1 Tesalonika 5:27 - Kaili Ledo

²⁷ Ante kuasa nidekei i Pue Yesus ka yaku, kuperapi mpuu-mpuu ala sura hitu rabacamiu ka sampesuvuta pura-pura sampomparasaya ri situ.

1 Tesalonika 5:27 ပူးပေါင်းရင်းမြစ်များ

Matius 26:63

Tapi nau ledo nasala, i Yesus ledo notingo. Bo sangganipa Pakeni nanguli ka Ia, “Ulimo ri ngayo nu Alatala anu Natuvu, uli ka kami ane Iko mpuu-mpuu Magau Topepakasalama, Ana nu Alatala!”

Markus 5:7

Namangga mpuu ia nongare, <>

Suro-Suro 1:15

Naria saeo, nitasere saatu ropulu kadeara nasiromu. Neanggamo i Petrus ri tatanga nu sampesuvu sampomparasaya bo nanguli,

Suro-Suro 19:13

Ri tempo haitu naria bara sako-ndua sando ntoYahudi hau ri umba-umba nompopalai seta lako ri karo ntona. Sando haitu nompesoba nompake sanga i Yesus munimo mompopalai seta-seta. Niulira, “Ante kuasa i Yesus anu nipatolele i Paulus, kami mompopalai iko!”

Kolose 4:16

Maupu sura hitu rabaca ka komiu pura-pura, kuperapi rapakatumiu vai hau ri ngata Laodikia ala mamala rabaca ntodea topomparasaya hamai muni. Ivesia muni komiu kana mombabaca suraku anu rapapolara lako ri ngata Laodikia ka komiu.

1 Tesalonika 2:11

Nisanimiu mbotomo, kami nasaro nompatuduki komiu mpo totua langgai nompatuduki anana mboto. Kami nompakaroso raramiu bo nasaro nompopatora komiu matuvu mompakadamba rara nu Alatala. Apa Iamo nompokio komiu majadi todeaNa ri PoparentaNa bo mombarasai kaogeNa.

2 Tesalonika 3:14

Ane rapana maria tona ledo madota mangoseaka tesa nitulisi kami riara sura hitu, tandaimo ira. Nee mosimpovega nte ira ala kaupuna maeya matara.

1 Timotius 1:18

Timotius, iko mpo anaku mboto! Oseakamo parenta-parenta kudekei ka iko, apa parenta hitu nosinggambela nte petevai nu Alatala anu nipasimbayu ntopanggeni agama ka iko bara ipia. Pariaramo petevai nu Alatala haitu ala maroso raramu mombatui pokarajaa nipakatantu ka iko. Pasimbukumo mombatui pokarajaa haitu masimbayu mpo tantara nabia neeva.

1 Timotius 1:3

Kuperapi iko maboli ri ngata Efesus, mpo niuliku ka iko bara ipia tempo yaku nalai hau ri propinsi Makedonia. Apa ri situ naria bara sako-ndua tona nompatolele pepatuduki nasala, bo iko kana mombatagi ira ala domo rapatolelera pepatuduki haitu.

1 Timotius 5:21

Timotius, ri ngayo Alatala bo i Yesus Kristus bo malaeka-malaekaNa anu nipelisiNa, kuuli ka iko: oseakamo parenta-parenta nitesaku pangane ante noa rara. Nee mompelenje bo nee manjairaka.

1 Timotius 5:7

Ulimo petevai-petevai hitu ka ira ala ira matuvu ante pokainggu anu ledo namala rasalai ntona.

1 Timotius 6:13

Jadi, ri ngayo nu Alatala, anu nompakatuvu pura-pura anu naria, bo ri ngayo i Yesus Kristus anu nabia nompangaku tesa nakana ri ngayo i Pontius Pilatus, kuuli ka iko ivei:

1 Timotius 6:17

Timotius, ulika tona nakalumana ri dunia hitu ala nee majadi malanga rarara bo nee aga manjarumaka mbara-mbara ri dunia anu sakide-sakide malipo. Ira kana manjarumaka Alatala anu nompopelabi-labi ka kita mpengaya-ngaya anu niparaluuta rapodamba-dambata.

2 Timotius 4:1

Timotius, petevai hitu niuliku nte mpuu-mpuu raraku. Makava tempona i Yesus Kristus makava mpanjili momparenta ri dunia hitu, bo ratangaraNa pura-pura manusia, tona da natuvu bo tona namatemo. Jadi, kuuli ka iko ri ngayo nu Alatala bo i Yesus Kristus anu nanggita pura-pura poviata:

Ibrani 3:1

Jadi, sampesuvu-sampesuvuku anu nipelisi nu Alatala bo nipokioNa matuvu mabelo ri suruga. Pekirimo pakabelo-belo i Yesus hitu. Ia nisuro nu Alatala najadi Pakeni nTopanggeni Pesomba ri agama nioseakata.