1 Tesalonika 5:10 - Kaili Ledo

¹⁰ Ia namate nombatolosi kita ala tempo Ia makava mpanjili, nau kita da natuvu atau namatemo, kita matuvu mosanggani-nggani ante Ia.

1 Tesalonika 5:10 ပူးပေါင်းရင်းမြစ်များ

Matius 20:28

masimbayu eva Yaku, Ana nu Manusia. Yaku ledo nakava ri dunia hitu ala ratande ntona, tapi ala mombatulungi tona, bo mombadekei karoKu rapatesi mantolo dosa ntona dea.”

Yohanes 10:11

“Yakumo hii topoevu nabelo. Yaku nasadia mamate ala bimbaKu matuvu.

Yohanes 10:17

TuamaKu nompotove Yaku sabana Yaku nasadia nombadekei karoKu rapatesi ala Yaku matuvu mpanjili.

Yohanes 15:13

Ane saito tona mamate manjambei vega-vegana, ia mpuu-mpuu nompotove vegana haitu. Ledo ria pepotove naogepa pade haitu.

Roma 8:34

Isema mabia mompakasala kita? Ledo ntoto ria, sabana i Kristus namate mantolosi dosata. Bo ledo aga haitu, Ia nipakatuvu mpanjili bo nonturo ri panggana nu Alatala ri suruga, bo Iamo nanjaliku kita ri ngayo nu Alatala.

1 Korintus 15:3

Nitarimaku kareba nelabi nopoko bo haitumo nipasimbayuku ka komiu. Haitumo, i Kristus namate sabana dosata bo haitu najadi nangoseaka anu nitulisi riara Buku Gasa.

2 Korintus 5:15

Bo i Kristus mpuu-mpuu namate nanjambei kita pura-pura. Patuju nu kamateNa haitu ala kita anu da natuvu ri dunia hitu domo matuvu mangoseaka dotata mboto, tapi dota i Kristus anu namate bo natuvu mpanjili ala manggeni belo ka kita.

2 Korintus 5:21

I Kristus ledo ntoto nadosa. Tapi Alatala nompoposimbuaka ka Ia dosata bo nipoviaNa Ia mpo tona nadosa ala manjambei kita. Alatala novia haitu ala kita anu nosangu rara nte i Kristus majadi manoa ri panggitaNa.

Efesus 5:2

Bo komiu kana matuvu mompotove roa, nasimbayu mpo i Kristus nompotove kita. Lako ri toveNa haitu, nidekeiNa karoNa nipatesi ala mombatolosi kita. PoviaNa haitu nompakadamba rara nu Alatala nasimbayu mpo pesomba navangi nisomba ka Ia.

1 Tesalonika 4:13

Sampesuvu-sampesuvu, patuju kami ala rasanimiu mpuu anu majadi ante topomparasaya anu namatemo, ala ledo masusa raramiu mpo tona ntanina anu ledo nanjarumaka matuvu mpanjili nosanggani-nggani nte Alatala.

1 Tesalonika 4:15

Siimo pepatuduki lako nte i Pue Yesus mboto rapapola kami ka komiu ivei: tempo i Pue Yesus makava mpanjili, kita anu da natuvu ledo mokolu ka roa-roata anu namatemo.

1 Tesalonika 4:17

Naupu haitu, kita da natuvu tempo haitu, raoretaka mosanggani-nggani ante ira riara kulimu mosinggava nte i Pue Yesus ri laerava, pade matuvu mosanggani-nggani ante i Pue sampe ri kasae-saena.

1 Tesalonika 5:6

Jadi kita kana mainga bo manoto rarata, nee mamonjo-monjo mpo tona da natuvu ri kalandana.

1 Timotius 2:6

Ia manusia anu nombadekei karoNa mboto nipatesi mombatolosi pura-pura tona. Ia namate ri tempo nipakatantu nu Alatala ala malanto rakitata dota nu Alatala mompakasalama pura-pura manusia.

2 Timotius 2:11

Yaku nombatidamaka kasusa sabana nakana mpuu tesa nanguli ivei: “Ane kita namatemo nosanggani-nggani ante Ia, Kita muni matuvu mosanggani-nggani ante Ia.

Titus 2:14

I Kristus nombadekei karoNa nipatesi nanjambei kita ala mombasompo dosata. NikabasakaNa kita lako ri pura-pura pokaingguta nadaa, nipegasaNa kita bo nipataniNa kita majadi todeaNa mboto anu matutu nokainggu nabelo.

1 Petrus 2:24

I Yesus mbotomo nanjimbuaka dosa-dosata tempo Ia nipaku ri kayu salib, ala kita rakabasaka lako ri kuasa nu dosa bo matuvu mangoseaka dota nu Alatala. Bo kita nipakabelomo lako ri baka-baka i Kristus.

1 Petrus 3:18

Apa i Kristus muni nombarasai kasusa nau ledo novia anu nadaa. Ia aga sanggani namate nombasompo dosa manusia nagana sampe ri kasae-saena. Ia ledo nasala, tapi Ia namate nanjambei kita anu nasala, ala mompoposinggabelo kita ante Alatala. Ia nipatesi tapi nipakatuvu mpanjili ante kuasa Nosa Gasa nu Alatala.