1 Timotius 1:14 - Kaili Ledo

¹⁴ Naoge mpuu pepotove nTuputa nte yaku! Lako ri kabelo raraNa nipopompakuleNa yaku momparasaya Ia bo mompotove singgamanusiaku sabana yaku nosangu rara nte i Yesus Kristus.

1 Timotius 1:14 ပူးပေါင်းရင်းမြစ်များ

Matius 20:9

Nakavamo topokarajaa anu nompamula tinti alima nggoviana, bo ira nidekei simbo sampeka doi salaka.

Suro-Suro 15:11

Tapi kita nomparasaya bo kita nipakasalama sabana kabelo rara i Pue Yesus. Bo ivesia muni ira!”

Roma 16:20

Kuperapi Alatala, anu nombadekei katuvua nabelo, masalisa mompakaropu kuasa Magau nu Seta bo radekeiNa ka komiu kuasa mombadagina. Kuperapi kabelo rara nTuputa Yesus Kristus bate-batena maria nte komiu.

1 Korintus 15:10

Tapi lako ri pepotove nu Alatala, yaku najadi suro i Pue Yesus. Bo pepotoveNa haitu naria aselena riara nggatuvuku. Yaku nokarajaa nelabipa kantamona pade suro-suro i Yesus ntanina. Tapi kakanana ledo yaku anu nokarajaa ntamo ivesia. Alatala anu nompotove yaku, Iamo nokarajaa nosanggani-nggani ante yaku.

1 Korintus 3:10

Yaku hii mpo topande novia banua. Lako ri kabelo rara nu Alatala, nianggatakaNa bo nipopompakuleNa yaku novia pandasi banua, bo tona ntanina nombabangu banua ri bavo nu pandasi haitu. Tapi simbo rabanguna pakabelo-belo.

2 Korintus 4:15

Pura-pura kasusa nirasai kami haitu, nanggeni belo ka komiu. Apa ane mantambai kadea ntona mombarasai pepotove nu Alatala, mantambai kadea ntona mosukuru nte Ia, sampe Ia mpuu-mpuu ratoiya bo rabila.

2 Korintus 8:9

Ledo paraluu kuparenta komiu apa nisanimiu mboto kambaso pepotove nTuputa i Yesus Kristus ka kita. Naupa Ia mpuu-mpuu nakalumana, nikabasakaNa pura-pura kakalumanaNa haitu ala mantulungi kita. Ia najadi manusia napakasi ala kita mamala majadi nakalumana ri panggita nTupu.

Galatia 1:13

Tantu niepemiumo tesa katuvuku bara ipia, tempo yaku da nantuntuni agama Yahudi. Yaku nompandasa todea topomparasaya i Yesus bo ledo naasi mataku. Yaku batena nompasimbuku mompakaropu ira.

1 Tesalonika 5:8

Tapi kita tona natuvu ri karemena. Jadi kita kana mompakanoto rarata. Kita kana bate-batena momparasaya Alatala bo mompotove tona ntanina ala kita maroso masimbayu mpo tantara nobaju ase. Kita kana maroo manjarumaka Alatala mompakasalama kita, ala kita maroso mpo tantara nosonggo baja.

1 Timotius 2:15

Tapi naupa ivesia, ane mombine maroo momparasaya i Yesus, mompotove tona ntanina, bo matuvu nte pokainggu nabelo bo masipato, ia rapakasalama tempo moana.

1 Timotius 4:12

Nee mupalamba tona mompandaente iko sabana iko da namuda. Tapi iko kana majadi jonjo ka topomparasaya riara tesamu, pokainggumu, pepotovemu ka roa, pomparasayamu nte i Pue, bo kagasa katuvumu.

1 Timotius 6:11

Tapi iko batua nu Alatala. Nee mpuu mokainggu madaa ivehaitu! Pasimbukumo majadi tona nanoa ri panggita nu Alatala. Pasimbukumo matuvu mangoseaka dotaNa. Kana mupakaroso pomparasayamu, potovemo singgamanusiamu, tidamaka tempo nasusa, bo moinggu malusu.

2 Timotius 1:13

Timotius, toramo pura-pura pepatuduki niepemu lako nte yaku. Pepatuduki haitu nakana mpuu bo kana majadi jonjo mupasiala bo mupatuduki ka tona ntanina. Pakaroso pomparasayamu bo potovemo singgamanusiamu sabana posangu raramu nte i Yesus Kristus.

2 Timotius 2:22

Jadi, nee mpuu mangoseaka dota-dota nu rara nadaa anu nipodamba ngana-ngana muda. Tapi pasimbukumo matuvu manoa ri panggita nu Alatala. Pakaroso pomparasayamu, potovemo singgamanusiamu, bo pasimbukumo matuvu mosinggabelo nte ira. Poviamo pura-pura haitu mosanggani-nggani nte pura-pura tona anu nekakai nte i Pue ante rara nagasa.

Titus 2:2

Ulimo ka totua-totua langgai ira kana mombakuasai karora mboto. Ira kana manoto bo matuvu nte pokainggu masipato ratoiya. Ira kana matutu mangoseaka pepatuduki nakana, ira kana mpuu-mpuu mompotove tona ntanina, bo mombatidamaka riara kasusa.

1 Petrus 1:3

Masipato kita mombatoiya Alatala, Tuama nTuputa Yesus Kristus! Nambaso mpuu asi mataNa ka kita, sampe nidekeiNa katuvu nabaru ka kita. Bo katuvu nabaru haitu nitarimata sabana i Yesus Kristus nipakatuvu mpanjili lako ri kamateNa. Haitumo sabana panjarumakata naroso.

1 Yohanes 4:10

Povia nu Alatala haitu nompopaisani tove nakana ka kita. Iveimo tove nakana: ledo kita nokolu nompotove Alatala tapi Alatala nokolu nompotove kita. Ia nompotove kita sampe nituduNa AnaNa mboto tumai mamate mombasambei kita ala dosata namala raampungi.

Pompakita 22:21

Kuperapi i Pue Yesus mombadekei belo ka pura-pura todea nu Alatala. Amin.