1 Timotius 1:19 - Kaili Ledo

¹⁹ Pakaroso pomparasayamu, bo iko kana bate-batena movia anu nisanimu nabelo ala iko ledo rasalai nu pekirimu. Naria bara sako-ndua tona domo nompeili anu nisanira nabelo rapoviara, sampe nageromo pomparasayara,

1 Timotius 1:19 ပူးပေါင်းရင်းမြစ်များ

Matius 6:27

Nuapa gunana makini raramiu? Nau damo makini njuu raramiu, ledo ria saitoa komiu mompakule mantambai umurumiu, nau aga sambongi.

1 Korintus 11:19

Komiu kana matebagi-bagi mami ala rasani isema komiu mpuu-mpuu nangoseaka i Yesus!

Galatia 5:4

Ane komiu mompasimbuku majadi manoa ri panggita nu Alatala ante mangoseaka Atura agama, komiu nopudusi posangu raramiu nte i Kristus. Komiu notubengosi kabelo rara nu Alatala.

1 Timotius 1:5

Patuju parentaku hitu ala kita mosimpotove, ante tove neumba lako ri rara nagasa, pekiri rara ntai anu ledo nombasalai kita, bo pomparasayata i Kristus mpuu-mpuu nakana.

1 Timotius 3:9

Ia kana maroo momparasaya pepatuduki nakana anu nipopaisani nu Alatala ka kita, bo kana mangoseaka pepatuduki haitu ante mpuu-mpuu rarana.

1 Timotius 6:12

Pasimbukumo mpuu-mpuu mangoseaka pepatuduki i Kristus. Kingisi pakarosomo katuvu nabelo sampe ri kasae-saena. Apa patuju nu Alatala nompokio iko majadi todeaNa ala mukava katuvu nabelo haitu tempo nipangakumu pomparasayamu i Kristus ri ngayo ntodea.

1 Timotius 6:21

Naria tona nangoseaka tesa haitu sampe nasalandalamo, bo domo nangoseaka pepatuduki nakana. Kuperapi Tupu mombadekei belo ka komiu pura-pura. Amin. Tabe lako ri nte yaku, Paulus

1 Timotius 6:9

Tapi tona madota majadi makalumana mambela pesori. Ia ratoliani mpengaya-ngaya dota rara nadaa bo nadoyo, bo dota-dota haitu mompakagero katuvuana, mompakanavu ia, bo mompakaropu ia

2 Timotius 2:18

Ira nasalandalamo lako ri pepatuduki nakana bo aga nompakagero pomparasaya ntona. Niulira naliumo pompakatuvu mpanjili tona namate. Pepatudukira haitu ledo ntoto nakana.

2 Timotius 4:4

Ira mombaramu talingara ala domo raepera pepatuduki nu Alatala anu nakana, bo ira aga mompataa talingara mangepe tesa-tesa ledo nakana anu nipovia nu manusia.

Titus 1:9

Ia kana maroo manggangisi pepatuduki nakana anu nipatudukita ka ia, apa pepatuduki haitu namala raparasaya. Ivesiamo rapakulena mompangajari topomparasaya mangoseaka pepatuduki nakana haitu, bo rapakulena muni mompopaisani sala ntona anu nombasapuaka pepatuduki haitu.

Ibrani 3:14

Apa kita manggava bagia lako ri pura-pura anu naria nte i Kristus asaa anu niparasayata lako ri pamulana bate-batena raparasayata sampe ri kaupuna bo ledo molengga-lengga.

1 Yohanes 2:19

Bali-bali i Kristus nesuvu lako nte kita, tapi kakanana ira ledo nosangu pomparasaya ante kita. Ane ira mpuu-mpuu nosangu pomparasaya ante kita, natantu ira da mosanggani-nggani ante kita. Tapi nipalaikaramo kita, jadi nisanita ira ledo mpuu nosangu pomparasaya ante kita.

Pompakita 3:10

Komiu nangoseaka parentaKu anu nanguli pakaroo rara bo mosabara tempo nipandasa. Sabana haitu, Kusaliku komiu lako ri kasusa makava ri njumangu dunia mompesori tona nonturo ri dunia.

Pompakita 3:3

Jadi toramo pepatuduki niepemiu bo nitarimamiu bara ipia. Oseakamo pepatuduki haitu bo kajeamo lako ri dosamiu. Ane ledo mainga komiu, sampesanika Yaku makavamo mombahuku komiu. Yaku makava mpo topangangga, ledo rasanimiu maipia Yaku makava.

Pompakita 3:8

NisaniKumo pura-pura pokainggumiu. NisaniKu munimo ledo naroso ntoto pomparasayamiu, tapi komiu natutu nangoseaka tesaKu bo ledo nisapumiu Yaku. Epemo! Yaku nobuka ka komiu sangu vamba, bo ledo ria saitoa tona mamala mombatutuina.