1 Timotius 1:7 - Kaili Ledo

⁷ Ira madota majadi guru Atura agama, tapi ira mboto ledo nisanira batua nu tesa-tesa nipakera. Nisarumakara ira napande nompakalanto batuana Atura agama, tano ledo nisanira patujuna.

1 Timotius 1:7 ပူးပေါင်းရင်းမြစ်များ

Matius 15:14

Jadi palambakamo toFarisi haitu. Ira eva pakeni naburo. Ane tona naburo mombanini toburo ntanina, natantu ira randua manavu mpasanggani riara lovu.”

Matius 21:27

Jadi nesana ira ka i Yesus, “Ledo nisani kami lako ri umba kuasana.” Jadi i Yesus nanguli ka ira, “Ane ivesia, ledo muni Kuuli ka komiu isema nombadekei kuasa ka Yaku movia mpengaya-ngaya hitu.”

Lukas 2:46

Nagana katalu-mbongina pade nikavara Ia ri Banua nu Alatala. Ia nonturo ri sia nangepe guru agama notesa bo nipekutana-tanaNa ira.

Suro-Suro 15:1

Naria bara sako-ndua toYahudi nakava ri Antiokhia lako ri bagia Yudea anu nomparasaya i Yesus. Ira nompatuduki topangoseaka i Yesus ri sia ivei: “Ane komiu ledo rasuna nantuntuni Atura-atura nipapola Nabi Musa, komiu ledo mamala rapakasalama.”

Roma 1:22

Pangulira iramo tonoto pekiri, tano aga todoyo!

Galatia 3:2

Aga sangaya madota kusani lako nte komiu. Komiu nantarima Nosa Gasa nu Alatala sabana nangoseaka Atura agama? Atau nangepe bo nomparasaya Kareba Belo i Kristus? Tantu nitarimamiu Nosa Gasa apa niepemiu bo niparasayamiu Kareba Belo.

Galatia 3:5

Alatala najoi raraNa nompopanau Nosa GasaNa ka komiu bo nipoviaNa kabaraka-kabaraka ri tatangamiu. Jadi berimba? NipoviaNa pura-pura haitu sabana komiu nangoseaka Atura agama? Tantu ledo! NipoviaNa pura-pura haitu sabana komiu nangepe bo nomparasaya Kareba Belo i Kristus!

Galatia 4:21

Hee komiu anu madota matundu nte Atura agama ala majadi manoa ri panggita nu Alatala! Mai kuuli ka komiu anu nitulisi riara Buku Atura Agama!

1 Timotius 6:4

Tona haitu nalanga rarana. Ia netitau tapi ledo nisanina nuapa-nuapa. Ia aga nagila nangelo saba bo nosinjanai ka batua nu tesa. Pepatudukira haitu aga nanggeni tona nasiriati, nosinggarau, nosiuli-uli, nosirai,

2 Timotius 3:7

Mombine-mombine haitu nasaro nekipaguru tapi ledo nipakulera nombapaha mpuu pepatuduki nakana lako nte Alatala.

Yakobus 3:1

Sampesuvu-sampesuvuku, nee madea komiu madota majadi guru agama, apa nisanimiu mantamopa potangara nu Alatala ka guru pade ka tona ntanina.

2 Petrus 2:12

Tapi guru-guru mpodava haitu nanjalai nuapa-nuapa ledo nisanira. Ira nasimbayu nte binata nasoa, anu aga nipoanaka rasaka bo rapatesi. Ira ledo nompekiri, aga natuvu nangoseaka dota-dota anu naria nte ira. Jadi lako ri pokainggura nadaa haitu, guru-guru mpodava kana rapakaropu nasimbayu nte binata-binata nasoa.