1 Timotius 3:2 - Kaili Ledo

² Tona masipato manggeniaka todea topomparasaya kana mabelo pokaingguna sampe ledo ria pokaingguna nuapa-nuapa rapakasala. Ia aga saito bereina bo nipakulena mombatidamaka dota rarana mboto. Nanoto pekirina bo naria adana. Ia nadamba nantarima torata riara banuana bo nipakulena nompatuduki tona ntanina.

1 Timotius 3:2 ပူးပေါင်းရင်းမြစ်များ

Lukas 1:6

Katuvura njamboko mpuu-mpuu nompakadamba rara nu Alatala, sabana ira njamboko natundu ri pura-pura parenta bo atura nu Alatala.

Lukas 2:36

Naria muni saito nabi mombine natua mpuumo. Sangana i Hana, ana i Panuel muli i Asyer. Nagana pitu-mpae ia noberei,

Roma 12:13

Tulungimo roa sampomparasaya anu napepa, bo tarimamo torata riara banuamiu.

Filipi 2:15

ala malanto ka pura-pura tona komiu ana-ana nu Alatala nabelo, anu ledo rasalai ntona. Komiu natuvu nanoa ri tatanga manusia natenggo bo nadaa nasimbayu mpo betue-betue nombavanta kalandana.

1 Timotius 3:12

Topotulungi pakeni ntopomparasaya kamba saito bereina. Kana rapakulena mompasiayu pakabelo anana bo tona ri banuana mboto.

1 Timotius 3:8

Ivesia muni tona anu raanggataka majadi topotulungi pakeni ntodea topomparasaya. Ia kana nabelo pokaingguna bo nanoa rarana, ledo nadoko doi bo ledo muni nabiasa gaga nanginu anu nepakalangu.

1 Timotius 4:3

Nipatudukira tona nee moberei bo nee mangande kandea nipopali. Tano kandea haitu nipajadi nu Alatala rakande. Kita topomparasaya i Kristus, nisanita pepatuduki nakana, bo kandea haitu namala rakandeta ante manguli tarima kasi nte Alatala.

1 Timotius 5:10

Bo nisani ntonamo pokaingguna nabelo. Jonjona: nipakambasona pakabelo anana, nadamba rarana nantarima torata riara banuana, nijampangina topomparasaya, nitulungina tona nasusa, bo ia nabiasamo novia mpengaya-ngaya anu nabelo.

1 Timotius 5:22

Nee masalisa gaga mombadika palemu ri karo ntona manganggataka ia majadi pakeni ntopomparasaya. Paresa ntani ruru ingguna, apa ane ia movia dosa ngena, ikomo rapakasala. Nee sampe karomu matekeni nte dosa ntona ntanina. Jagaimo pokainggumu mboto ala iko batena matuvu ante pokainggu nagasa.

1 Timotius 5:9

Timbala anu masipato rasuaraka sangana riara buku timbala ratulungi ntopomparasaya, aga mombine umuruna nagana onopulu mpae, anu nipoberei aga sanggani.

2 Timotius 2:24

Tapi batua i Pue Yesus ledo masipato mosinjanai nte tona. Ia kana malusu nte tona pura-pura. Ia kana mompakule mompatuduki ante nabelo, bo ia muni kana mosabara.

Titus 2:2

Ulimo ka totua-totua langgai ira kana mombakuasai karora mboto. Ira kana manoto bo matuvu nte pokainggu masipato ratoiya. Ira kana matutu mangoseaka pepatuduki nakana, ira kana mpuu-mpuu mompotove tona ntanina, bo mombatidamaka riara kasusa.

Ibrani 13:2

Nee makaja raramiu mantarima torata makava ri banuamiu naupa torata haitu ledo nisanimiu, sabana nariamo sanu tona nantarima bo nantande torata ledo nisanira, tano mai toratara haitu malaeka nu Alatala.

Ibrani 3:14

Apa kita manggava bagia lako ri pura-pura anu naria nte i Kristus asaa anu niparasayata lako ri pamulana bate-batena raparasayata sampe ri kaupuna bo ledo molengga-lengga.

1 Petrus 4:7

Naparamo kaupu nu dunia. Jadi komiu kana mainga bo mompakanoto raramiu ala komiu mamala mosambaya.

1 Petrus 4:9

Komiu kana majole mantarima torata riara banuamiu bo nemo mongau-ngau.

1 Petrus 5:8

Komiu kana mainga bo manoto rara, sabana balimiu, Magau nu Seta hau tumai nasimbayu mpo singa nongao-ngao nompengavu tona rasakana.