1 Timotius 3:10 - Kaili Ledo

¹⁰ Dopame ia raanggataka, ia kana raparesa ntani ruru. Bo ane nikita ledo ria pokaingguna nasala, pade mamala ia raanggataka majadi topotulungi pakeni ntopomparasaya.

1 Timotius 3:10 ပူးပေါင်းရင်းမြစ်များ

1 Korintus 1:8

Alatala mompakaroso komiu sampe ri kaupuna ala tempo Tuputa Yesus Kristus makava mpanjili ri dunia, ledo maria salamiu rakavaNa.

Kolose 1:22

Tapi, sii-sii Alatala nompoposinggabelo mpanjili komiu ante Ia sabana kamate i Kristus. I Kristus nombadekei karoNa rapatesi ala komiu majadi magasa, bo komiu ledo masala atau makura ri panggitaNa.

1 Timotius 3:13

Ane mabelo pokarajaana mombatulungi pokarajaa nTupu, tantu ia rabila ntona bo ia mantambai mabia mosabiki pomparasayana i Yesus Kristus.

1 Timotius 3:2

Tona masipato manggeniaka todea topomparasaya kana mabelo pokaingguna sampe ledo ria pokaingguna nuapa-nuapa rapakasala. Ia aga saito bereina bo nipakulena mombatidamaka dota rarana mboto. Nanoto pekirina bo naria adana. Ia nadamba nantarima torata riara banuana bo nipakulena nompatuduki tona ntanina.

1 Timotius 3:6

Ledo mamala tona dako nomparasya i Kristus majadi pakeni ntopomparasaya, mbelaka malanga rarana bo rapambela pehuku nasimbayu mpo pehuku nipambela ka Magau nu Seta bara ipiame.

1 Timotius 5:22

Nee masalisa gaga mombadika palemu ri karo ntona manganggataka ia majadi pakeni ntopomparasaya. Paresa ntani ruru ingguna, apa ane ia movia dosa ngena, ikomo rapakasala. Nee sampe karomu matekeni nte dosa ntona ntanina. Jagaimo pokainggumu mboto ala iko batena matuvu ante pokainggu nagasa.

1 Yohanes 4:1

Sampesuvu-sampesuvu nipotoveku, nee kaliu-liu raparasayamiu pura-pura tona nanguli naria Nosa Gasa nu Alatala nte ira. Tapi peintaka ruru, ala rasanimiu bara Nosa Gasa mpuu naria nte ira, bara ledo. Niuliku ivesia apa nadeamo nabi mpodava ri umba-umba ri dunia sii-sii.