1 Timotius 1:9 - Kaili Ledo

⁹ Nisanita muni patuju nu Atura-atura haitu ledo mombatagi tona nanoa. Tapi patuju Atura-atura haitu mombatagi tona nombaliunaka atura, tona nadaa, topesapuaka, tona nadosa, tona ledo natundu nte Alatala, tona aga nompekiri kasana dunia bo ledo nompeili agama, tona nompatesi tina tuamana mboto, bo ka pura-pura topepatesi ntanina.

1 Timotius 1:9 ပူးပေါင်းရင်းမြစ်များ

Matius 10:21

Makava tempona maria tona mombadekei sampesuvuna mboto rapatesi sabana sampesuvuna nomparasaya Yaku. Bo maria muni totua mombadekei anana mboto rapatesi. Bo ngana-ngana mangeva tina tuamara mboto bo mombadekei ira rapatesi.

Roma 1:30

bo nompakadaa sanga ntona ntanina. Navuu matara nte Alatala, ira najampa, nalanga rara bo nangoe. Ira natau nangelo akala movia anu nadaa bo ledo natundu nte totuara.

Roma 4:13

Tempo nggaulu Alatala nojanji ka i Abraham bo muli-mulina, dunia majadi bagiara. Alatala nojanji ivesia ledo sabana i Abraham nangoseaka Atura-atura agama, tapi sabana niparasayana Alatala bo Alatala nombareke ia nanoa ri panggitaNa.

Roma 5:20

Atura agama nidekei nu Alatala ala mantambai kadea dosa nipovia nu manusia. Tapi nau dosa manusia nantambai kadeana, pepotove nu Alatala naogepa.

Roma 6:14

Nee radekei karomiu rakuasai nu dosa, apa kita domo nipou Atura agama. Tapi kita nanjarumaka pepotove nu Alatala.

Galatia 3:19

Jadi ane ivesia, nuapa tano patuju nu Atura agama? Alatala nombadekei Atura-atura agama naliutaka pojanjiNa ka i Abraham, ala malanto ka kita, manusia nadosa nombaliunaka dotaNa. PatujuNa ala Atura haitu rapake sampe kakava nu Muli i Abraham anu niboto riara pojanijiNa nte i Abraham nggaulu, haitumo i Yesus Kristus. Alatala nombatudu malaeka-malaekaNa manggeni Atura agama ka i Musa anu najadi topotariolo nompapola Atura haitu ka manusia.

Galatia 5:18

Tapi ane komiu nikeniaka Nosa Gasa nu Alatala, komiu ledo paraluu matundu nte Atura agama.

Galatia 5:21

Nario matara nte mbara-mbara ntona, ira nanginu sampe nalangu bo nasiromu nangande bo nanginu sampe nabasa, bo nadea muni pokainggu ntanina ivehaitu. Jadi evamo niuliku ka komiu bara ipia, kupopatora ka komiu sangganipa: tona nokainggu ivegahaitu ledo ntoto manggava bagia ri Poparenta nu Alatala.

Galatia 5:23

naede rarara, bo nombakuasai dota nu karora mboto. Ledo ria atura agama anu nombatagi pokainggu ivehaitu.

2 Tesalonika 2:8

pade meumba Topesapuaka. Tapi tempo i Pue Yesus meonga ante kuasaNa nareme, kuasa nTopesapuaka malipo sanggani, bo i Pue Yesus mompatesi ia ante nosa lako ri sumbaNa.

1 Timotius 4:7

Tapi kavaonimo tesa-tesa ledo noguna bo ledo nosinggambela nte pepatuduki nakana lako nte Alatala. Iko kana bate-batena mompasimbuku matuvu natundu nte Alatala.

1 Timotius 6:20

Timotius, jagaimo pakabelo-belo pepatuduki nakana anu niparasaya nu Alatala ka iko ala ledo rabaliki ntona. Nee mompariara tesa ledo ria gunana bo ledo nanggeni kita mangoseaka dota nu Alatala, bo tesa-tesa anu nosisala nte pepatuduki nakana. Tesa-tesa haitu niuli ntona “pangisani”, tano ledo nakana.

2 Timotius 2:16

Nee rapetalingai tesa-tesa anu ledo ria gunana bo ledo nombabila Alatala, sabana tesa-tesa ivehaitu ledo ntoto nanggeni tona mangoseaka dota nu Alatala.

