1 Tesalonika 5:15 - Kaili Ledo

¹⁵ Jagaimo ala ledo maria komiu mombabalasi pokainggu nadaa ante anu nadaa. Komiu kana masaro mompasimbuku movia anu nabelo ka roa-roamiu bo ka tona ntanina muni.

1 Tesalonika 5:15 ပူးပေါင်းရင်းမြစ်များ

Matius 5:39

Tapi Kuuli ka komiu, nee rapesavamiu. Ane maria tona mombasapa kalimpi ngganamiu, dekei muni sabingga kalimpi njidimiu rasapana.

Lukas 6:35

Kakanana ledo ivesia! Komiu kana mompotove balimiu, bo povia anu nabelo ka ira. Ane tona meada nte komiu, dekei ka ia bo nemo rapopea rapopanjilina. Ane ivesia pokainggumiu, naoge mpuu belo radekei ka komiu bo komiu majadi ana-ana nu Alatala toNeliu KaogeNa, apa Ia muni novia anu nabelo ka tona nadaa bo tona ledo nisanina notarima kasi.

Suro-Suro 16:28

Tapi i Paulus nongare ante suara namangga, “Nee mupatesi karomu! Da naria pura kami ri sii!”

Roma 12:9

Kita kana mpuu-mpuu mompotove roata. Nee aga mosimpotove ri sumba. Kabasakamo anu nadaa, bo oseakamo anu nabelo

Roma 14:19

Haitu sampe kita kana mompasimbuku matuvu mosinggabelo ante roata, bo mosipakaroso rara.

1 Korintus 14:1

Jadi sampesuvu-sampesuvu, pasimbukumo momparibavo mompotove tona ntanina. Bo pasimbuku munimo manggava pompakule-pompakule lako nte Nosa Gasa. Bo pompakule nogunapa haitumo pompakule mompasimbayu tesa nitarima lako nte Alatala.

1 Korintus 16:10

Ane makava ri situ i Timotius, tarimamiu mabelo ia ala matinda rarana monturo nte komiu, apa ia muni nantui pokarajaa i Pue Yesus nasimbayu mpo yaku.

1 Korintus 6:7

Parakara-parakara haitu, nemopa posipangadu, tandana komiu ledo nokainggu mpo topangoseaka i Yesus. Ane maria tona mombabagiu komiu atau mompakarugi komiu, dekeikamo! Aginapa komiu rabagiu atau rapakarugi ntona pade mompangadu sampesuvumiu sampomparasaya!

Galatia 6:10

Jadi tempo da naria loga kita kana movia anu nabelo ka pura-pura tona, nelabipa ka sampesuvuta sampomparasaya.

Efesus 5:15

Sabana haitu, pekiri pakabelo katuvumiu; nee matuvu mpo tona nadoyo, tapi komiu kana matuvu mpo tona nanoto.

Efesus 5:33

Tapi tesa hitu nosinggambela muni ante komiu topoberei. Pura-pura langgai kana mompotove bereina nasimbayu mpo pompotovena karona mboto, bo pura-pura mombine kana mompasimbuku mombabila bereina langgai.

1 Tesalonika 5:21

Pekirikamo pakabelo-belo tesa-tesa haitu, ala rasanimiu bara lako nte Alatala mpuu bara ledo bo oseakamo anu nabelo.

1 Timotius 6:11

Tapi iko batua nu Alatala. Nee mpuu mokainggu madaa ivehaitu! Pasimbukumo majadi tona nanoa ri panggita nu Alatala. Pasimbukumo matuvu mangoseaka dotaNa. Kana mupakaroso pomparasayamu, potovemo singgamanusiamu, tidamaka tempo nasusa, bo moinggu malusu.

2 Timotius 2:24

Tapi batua i Pue Yesus ledo masipato mosinjanai nte tona. Ia kana malusu nte tona pura-pura. Ia kana mompakule mompatuduki ante nabelo, bo ia muni kana mosabara.

Titus 3:2

Ulika ira nee mositunturaka, bo nee mosinjanai. Ira kana moada bo malusu rara nte tona pura-pura.

Ibrani 12:14

Komiu kana mompasimbuku matuvu mosinggabelo ante pura-pura tona. Bo pasimbuku muni matuvu magasa, sabana tona ledo nagasa katuvuna ledo ntoto mamala manggita i Pue.

1 Petrus 1:22

Sampesuvu-sampesuvu, katuvumiu nipakagasamiu sabana komiu nangoseaka pepatuduki nakana. Haitumo sampe komiu namala nompotove sampesuvumiu sampomparasaya ante rara naliangu. Sabana haitu, posipotovemo ante rara mpuu-mpuu.

1 Petrus 2:17

Bilamo pura-pura tona. Potovemo sampesuvumiu sampomparasaya. Pekoumo nte Alatala bo bilamo magau!

1 Petrus 3:9

Ane maria tona movia anu nadaa nte komiu, nee rabalasi ira ante anu nadaa. Ane rasalai ntona komiu, nee rapesava. Agina komiu merapi Alatala mombadekei belo ka ira. Apa komiu nipokio nu Alatala manggeni belo ka tona ntanina, ala komiu manggava belo lako nte Ia.

3 Yohanes 1:11

Vegaku, nee mupasiala pokainggu nadaa, tapi pasialamo pokainggu nabelo. Isema-sema novia anu nabelo, iramo ana-ana nu Alatala. Tapi isema-sema novia anu nadaa, ledo ntoto nosisani nte Alatala.

Pompakita 19:10

Nangepe tesa haitupa, nantaputumo yaku sampe ri tana ri ngayo malaeka haitu mombasomba ia. Tapi nangulimo ia ka yaku, “Nemo! Nee rasomba yaku. Sombamo Alatala! Sabana yaku hii aga batua nu Alatala nasimbayu mpo iko bo nasimbayu mpo sampesuvumu sampomparasaya anu naroo nanggangisi pepatuduki nakana nipopaisani i Yesus. Apa pepatuduki nakana nipopaisani i Yesus, haitumo poko nu tesa ntona anu nompasimbayu tesa lako nte Alatala.”

Pompakita 22:9

Tapi malaeka haitu nombatagi yaku, “Nemo! Nee rasomba yaku! Sombamo Alatala! Apa yaku hii aga batua nu Alatala nasimbayu mpo iko bo roa-roamu nabi bo tona natutu nangoseaka tesa-tesa nitulisi riara buku hitu.”