1 Tesalonika 5:4 - Kaili Ledo

⁴ Tapi komiu ledo natuvu ri kalandana mpo tona ledo nisanina nuapa-nuapa. Jadi komiu ledo rapakatikaja ane sampesanika i Yesus meonga mpo topangangga bongina.

1 Tesalonika 5:4 ပူးပေါင်းရင်းမြစ်များ

Matius 10:15

Pariaramo tesaKu hitu! Ri Eo Potangara ri kaupu nu dunia melabipa kadaana pehuku nu Alatala ka ira pade pehuku rapambela ka tupu ngata Sodom bo Gomora anu nadaa mpuu pokainggura!”

Lukas 21:34

“Pakabelo! Komiu kana mainga, apa Yaku, Ana nu Manusia, sampesanika makavamo. Nee sampe Kukava komiu aga mosusa bo manginu sampe malangu, atau masesa rara mompekirika katuvumiu eo-eo sampe komiu ledo masadia. Apa Yaku makava nte pura-pura manusia ri umba-umba ri dunia bo kakavaKu masimbayu mpo tolia.

Suro-Suro 26:18

Kutudu iko hau mombabuka matara, ala ira domo matuvu ri kalandana tapi matuvu riara reme nu Alatala, ala ira rakabasaka lako ri kuasa Magau nu Seta bo matundu nte Alatala. Bo dosa-dosara raampungi bo ira majadi todea nu Alatala anu nipelisiNa, sabana pomparasayara Yaku.’ ”

Kolose 1:13

Iamo nombakabasaka kita lako ri kuasa nalanda bo nompajadi kita todeaNa ri Poparenta nu AnaNa nipotoveNa.

1 Tesalonika 5:2

Apa nisanimiu mboto kakava i Pue Yesus bara maipia masimbayu mpo kakava ntopangangga bongina tempo ledo nisani-sani ntona.

2 Petrus 3:10

Tapi i Pue Yesus mpuu-mpuu makava mpanjili! KakavaNa ledo rasani-sani ntona, nasimbayu mpo kakava ntopangangga. Ri eo haitu langi malipo sanggani ante moni mamangga mpuu mpo suu nu apu oge. Bo pura-pura anu naria ri langi maropu rakande nu apu, bo dunia ante pura-pura isina malipo sanggani.

1 Yohanes 2:8

Naupa ivesia, parenta haitu nireke parenta nabaru, bo kabaruna mpuu-mpuu nikita ri katuvu i Kristus bo ri katuvumiu. Apa i Kristus reme nakana lako nte Alatala bo reme haitu nevanta riara kalandana sampe kalandana nompamula nalipo.

Pompakita 16:15

Bo nangulimo i Yesus, “Pariaramo! Yaku makava ri tempo ledo nisani-sanimiu nasimbayu mpo topangangga. Mabelo mpuu tona batena mainga bo mombajagai pakeana ala tempo Yaku makava ledo maeya matana mpo tona novuloa nelaya ri ngayo ntodea.”

Pompakita 3:3

Jadi toramo pepatuduki niepemiu bo nitarimamiu bara ipia. Oseakamo pepatuduki haitu bo kajeamo lako ri dosamiu. Ane ledo mainga komiu, sampesanika Yaku makavamo mombahuku komiu. Yaku makava mpo topangangga, ledo rasanimiu maipia Yaku makava.