mombine hitu notoposi kadaKu ante uve matana bo nipakabaina ante buluana.

Suro-Suro 10:22

Niulira, “Kami hii nitudu Kapten Kornelius tumai. Nau ia ledo toYahudi, ia tona nanoa bo ia natundu nte Alatala bo pura-pura toYahudi nombabila ia. Naria malaeka nu Alatala nantudu ia mompokio komiu hau ri banuana ala raepena anu raulimiu ka ia.”

Suro-Suro 22:12

Ri Damsyik naria tona nosanga i Ananias. Ia tona nanoa bo natutu nangoseaka Atura-atura agama anu nipapola Nabi Musa. Pura-pura toYahudi nonturo ri ngata Damsyik mpuu-mpuu nombabila ia.

Suro-Suro 6:3

Jadi aginapa rapelisimiu papitu tona lako nte komiu mboto radekeika bago haitu. Pelisimo tona nabelo sangana, nanoto, bo nikuasai Nosa Gasa nu Alatala, bo pura-pura bago haitu radekei kami ka ira.

Suro-Suro 9:36

Napara ngata Lida naria ngata ntanina nosanga Yope. Ri ngata Yope naria saito mombine topangoseaka i Yesus, sangana i Tabita. (Riara basa Yunani sangana i Dorkas, batuana “rusa”.) Pokaingguna nabelo, bo ia nasaro nantulungi tona napakasi.

Suro-Suro 9:39

Nangepe tesa ntona randua haitu, haumo i Petrus nantuntuni ira hau ri ngata Yope. Nakava ri sia, ia nikeni hau ri tombi ri kalangana haitu. Pura-pura timbala notumangi nantagui i Petrus bo nipopakitara ka ia baju-baju bo pakea nidau i Tabita ka ira tempo ia da natuvu.

Roma 12:13

Tulungimo roa sampomparasaya anu napepa, bo tarimamo torata riara banuamiu.

Efesus 2:10

Kita hii nipajadi nu Alatala manusia nabaru anu nosangu rara nte i Yesus Kristus. Patuju nu Alatala novia ivehaitu ala kita mompakule mokainggu mabelo, mpo nipakatantuNa mami ka kita lako ri nggauluname.

Kolose 1:10

Ane rasanimiu dota nu Alatala ka komiu, mamala komiu matuvu ante pokainggu masipato ka topomparasaya i Pue, bo pura-pura inggumiu mompakadamba raraNa. Komiu mompakule movia mpengaya-ngaya anu nabelo, bo posisanimiu ante Alatala mantambai munimo.

1 Timotius 2:10

Aginapa mombine mombavera karora ante pokainggu nabelo anu masipato ka mombine anu natundu nte Alatala.

1 Timotius 3:2

Tona masipato manggeniaka todea topomparasaya kana mabelo pokaingguna sampe ledo ria pokaingguna nuapa-nuapa rapakasala. Ia aga saito bereina bo nipakulena mombatidamaka dota rarana mboto. Nanoto pekirina bo naria adana. Ia nadamba nantarima torata riara banuana bo nipakulena nompatuduki tona ntanina.

1 Timotius 3:7

Tona najadi pakeni kana rareke tona nabelo ri panggita ntodea ledo topomparasaya. Apa ane ledo ivesia, tantu ia rasalai ntona sampe Magau nu Seta mompakanavu ia.

1 Timotius 5:16

Tapi ane mombine topomparasaya naria sampesuvuna natimbala, ia kana mombatulungi timbala haitu. Nee aga rapalambana todea sampomparasaya mantulungi timbala haitu. Ivesiamo, todea topomparasaya mompakule mantulungi timbala-timbala anu mpuu-mpuu ledo ria tona nompeili ira.

1 Timotius 5:25

Ivesia muni pokainggu nabelo, biasa nalanto nikita ntona. Tapi nau ledo nikita, kana rakita ngena, apa pokainggu nabelo ledo namala ratabuniaka.

1 Timotius 6:18

Popatoramo tona nakalumana, mokainggu mabelo ala pokainggura nabelo haitu majadi kakalumanara. Ira kana majoi rara bo masadia mombatulungi tona ntanina.

2 Timotius 1:5

Yaku nosukuru nte Alatala apa nitoraku iko nomparasaya i Yesus nte mpuu-mpuu raramu. Tupumu mombine i Lois, bo tinamu, i Eunike anu nokolu nomparasaya. Bo nisaniku pomparasayamu nasimbayu nte pomparasayara.

2 Timotius 2:21

Jadi ane tona mombakabasaka pura-pura pokaingguna nadaa, ia majadi masimbayu mpo pareva bulava bo salaka rapake mombatande torata. Batuana, ia majadi topokarajaa anu nagasa bo noguna ka Tupuna, bo ia masadia movia mpengaya-ngaya pokarajaa nabelo.

2 Timotius 3:15

Lako ri kakodimu nisanimu isi Buku Gasa, bo Buku Gasa haitumo nompakanoto raramu sampe iko namala nomparasaya i Yesus Kristus bo rapakasalama.

2 Timotius 3:17

Jadi Buku Gasa mompakagana pura-pura todea nu Alatala sampe rapakulera movia pura-pura pokainggu nabelo.

Titus 2:14

I Kristus nombadekei karoNa nipatesi nanjambei kita ala mombasompo dosata. NikabasakaNa kita lako ri pura-pura pokaingguta nadaa, nipegasaNa kita bo nipataniNa kita majadi todeaNa mboto anu matutu nokainggu nabelo.

Titus 3:1

Popatoramo topomparasaya i Yesus ri situ, ira masipato matundu bo mangoseaka parenta nu pomarenta bo totua-totua ngata. Ira kana masadia mantui pura-pura pokarajaa nabelo.

Titus 3:14

Sampesuvuta sampomparasaya kana masaro movia anu nabelo, ala mamala mombatulungi tona napepa. Nee sampe katuvura ledo maria gunana.

Titus 3:8

Tesa hitu mpuu-mpuu nakana. Jadi yaku madota ala iko mompakaoto pepatuduki haitu, ala topomparasaya Alatala mompasimbuku mokainggu nabelo. Pepatuduki pangane nabelo bo noguna ka manusia.

Ibrani 10:24

Bo kita kana mompekirika berimba kita mamala mosipakaroso rara sampe kita pura-pura mosimpotove bo mokainggu nabelo.

Ibrani 13:2

Nee makaja raramiu mantarima torata makava ri banuamiu naupa torata haitu ledo nisanimiu, sabana nariamo sanu tona nantarima bo nantande torata ledo nisanira, tano mai toratara haitu malaeka nu Alatala.

1 Petrus 2:12

Komiu kana matuvu ante pokainggu nabelo mpuu ri tatanga ntona ledo nosisani nte Alatala. Ane mabelo pokainggumiu, nau rasalaira komiu bo raulira komiu novia anu nadaa, tapi kaupuna kana rapangakura nabelo pokainggumiu, bo ratoiyara Alatala tempo Ia makava.

1 Petrus 4:9

Komiu kana majole mantarima torata riara banuamiu bo nemo mongau-ngau.

3 Yohanes 1:12

Pura-pura tona nantoiya i Demetrius. Lako ri pokaingguna nanoa, nisaniramo ia nangoseaka pepatuduki nakana. Kami muni nantoiya ia, bo nisanimu nuapa-nuapa niuli kami, namala raparasaya.