2 Timotius 3:2

Tempo haitu madea tona aga mompotove karora mboto. Ira madoko doi, mamango, malanga rara, mantunturaka roa, bo ledo matundu nte totuara. Ledo rasanira motarima kasi, bo ledo rapeilira agama.

Titus 1:10

Niuliku ivesia, sabana nadeamo tona nangeva pepatuduki nakana, nelabipa topanguli kita topomparasaya kana mangoseaka Atura-atura agama evamo ada suna. Ira nombabagiu tona ntanina ante tesara anu ledo ria batuana.

Titus 1:16

Pangulira ira nosisani ante Alatala, tapi pokainggura ledo nosinggambela nte tesara. Pokainggura aga nompakarunggu rara nu Alatala, bo ira ledo nadota natundu nte Alatala. Ledo nipakulera nokainggu nabelo.

Titus 1:6

Tona masipato raanggataka majadi pakeni ntodea topomparasaya, haitumo tona ledo naria pokaingguna namala rasalai ntona, bo aga saito bereina mombine. Ana-anana kkana momparasaya i Kristus bo ledo niuli ntona ngana nesapuaka bara ngana ledo natumutoa.

Titus 3:3

Toramo, kita muni bara ipia da nalanda rarata nasimbayu mpo tona ledo nomparasaya i Yesus. Ledo nisanita dala nakana mosisani nte Alatala bo ledo nioseakata parentaNa. Katuvuta bara ipia nikuasai dota nu rarata nadaa bo kasana nu dunia anu ledo nabelo. Kita natuvu narau rara nanggita roa, nasiriati, bo nosipovuu mata nte tona ntanina.

Ibrani 11:31

Bo lako ri pomparasaya i Rahab, mombine bajinga, nitarimana nabelo mata-mata ntoIsrael riara banuana. Jadi ia ledo nipatesi nosinggani-nggani ante toYerikho anu ledo natundu nte Alatala,

Ibrani 12:16

Nee sampe maria tona mosipogau nte tona ledo bereina mboto. Bo nee sampe maria tona moinggu mpo i Esau, apa ia aga nompekirika kasana karona ri dunia hitu bo ledo nipekirikana dota nu Alatala. Kalumbuana nisulakana sanjuraya kandea.

1 Petrus 2:7

I Kristus, anu nirapaka vatu haitu, noali mpuu ka komiu topomparasaya. Tapi ane tona ledo nomparasaya, ia nasimbayu mpo anu nitulisi riara Buku Gasa ivei: “Vatu nipoara ntopovia banua, vatu haitumo anu nopokopa ka banua haitu.” Mazmur 118:22

1 Petrus 3:20

haitumo nyawa ntona anu ledo natundu nte Alatala tempo Nabi Nuh nggaulu. Tempo Nabi Nuh da novia kapala, naoge mpuu posabara nu Alatala mompopea ira majea lako ri dosa-dosara. Tapi tempo uve nanggabuntu nompakalodo isi dunia, aga uvalu tona nesavi kapala haitu. Bo kapala haitu noliu ri uve oge sampe ira uvalu nipakasalama.

1 Petrus 4:18

Riara Buku Gasa nitulisi ivei: “Iyapa tona nanoa nakaja rapakasalama, Nemopa tona nadosa anu ledo natundu nte Alatala!” Amsal 11:31

Yudas 1:15

mombatangara pura-pura manusia. Ia mombahuku pura-pura topesapuaka sabana pesapuakara. Ia mombahuku topesapuaka nadosa haitu sabana tesa nadaa nisovadakara nanjalai Ia.”

Pompakita 21:8

Aga tona naeka mangoseaka Yaku, atau ledo niparasayana Yaku, bo tona nadaa pokaingguna, topepatesi, tona nokainggu nabuga, topedoti, tona nombasomba tupu-tupu ntanina, bo pura-pura topodava, ira pura-pura kana rahuku riara ntasi apu anu navaya ante vatu-vatu colonggata. Haitumo niuli kamatea karongganina.”

Pompakita 22:15

Tapi tona nadaa, topedoti, tona nogau sala ante tona ledo bereina mboto, topepatesi, tona netupu nte tupu ntanina, topodava bo pura-pura tona nompokono dava, ponturora pura-pura aga ri savaliku ngata haitu.