1 Timotius 2:5 - Kaili Ledo

⁵ haitumo, Alatala aga saito, bo aga saito muni topetariolo anu nompoposinggabelo Alatala bo manusia. Topetariolo, Iamo i Yesus Kristus.

1 Timotius 2:5 ပူးပေါင်းရင်းမြစ်များ

Matius 1:1

Iveimo sunju nu muli ntotua i Yesus Kristus, muli Magau Daud, muli i Abraham:

Matius 1:23

“Saito randaa matiana bo mompoanaka saito ngana langgai. Bo ngana haitu rapoposanga i Imanuel.” Yesaya 7:14 (Imanuel riara basa Ibrani batuana: “Alatala mosanggani ante kita.”)

Lukas 14:22

Jadi naupu nipoviana pura-pura anu niparenta ka ia, niulinamo, ‘Tua, nipoviakumo anu niulimiu. Nadea tona nakava tapi da nariapa ponturo naloga.’

Yohanes 1:14

Ia anu niuli Tesa nu Alatala haitu najadi manusia bo nonturo ri tatanga kami ri dunia hitu. Bo nikita kami kuasaNa bo kaogeNa, haitumo kuasa bo kaoge nitarimaNa lako nte TuamaNa apa Ia AnaNa saito-itoNa. Iamo sampe nisanita mpuu Alatala bo toveNa ka kita.

Yohanes 17:3

Iveimo sampe manusia matuvu mabelo sampe ri kasae-saena: ira mosisani nte Komiu, Alatala aga saito-itoMiu nakana, bo ira mosisani muni ante Yaku, i Yesus Kristus, anu nituduMiu.

Suro-Suro 4:12

I Petrus nompapola tesana, “Aga i Yesus namala mompakasalama manusia, sabana ri njumangu dunia ledo ria saitoa tona ntanina nipakakuasa nu Alatala mompakasalama manusia, aga i Yesus saitoNa.”

Roma 1:3

Kareba Belo haitu notesaki Ana nu Alatala, haitumo Tuputa Yesus Kristus. I Yesus najadi manusia apa Ia nipoanaka lako ri muli Magau Daud. KagasaNa nasimbayu nte kagasa nu Alatala sabana Ia Ana nu Alatala mami. Nisanita Ia mpuu-mpuu Ana nu Alatala sabana Alatala nompakatuvu Ia mpanjili lako ri kamateNa ante kuasa nipokumaaka.

Roma 10:12

Tesa-tesa hitu nambela ka pura-pura tona sabana ledo ria posisalana toYahudi bo tona ledo toYahudi. Aga saito Alatala, bo Ia Tupu nu manusia pura-pura. Ia nabelo raraNa nte pura-pura tona anu nekakai nte Ia.

1 Korintus 8:4

Jadi ane motesa kandea nipakande ka tupu-tupu ntanina, nisanitamo pinoito nogambara anu ledo nakana. Bo nisanita muni Alatala aga saito, ledo ria ntanina.

1 Korintus 8:6

Tapi ane kita topomparasaya, nisanita aga saito Alatala nakana. Iamo Tuamata anu nompajadi pura-pura anu naria ri dunia. Iamo nombadekei katuvu ka kita ala kita mombasomba Ia. Bo aga saito Tuputa, i Yesus Kristus anu nipopale nu Alatala nompajadi pura-pura anu naria, bo lako nte Ia sampe natuvu kita.

Galatia 3:20

Topotariolo aga niparaluu ane maria randua tona nosijanji. Tapi tempo Alatala novia pojanjiNa ante i Abraham, ledo ria malaeka atau tona ntanina ri olona. Aga Alatala mbotomo nojanji.

Efesus 4:6

Aga saito Alatala, Tuamata pura-pura. Iamo nomparenta pura-pura, bo Iamo nompake kita pura-pura, bo Iamo nonturo riara ntaita pura-pura.

1 Timotius 6:13

Jadi, ri ngayo nu Alatala, anu nompakatuvu pura-pura anu naria, bo ri ngayo i Yesus Kristus anu nabia nompangaku tesa nakana ri ngayo i Pontius Pilatus, kuuli ka iko ivei:

Ibrani 12:24

Bo komiu muni nantingayo i Yesus, Topetariolo anu nompasiayu pojanji nabaru haitu. Bo komiu nantingayo raa nipatiti i Yesus anu nabelopa pade raa i Habel.

Ibrani 7:25

Jadi haitumo sampe Ia nompakule nompakasalama sampe ri kasae-saena tona nikeniNa natundu nte Alatala. Apa i Yesus batena natuvu nombasaliku ira ri ngayo nu Alatala.

Ibrani 8:6

Tapi i Yesus nanggava pokarajaa nanggeni pesomba anu nabelopa pade pokarajaa ntopanggeni pesomba ri dunia hitu anu nangoseaka Atura-atura agama nggaulu. Bo ivesia muni pojanji nabaru anu nipasiayuNa ri olo nu Alatala bo manusia nelabipa kabelona pade pojanji nokolu, sabana pojanji nabaru nipovia nangoseaka janji-janji tobelona.

Ibrani 9:15

Haitu sampe i Kristus najadi topetariolo anu nompasiayu pojanji nu Alatala nabaru ala tona nipelisi nu Alatala mamala mantarima belo nijanjiNa sampe ri kasae-saena. Apa i Kristus namate nombatolosi dosa nipovia tempo pojanji nokolu da nipake.

1 Yohanes 2:1

Sampesuvu-sampesuvu nipotoveku, patujuku notulisi sura hitu ka komiu ala nee rapoviamiu dosa. Tapi ane maria tona movia dosa, naria saito topombasaliku, Iamo i Yesus Kristus anu nanoa. Iamo mombasaliku kita ri ngayo nTuamaNa Alatala.

Pompakita 1:13

Ri olo kada mpoindo haitu naria saito tona, lenjena mpo Ana nu Manusia. Baju nipasuaNa nandoe nakava ri kadaNa, bo bambaraNa nibeve bulava.