1 Tesalonika 4:6 - Kaili Ledo

⁶ Nee movia dosa ka sampesuvumiu sampomparasaya bo nee rabagiu ia ante mangala bereina, sabana Alatala mombahuku pura-pura tona nokainggu ivehaitu. Haitu pura-pura nipatuduki bo nipopatora kami ka komiu bara ipia.

1 Tesalonika 4:6 ပူးပေါင်းရင်းမြစ်များ

Markus 10:19

Tantu nisanimu parenta-parenta nu Alatala anu nanguli, nee mepatesi, nee mobualo, nee mangangga, nee mosabi dava, nee mebagiu, bo bilamo tina tuamamu.>>

Lukas 12:5

Kuuli ka komiu isema masipato rapokaekamiu! Aginamo komiu maeka nte Alatala, sabana Ia nakuasa mompatesi karomiu bo mombanavusaka komiu riara narakaa! Pariaramo tesaKu hitu! Aga Alatala masipato rapokaekamiu!

Lukas 16:28

Da nariapa alima sampesuvuku hamai. Tudumo i Lazarus hau mompainga ira ala ira ledo mesua ri ponturo pepandasa hitu.’

Roma 1:18

Lako ri suruga Alatala nombahuku manusia anu ledo natundu nte Ia bo nokainggu nadaa. Pokainggura nadaa haitu nombalava tona mangisani pepatuduki nakana.

Roma 12:19

Sampesuvu-sampesuvuku. Nee rabalasi tona novia daa nte komiu, tapi palambamo Alatala mombabalasi ira. Sabana riara Buku Gasa nitulisi ivei: <> Ivesia tesa nTupu. Ulangan 32:35

Roma 13:4

Apa pomarenta nantulungi Alatala apa ira nokarajaa manggeni belo ka kita. Tapi ane madaa poviata, masipato kita maeka nte pomarenta sabana pomarenta mpuu-mpuu nakuasa mombahuku tona nadaa. Apa ira topotulungi Alatala bo ane rahukura tona novia nadaa, ira novia dota nu Alatala.

2 Korintus 7:11

Kasusa raramiu nombaca suraku bara ipia mpuu-mpuu kasusa rara nangoseaka dota nu Alatala. Peintamo anu najadi! Lako ri kasusa rara nirasaimiu haitu, komiu mpuu-mpuu nadota movia anu nanoa. Niulimiu komiu ledo nosabingga ka tona nompoara kami. Naraumo komiu nompekirika dosa nipovia nu roamiu haitu, bo naekamo raramiu mangoseaka pokaingguna. Nalentoramo raramiu manggita yaku. Nioseakamiumo anu niuliku ka komiu. Nasadiamo komiu nombahuku tona nasala haitu. Riara mpengaya-ngaya nipopakitamiumo komiu ledo nasala riara parakara bara ipia.

Galatia 5:21

Nario matara nte mbara-mbara ntona, ira nanginu sampe nalangu bo nasiromu nangande bo nanginu sampe nabasa, bo nadea muni pokainggu ntanina ivehaitu. Jadi evamo niuliku ka komiu bara ipia, kupopatora ka komiu sangganipa: tona nokainggu ivegahaitu ledo ntoto manggava bagia ri Poparenta nu Alatala.

Efesus 4:17

Jadi sampesuvu-sampesuvu, ante kuasa nidekei nTupu ka yaku, kuuli ka komiu, tumo matuvu mpo tona ledo nosisani ante Alatala! Ira aga nompekirika anu ledo ria gunana,

Efesus 4:28

Topangangga kana menonto mangangga. Ira kana mokarajaa ante palera mboto mompaelo katuvura ala mamala ira mantulungi tona ntanina napepa.

Efesus 5:6

Jadi, nee komiu rabagiu ntona ante tesa-tesara anu ledo ria gunana, anu nanguli pokainggu ivehaitu ledo nasala. Toramo! Pokainggu ivehaitumo nompopeumba rau rara nu Alatala ka tona ledo natundu nte Ia.

1 Tesalonika 2:11

Nisanimiu mbotomo, kami nasaro nompatuduki komiu mpo totua langgai nompatuduki anana mboto. Kami nompakaroso raramiu bo nasaro nompopatora komiu matuvu mompakadamba rara nu Alatala. Apa Iamo nompokio komiu majadi todeaNa ri PoparentaNa bo mombarasai kaogeNa.

2 Tesalonika 1:8

bo ante apu navaya-vaya. Ia manau mombahuku tona ledo nadota nompeili Alatala bo ledo nadota nangoseaka Kareba Belo anu notesaki Tuputa Yesus.

Ibrani 13:4

Ponjamboko kana rabilamiu pura-pura. Nee mompakagero ponjambokomiu ante mompogau tona ledo bereimiu mboto, sabana Alatala mombahuku tona nompogau tona ledo bereina mboto.

Ibrani 2:6

Kuasa haitu nidekei nu Alatala ka manusia. Naria tesa ri Buku Gasa nompakalanto manusia rapakakuasa ivei: “O Pue Alatala, nuapa manusia sampe masipato ratoraMiu? Ira aga manusia, nuapa sabana nipariaraMiu?

Yakobus 2:6

Tapi nau ivesia, da nisalaimiupa ira bo tona nakalumana nibilamiu. Tano mai, tona nakalumana nantamanaka komiu bo nangumbunjai komiu hau ri ngayo ntopotangara!

Yakobus 5:4

Topokarajaa ri taluamiu ledo nitambomiu. Peintamo kandasara! Topokarajaa haitu nekakai nerapi tulungi bo pekakaira niepe nTupu Alatala anu nakuasa.