1 Timotius 1:20 - Kaili Ledo

²⁰ evamo i Himeneus bo i Aleksander. Nidekeikumo ira randua riara kuasa Magau nu Seta ala rahuku, ala domo rasalaira Alatala.

1 Timotius 1:20 ပူးပေါင်းရင်းမြစ်များ

Matius 18:17

Ane ia ledo madota mantarima tesara, popaisanimo ka todea topomparasaya. Bo ane ledo madota ia mantarima tesa belo lako nte todea haitu, ia kana rarekemiu nasimbayu eva tona ledo nosisani ante Alatala bo eva topesingara balasitee nadaa.

Suro-Suro 13:45

Nanggita todea haitu, nasiriati mpuumo rara nu pakeni ntoYahudi. Nisalaira i Paulus, bo nievara pura-pura anu niulina.

Suro-Suro 19:33

Naria saito toYahudi nosanga i Aleksander nipopokolu ntoYahudi ri ngayo ntodea. Bara sako-ndua tona lako ri todea haitu nombatentei ka ia nuapa najadi. I Aleksander nanganggataka palena, tandana ia madota motesa manjaliku karona ri ngayo ntodea.

1 Korintus 11:32

Tapi ane rapana kita rapambela pehuku nu Alatala sii-sii, patujuNa kita rapatuduki ala nee sampe kita rapakaropu mosanggani-nggani ante tona ri dunia anu ledo natundu nte Alatala.

2 Korintus 10:6

Jadi ane rakita kami komiu pura-pura mpuu-mpuu natundu nte i Kristus, masadiamo kami mombahuku tona ntanina anu ledo natundu.

2 Korintus 13:10

Haitu sampe nitulisiku sura hitu ka komiu dopame yaku tou, ala ane makava ri situ nte komiu yaku, ledo paraluu makasara yaku mompakabelo pokainggumiu ante kuasa nidekei nTupu ka yaku. Apa kuasa haitu nidekeiNa ka yaku ala mompakaroso komiu, ledo ala mompakagero komiu.

2 Tesalonika 3:15

Tapi nee mavuu matamiu nte ira. Popaingamo ira, apa ira sampesuvumiu sampomparasaya.

1 Timotius 5:15

Niuliku ivesia sabana naria mamimo timbala nasalandala bo domo nangoseaka dota i Kristus, tapi aga nangoseaka dota Magau nu Seta.

2 Timotius 2:14

Popatoramo pura-pura tesaku hitu ka topomparasaya. Ri panggita nu Alatala anu nosabiki pura-pura, ulika ira nee mosinjanaika batua ntesa. Haitu ledo ntoto naria gunana bo aga mompakagero pomparasaya ntopangepe.

2 Timotius 2:17

Tesa ntona haitu nendai mpo dua bo nompakadaa katuvu ntona. I Himeneus bo i Filetus notesa ivehaitu.

2 Timotius 3:2

Tempo haitu madea tona aga mompotove karora mboto. Ira madoko doi, mamango, malanga rara, mantunturaka roa, bo ledo matundu nte totuara. Ledo rasanira motarima kasi, bo ledo rapeilira agama.

Ibrani 12:5

Nee rakalingasimiu tesa lako ri Buku Gasa anu nompangajari kita, nasimbayu mpo totua nompangajari ngana-ngana, ivei: “Anaku, nee rasapuaka pepatuduki nTupu. Nee maupu raramu ane raonteakaNa iko.

Pompakita 13:1

Naliu haitu nikitaku sangu binata nadaa nesuvu lako rantasi. Binata haitu notandu sapulu bo nobalengga papitu. Pura-pura tanduna naria songgo mpo songgo magau, bo ri pura-pura balenggana nitulisi tesa-tesa nompandaente Alatala.

Pompakita 3:19

Isema-sema nipotoveKu, Kuonteaka bo Kujeani ala mompatuduki ira. Haitu sampe Kuuli ka komiu, pakadidi raramiu bo kajeamo lako ri dosamiu.