1 Timotius 3:14 - Kaili Ledo

¹⁴ Timotius, nisarumakaku masalisa yaku tou mosinggava nte iko. Tapi naupa ivesia, nitulisiku sura hitu ka iko

1 Timotius 3:14 ပူးပေါင်းရင်းမြစ်များ

1 Korintus 11:34

Ane maria tona naara taina, agina ia mangande ntani ruru lako ri banuana mboto. Nee sampe masiromu mosanggani-nggani bo aga rapambela pehuku nu Alatala. Bo ane yaku tou nte komiu ngena, damo kupakasiayu parakara-parakara ntanina.

1 Tesalonika 2:18

Kami nonia mami tou nte komiu bara ipia. Yaku mboto bara sako-ngganimo nompasimbuku mosinggava nte komiu, tapi Magau Seta nasaro nombalava kami sampe dopa najadi.

1 Timotius 3:13

Ane mabelo pokarajaana mombatulungi pokarajaa nTupu, tantu ia rabila ntona bo ia mantambai mabia mosabiki pomparasayana i Yesus Kristus.

1 Timotius 3:15

mbelaka masae pade makava yaku, musanimo pokainggu masipato ka pura-pura tona nireke nu Alatala ana-anaNa. Apa kitamo todea anu nombasomba Alatala anu Natuvu sampe ri kasae-saena. Kitamo nanggangisi bo nombajagai pepatuduki nakana lako nte Alatala ala ledo rabaliki ntona, nasimbayu mpo tinja bo pandasi nombatande pakaroso banua.

1 Timotius 4:13

Papolamo mombaca Buku Gasa ka todea topomparasaya bo nee menonto mompakaroso pomparasayara bo mompatuduki ira sampe makava yaku.

Filemon 1:22

Naria vai sangupa kuperapi nte iko, tulungi pakasadia ka yaku ponturo ri banuamu, sabana nisarumakaku posambayamiu pura-pura raepe nu Alatala bo yaku rakabasaka lako ri tarunggu bo mamala mosinggava vai nte iko.

Ibrani 13:23

Kana rasanimiu, sampesuvuta i Timotius nikabasakamo lako ri tarunggu. Ane masalisa ia tumai nte yaku, kukeni ia mosanggani-nggani nte yaku tou mosinggava nte komiu.

2 Yohanes 1:12

Da nadeapa anu kutesa ka komiu, tapi nipekiriku nabelopa domo kutulisi ri sura. Yaku nonia tou nte komiu, jadi nabelopa kita mosinggava bo motesa ri mata, ala rarata mpuu-mpuu madamba mpasanggani-nggani.

3 Yohanes 1:14

Nisarumakaku domo masae, yaku tou mosinggava nte iko bo mamala kita motesa ri mata.