1 Tesalonika 4:7 - Kaili Ledo

⁷ Kita nipokio nu Alatala ledo matuvu mabuga, tapi nipokioNa matuvu magasa ante pokainggu anu mompakadamba raraNa.

1 Tesalonika 4:7 ပူးပေါင်းရင်းမြစ်များ

Roma 1:7

Jadi siamo sampe nitulisiku sura hitu ka komiu pura-pura ri ngata Roma, komiu anu nipotove nu Alatala bo nipokioNa majadi todeaNa. Kuperapi Tuamata Alatala bo i Pue Yesus Kristus mombadekei belo ka komiu bo mompakatinonto raramiu.

Galatia 5:19

Nalanto mpuu pokainggu ntona anu nangoseaka dota rara nadaa. Jonjona ivei: ira nosipogau nte tona ledo bereira mboto. Pokainggura nabuga bo ledo nasipato.

Efesus 1:4

Dopame dunia nipajadi, Alatala nompelisi kita majadi todeaNa anu nosangu rara nte i Kristus. Kita nipelisiNa majadi todea anu matuvu magasa bo ledo maria salata ri panggitaNa.

Efesus 2:10

Kita hii nipajadi nu Alatala manusia nabaru anu nosangu rara nte i Yesus Kristus. Patuju nu Alatala novia ivehaitu ala kita mompakule mokainggu mabelo, mpo nipakatantuNa mami ka kita lako ri nggauluname.

Efesus 4:1

Jadi sampesuvu-sampesuvu, sabana haitu pura-pura, siimo petevai lako nte yaku anu nitarunggu ri sii sabana pomparasayaku i Pue Yesus. Yaku mpuu-mpuu nerapi ala komiu matuvu ante pokainggu masipato ka todea nu Alatala, apa komiu nipokioNa majadi todeaNa.

Efesus 4:19

Domo nisanira naeya sampe ira aga natuvu nangoseaka mpengaya-ngaya dota rarara nadaa. Nipodambara novia anu ledo masipato rapovia bo ledo ria rekera.

1 Tesalonika 2:3

Kami ledo nombaunaka komiu mangoseaka pepatuduki nasala. Ledo muni naria patuju nadaa riara ntai kami bo ledo muni kami nopatuju mombabagiu tona.

2 Timotius 1:9

Alatala nompakasalama kita bo nompokio kita majadi todeaNa nagasa. Kita nipakasalama ledo sabana pompasimbukuta mboto, tapi sabana nia nu Alatala bo pepotoveNa. Ri lamba pamulana dopame dunia nipajadi, Alatala nonia mamimo mompopakita pepotoveNa ante anu rapovia i Yesus Kristus.

Ibrani 12:14

Komiu kana mompasimbuku matuvu mosinggabelo ante pura-pura tona. Bo pasimbuku muni matuvu magasa, sabana tona ledo nagasa katuvuna ledo ntoto mamala manggita i Pue.

2 Petrus 2:10

Tona rahukuNa ivesia, nelabipa tona natuvu nangoseaka dota rarara nadaa bo nabuga, bo tona nanjapuaka kuasa nu Alatala momparenta ira. Guru-guru mpodava haitu nabia mpuu bo nalanga rarara. Ledo naeka ira nanjalai malaeka-malaeka anu nipokumaaka.