1 Timotius 4:7 - Kaili Ledo

⁷ Tapi kavaonimo tesa-tesa ledo noguna bo ledo nosinggambela nte pepatuduki nakana lako nte Alatala. Iko kana bate-batena mompasimbuku matuvu natundu nte Alatala.

1 Timotius 4:7 ပူးပေါင်းရင်းမြစ်များ

Suro-Suro 24:16

Haitumo sabana yaku nasaro nompasimbuku mokainggu nabelo ala ledo maria nuapa-nuapa nipoviaku masala ri panggita nu Alatala bara ri panggita nu manusia.

1 Timotius 1:4

Ulika ira, tumo mompekirika tutura-tutura anu ledo nakana bo sunju-sunju muli ntotua nggaulu anu ledo ria kaupu-upuna. Pura-pura haitu aga nanggeni tona mosinjanai, bo ledo nanggeni tona mangoseaka nia nu Alatala mompakasalama manusia sabana pomparasayara Ia.

1 Timotius 1:9

Nisanita muni patuju nu Atura-atura haitu ledo mombatagi tona nanoa. Tapi patuju Atura-atura haitu mombatagi tona nombaliunaka atura, tona nadaa, topesapuaka, tona nadosa, tona ledo natundu nte Alatala, tona aga nompekiri kasana dunia bo ledo nompeili agama, tona nompatesi tina tuamana mboto, bo ka pura-pura topepatesi ntanina.

1 Timotius 2:10

Aginapa mombine mombavera karora ante pokainggu nabelo anu masipato ka mombine anu natundu nte Alatala.

1 Timotius 3:16

Nabelo mpuu pepatuduki nakana niparasayata, anu dopa nisani ntona nggaulu tapi sii-sii nipopaisani nu Alatala ka kita ivei: Ia najadi manusia bo Nosa Gasa nosabiki Ia mpuu-mpuu tona nipelisi nu Alatala. Ia nikita nu malaeka nu Alatala bo karebaNa nipatolele ka tona dopa nosisani nte Alatala. Ia niparasaya ntona ri umba-umba ri dunia bo Ia nianggataka hau ri suruga.

1 Timotius 4:8

Ane kita mompakaroso karota aga sakide gunana. Tapi ane kita mompakaroso rarata matuvu ante pokainggu nompakadamba Alatala, nadea mpuu gunana riara mpengaya-ngaya. Apa rakavata katuvu mabelo anu nijanji nu Alatala, nompamula sii-sii sampe ri kasae-saena.

1 Timotius 6:11

Tapi iko batua nu Alatala. Nee mpuu mokainggu madaa ivehaitu! Pasimbukumo majadi tona nanoa ri panggita nu Alatala. Pasimbukumo matuvu mangoseaka dotaNa. Kana mupakaroso pomparasayamu, potovemo singgamanusiamu, tidamaka tempo nasusa, bo moinggu malusu.

1 Timotius 6:20

Timotius, jagaimo pakabelo-belo pepatuduki nakana anu niparasaya nu Alatala ka iko ala ledo rabaliki ntona. Nee mompariara tesa ledo ria gunana bo ledo nanggeni kita mangoseaka dota nu Alatala, bo tesa-tesa anu nosisala nte pepatuduki nakana. Tesa-tesa haitu niuli ntona “pangisani”, tano ledo nakana.

1 Timotius 6:3

Naria sanu tona nanggeni pepatuduki anu nosisala ante pepatudukita. Ledo nipokonora tesa-tesa nakana lako nte Tuputa Yesus Kristus bo ledo nipokonora pepatuduki anu nanggeni kita matuvu mangoseaka dota nu Alatala.

1 Timotius 6:5

bo ledo naupu-upu nosipakadua rara. Nadaamo pekirira bo domo nisanira anu nakana. Nisarumakara makalumana ira ane moagama.

2 Timotius 2:16

Nee rapetalingai tesa-tesa anu ledo ria gunana bo ledo nombabila Alatala, sabana tesa-tesa ivehaitu ledo ntoto nanggeni tona mangoseaka dota nu Alatala.

2 Timotius 2:23

Nee mupesua potesa ntodoyo anu ledo nisanira pepatuduki nakana. Nisanimu mboto tesa ivehaitu aga mompopeumba posinjanai.

2 Timotius 3:12

Pura-pura tona anu madota matuvu mangoseaka dota nu Alatala bo matuvu mosangu rara ante i Yesus Kristus, tantu rapandasa.

2 Timotius 3:5

Pangoseakara ada-ada agama mpo tona natundu nte Alatala, tapi riara ntaira nipoarara kuasa nu Alatala anu nompakule mombabaliki rarara nadaa. Timotius, nee mpuu mosimpovega nte tona nokainggu nadaa ivehaitu.

2 Timotius 4:4

Ira mombaramu talingara ala domo raepera pepatuduki nu Alatala anu nakana, bo ira aga mompataa talingara mangepe tesa-tesa ledo nakana anu nipovia nu manusia.

Titus 1:14

Ulika ira tumo raparasayara tutura-tutura ntoYahudi anu nikarara mboto, bo nee mangoseaka atura-atura nipovia manusia anu nombasapuaka pepatuduki nakana.

Titus 2:12

Lako ri kabelo raraNa, kita nipatudukiNa mombakabasaka pokaingguta ledo nipokonoNa bo dota nu rarata nadaa. Bo kita nipatudukiNa majadi manoto, manoa, bo matuvu mangoseaka dotaNa ri dunia sii-sii.

Titus 3:9

Tapi naria muni tona aga nosibali-balika anu ledo ria gunana, bo notesaki sunju muli nu muli ntotua nggaulu anu nikarara mboto. Ira aga nosinjanai bo nosinggarau ka atura-atura agama. Petalilikamo potesa-tesa ivehaitu, apa ledo ntoto naria gunana bo ledo nanggeni belo.

Ibrani 5:14

Tapi kandea nakaa aga nikande ntona nambasomo, haitumo tona nipakabiasamo karona mompoposisala anu nabelo bo anu nadaa.