1 Tesalonika 5:20 - Kaili Ledo

²⁰ Nee mompandaente tesa ntona anu nompapola tesa nidekei nu Alatala ka ia.

1 Tesalonika 5:20 ပူးပေါင်းရင်းမြစ်များ

Suro-Suro 13:1

Ri tatanga ntodea topomparasaya ri ngata Antiokhia naria bara sako-ndua guru bo nabi anu nompasimbayu Tesa nu Alatala, haitumo, i Barnabas, i Simeon anu nidae i Vuri, bo i Lukius toKirene, i Menahem anu nipakambaso nosanggani-nggani ante Magau Herodes Antipas, bo i Saulus.

Suro-Suro 19:6

I Paulus nombadika palena ri balenggara bo kaliu-liu Nosa Gasa nu Alatala nombakuasai ira. Pade ira notesa ante basa-basa nidekei nu Nosa Gasa ka ira bo nipasimbayura tesa lako nte Alatala.

1 Korintus 11:4

Jadi ane riara kasiromumiu naria langgai nosambaya atau nompasimbayu tesa nitarimana lako nte Alatala bo nibonggona balenggana, ia ledo nombabila i Kristus, pakenina.

1 Korintus 12:10

Bo tona ntanina nidekeika pompakule movia kabaraka. Tona ntanina nidekeika pompakule mompasimbayu tesa nitarimana lako nte Alatala, bo tona ntanina nidekeika pompakule mompoposisala anu nopuna lako ri Nosa Gasa bo anu nopuna lako ri kuasa-kuasa ntanina. Bo tona ntanina nidekeika pompakule notesa basa-basa anu nopuna lako ri Nosa Gasa. Bo sanupa vai nidekeika pompakule mombabatuasi tesa-tesa lako ri basa-basa haitu.

1 Korintus 12:28

Ri tatangamiu sampomparasaya, Alatala nanganggataka tona mantui mpengaya-ngaya bago. Pamulana naria tona nianggatakaNa majadi suroNa. Bo karanduana, naria tona nianggatakaNa majadi nabi mompasimbayu tesa nitarimana lako nte Alatala. Katataluna, naria anu nianggatakaNa majadi guru. Bo naria muni nidekeikaNa pompakule movia kabaraka. Naria nidekeikaNa pompakule mompakabelo dua-dua ntona. Naria nidekeikaNa pompakule mantulungi tona ntanina, naria nidekeikaNa pompakule manggeniaka todea, bo naria nidekeikaNa pompakule motesa basa-basa anu nopuna lako ri Nosa Gasa.

1 Korintus 13:2

Bo ane kupakule mompasimbayu tesa-tesa nitarimaku lako nte Alatala, bo ane kusani mpengaya-ngaya anu nitabuniaka bo kusani muni mpengaya-ngaya pangisani ntanina, bo pomparasayaku maroso mpuu sampe yaku mamala mantudu bulu molinja, tapi ane ledo kupotove tona ntanina, katuvuku ledo ntoto ria gunana.

1 Korintus 13:9

Apa pangisanita da nakura, bo pompakuleta mompasimbayu tesa lako nte Alatala dopa nagana.

1 Korintus 14:1

Jadi sampesuvu-sampesuvu, pasimbukumo momparibavo mompotove tona ntanina. Bo pasimbuku munimo manggava pompakule-pompakule lako nte Nosa Gasa. Bo pompakule nogunapa haitumo pompakule mompasimbayu tesa nitarima lako nte Alatala.

1 Tesalonika 4:8

Jadi isema-sema nombasapuaka pepatuduki hitu, ledo manusia nisapuakana tapi Alatala anu nombadekei Nosa GasaNa ka komiu nisapuakana.

1 Yohanes 4:1

Sampesuvu-sampesuvu nipotoveku, nee kaliu-liu raparasayamiu pura-pura tona nanguli naria Nosa Gasa nu Alatala nte ira. Tapi peintaka ruru, ala rasanimiu bara Nosa Gasa mpuu naria nte ira, bara ledo. Niuliku ivesia apa nadeamo nabi mpodava ri umba-umba ri dunia sii-sii.