1 Tesalonika 4:9 - Kaili Ledo

⁹ Sampesuvu-sampesuvu, ledo paraluu kutulisi ka komiu posimpotove sampesuvu sampomparasaya, sabana Alatala mbotomo nompatuduki komiu mosimpotove.

1 Tesalonika 4:9 ပူးပေါင်းရင်းမြစ်များ

Matius 22:39

Bo parenta karanduana nasimbayu ante parenta pamulana ivei: Potovemo singgamanusiamiu nasimbayu eva komiu nompotove karomiu mboto.

Yohanes 14:26

Tapi ane Nosa Gasa nu Alatala makava, rapatudukiNa ka komiu mpengaya-ngaya bo rapopatoraNa ka komiu pura-pura anu nitesaKu ka komiu. Apa Iamo Topetulungi anu ratudu nTuamaKu manjambei Yaku.

Suro-Suro 4:32

Pura-pura topangoseaka i Yesus natuvu nosangu rara bo nosangu pekiri. Ledo ria saitoa nanguli mbara-mbarana anuna mboto. Anu naria ante ira, anura mpasanggani-nggani.

Roma 12:10

Posimpotovemo mpo posimpotove ntali sampesuvu. Bila ntanimo roamiu pade karomiu mboto.

2 Korintus 9:1

Kakanana ledo paraluu ntoto kutulisi ka komiu doi petulungi ka topomparasaya napakasi ri Yudea.

Filipi 3:15

Jadi, kita toroso nomparasaya kana mosangu pekiri mompasimbuku mangoseaka i Kristus evamo niuliku pangane. Tapi ane maria pekirimiu da nosisala nte pekiriku, damo Alatala mboto mompakanoto raramiu.

1 Tesalonika 5:1

Sampesuvu-sampesuvu, ledo paraluu kami motulisi ka komiu tempo bo tanggala kakava i Pue Yesus.

Ibrani 10:16

“Iveimo pojanji Kupovia ante ira ri tempo makava: Kuboli atura-aturaKu riara pekirira, bo Kutulisi riara ntaira.

Ibrani 13:1

Komiu topomparasaya, jadi komiu kana bate-batena mosimpotove mpo tona nosampesuvu.

1 Petrus 3:8

Jadi sampesuvu-sampesuvu, kupapolamo tesaku. Komiu pura-pura kana mosangu pekiri bo mosangu rara. Posimpotovemo mpo tona nosampesuvu. Komiu kana mosipoasi mata bo nee malanga rara.

1 Petrus 4:8

Tapi anu nelabi nopoko, komiu kana mpuu-mpuu mosimpotove. Apa ane kita mompotove roata, kita masadia muni mombaampungi tona ntanina.

2 Petrus 1:7

bo mosimpotove nte sampesuvumiu sampomparasaya. Bo komiu kana mompotove pura-pura tona.

1 Yohanes 2:10

Tona nompotove sampesuvuna, iamo natuvu riara reme sampe ledo naria nuapa-nuapa ante ia anu mamala mompakanavu ia riara dosa.

1 Yohanes 3:11

Iveimo kareba niepemiu lako ri pantepuuna pomparasayamiu i Kristus: kita kana mosimpotove.

1 Yohanes 3:23

Hitumo niparentaNa ka kita: kita kana momparasaya AnaNa, i Yesus Kristus. Bo kita kana mosimpotove nangoseaka parenta i Kristus mboto ka kita.

1 Yohanes 4:21

Apa iveimo parenta i Kristus ka kita: “Isema-sema nompotove Alatala, kana rapotovena muni sampesuvuna sampomparasaya.”