1 Timotius 2:4 - Kaili Ledo

⁴ Ia madota ala pura-pura tona rapakasalama bo mangisani pepatuduki nakana,

1 Timotius 2:4 ပူးပေါင်းရင်းမြစ်များ

Matius 28:19

Jadi koimo komiu, hau ri umba-umba ri dunia, mompatuduki tona lako ri umba-umba ngata majadi topangoseaka Yaku. Diumo ira ante kuasa nTuamata Alatala, Yaku AnaNa, bo Nosa Gasa.

Markus 16:15

NiulikaNa ira, <

Lukas 1:77

Iko mompopaisani ka todea nTupu ira rapakasalama ane dosara niampungi nu Alatala.

Lukas 14:23

Jadi nanguli tupu nu posusa ka batuana haitu, ‘Ane ivesia, koi hau ri dala mbaso bo dala kodi ri savaliku ngata. Saravimo tona tumai, ala maponu pura ponturo ri banuaku!

Lukas 24:47

Kareba Belo kana rapatolele ka pura-pura manusia; ala ira majea lako ri dosara bo Alatala mombaampungi ira sabana anu nipovia nu Magau Topepakasalama. Kareba haitu kana rapatolele mompamula lako ri ngata Yerusalem hitu sampe ri njumangu dunia.

Yohanes 14:6

Nesana i Yesus, “Yakumo hii dala, Yakumo nompopaisani anu nakana bo Yakumo nombadekei katuvua nabelo. Ledo ria saitoa mamala makava ri ngayo nTuamaKu ane ledo ante Yaku.

Yohanes 17:17

Patudukimo ira ante TesaMiu nakana sampe ira majadi todeaMiu nagasa. TesaMiu haitumo pepatuduki nakana.

Yohanes 6:37

Pura-pura tona nidekei nTuamaKu ka Yaku kana momparasaya Yaku, bo isema-sema momparasaya Yaku ledo ntoto Kupoara.

Roma 11:14

Apa nisarumakaku maria sanu sampesuvuku toYahudi masiriati manggita komiu, sampe ira muni mamala kukeni momparasaya i Yesus bo rapakasalama.

1 Timotius 4:10

Haitu sampe kita nompasimbuku mokarajaa ntamo mompatuduki pepatuduki nakana, sabana kita nanjarumaka Alatala anu Natuvu sampe ri kasae-saena. Iamo nompakule nompakasalama pura-pura manusia, nelabipa tona nomparasaya Ia.

2 Timotius 2:25

Ia kana malusu rarana mompatuduki tona nangeva ia, mbelaka da mamala ira rakeni nu Alatala majea lako ri pokainggura nasala bo mangisani pepatuduki nakana.

2 Timotius 3:7

Mombine-mombine haitu nasaro nekipaguru tapi ledo nipakulera nombapaha mpuu pepatuduki nakana lako nte Alatala.

Titus 1:1

Sampesuvuku i Titus: Sura hitu lako nte yaku Paulus, batua nu Alatala bo suro i Yesus Kristus. Yaku nianggatakaNa bo nisuroNa mompakaroso pomparasaya ntona nipelisi nu Alatala. NituduNa muni yaku mompatuduki ira ala rasanira pepatuduki nakana, anu manggeni ira matuvu nangoseaka dota nu Alatala.

Titus 2:11

Iko kana mompatuduki tona matuvu nte pokainggu nabelo, sabana lako ri kabelo rara nu Alatala, nibukaNamo dala ala pura-pura manusia mamala rapakasalama.

Ibrani 10:26

Ane ratunggaita bate-batena movia dosa naliu nitarimata pepatuduki nakana, ledo ria pesomba mompakalali dosa haitu.

Yakobus 3:14

Tapi ane komiu aga nasiriati, bo aga nompekirika karomiu mboto, nee rakalanga raramiu bo manguli nanoto pekirimiu. Apa inggumiu haitu nosisala ante pepatuduki nakana.

2 Petrus 3:9

Nadea tona nanguli i Pue nokalera nompakadupa pojanjiNa makava mpanjili ri dunia. Tapi Ia ledo nokalera. Ia dopa nakava sabana Ia nosabara nte komiu, Ia madota ala ledo maria saitoa tona rahuku sampe ri kasae-saena. DotaNa, ala pura-pura tona manggava loga majea lako ri dosara.

2 Yohanes 1:1

Nina ntali ana, anu nipelisi nu Alatala: Sura hitu lako nte yaku, i Yohanes, pakeni ntodea topomparasaya. Yaku mpuu-mpuu nompotove komiu. Ledo aga yaku tapi pura-pura topangisani pepatuduki nakana lako nte Alatala, nompotove komiu muni.

Pompakita 14:6

Bo nikitaku saito malaeka ntanina nevoro ri laerava. Ia nanggeni Kareba Belo anu ledo nabali sampe ri kasae-saena ka pura-pura manusia ri dunia, haitumo ka tona ri pura-pura ngata, ri pura-pura valaa, bo lako ri pura-pura basa ri dunia.