1 Tesalonika 5:19 - Kaili Ledo

¹⁹ Nee ralava pokarajaa Nosa Gasa nu Alatala.

1 Tesalonika 5:19 ပူးပေါင်းရင်းမြစ်များ

Suro-Suro 7:51

Sampesuvu-sampesuvu, nakaa mpuu bagamiu! Bo komiu mpuu-mpuu netibongo! Ledo nadota komiu mangepe bo mangoseaka Tesa nu Alatala! Komiu batena nasimbayu mpo totuamiu nggaulu nangeva Nosa Gasa nu Alatala!

1 Korintus 14:30

Tapi ane maria tona ntanina nonturo ri sia, bo sampesanika naria tesa lako nte Alatala netuu riara ntaina, topotesa pamulana kana menonto ala tona karanduana haitu mamala mompasimbayu tesa nu Alatala anu dako netuu riarana.

Efesus 4:30

Jadi, nee rapoviamiu anu mompakabuku rara Nosa Gasa nu Alatala. Toramo! Alatala nombadekei Nosa Gasa ka kita, tandana kita najadi todeaNa. Bo Nosa GasaNa haitu muni najadi panggingisita ala rasanita kita mpuu-mpuu rakabasaka lako ri dunia nadaa hitu ngena.

Efesus 6:16

Komiu kana maroo momparasaya Alatala riara mpengaya-ngaya. Haitumo kaliavomiu ratipalemiu ala rapakulemiu mantenggu bo mompepaya mpengaya-ngaya mata pana apu lako nte Magau Seta. Ane maroo pomparasayamiu, rapakulemiu mombadagi pesori.

1 Tesalonika 5:20

Nee mompandaente tesa ntona anu nompapola tesa nidekei nu Alatala ka ia.

1 Timotius 4:14

Nee malinga mompake pompakule nidekei nu Nosa Gasa ka iko tempo tona nompasimbayu petevai lako nte Alatala ka iko bo pakeni ntopomparasaya nodika palera ri balenggamu.

2 Timotius 1:6

Sabana haitu, kupopatora ka iko, iko kana mpuu-mpuu mompake pompakule nidekei nu Alatala ka iko tempo yaku nosambaya nombadika paleku ri karomu bara ipia.