1 Tesalonika 4:3 - Kaili Ledo

³ Dota nu Alatala ala komiu majadi todeaNa nagasa, bo nee mosampaturu ante tona ledo bereimu mboto.

1 Tesalonika 4:3 ပူးပေါင်းရင်းမြစ်များ

Matius 12:50

Apa, isema-sema novia dota nTuamaKu ri suruga, ia haitumo nireke sampesuvuKu bo tinaKu.”

Matius 15:19

Apa lako riara ntai neumba mpengaya pekiri nadaa, anu nanggeni tona nepatesi, nobualo, nogau nabuga, nangangga, nosabi dava, bo nesalai.

Matius 5:32

Tapi Kuuli ka komiu, ane komiu mompogaaka bereimiu mombine, tano ledo ria ia nosipogau nte langgai ntanina, batuana komiu nompopobualo ia. Bo isema-sema mompoberei mombine nipogaaka haitu, ia muni nobualo.”

Matius 7:21

Ledo pura-pura tona nanguli Yaku Tupura majadi todea riara Poparenta nu Alatala. Aga tona anu novia dota nu Alatala, TuamaKu ri suruga, masipato mesua riarana.

Markus 3:35

Apa isema-sema nangoseaka dota nu Alatala, iamo sampesuvuKu bo tinaKu.>>

Yohanes 4:34

Jadi nanguli i Yesus ka ira, “Mangoseaka dota nu Alatala anu nantudu Yaku, bo mompakaupu pokarajaa niparasayaNa ka Yaku, haitumo kandeaKu.

Yohanes 7:17

Isema-sema madota mangoseaka dota nu Alatala, natantumo rasanina pepatudukiKu hitu lako nte Alatala, bo ledo lako nte Yaku mboto.

Suro-Suro 15:20

Tapi kita kana motulisi sura manguli ka ira nee mangande kandea anu naruto sabana nipesomba ka tupu-tupu ntanina, bo nee mangande bau nu binata nikoje, anu ledo nisuvuraka raana, bo nee mangande raana. Bo muni ala ira nee mosampaturu ante tona ledo bereira mboto.

Suro-Suro 15:29

Nee rakandemiu kandea nipesomba ka tupu-tupu ntanina. Nee rakandemiu raa, bo nee rakandemiu bau lako ri binata nikoje, haitumo anu ledo nisuvuraka raana. Bo nee mosampaturu ante tona ledo bereimiu mboto. Ane raoseakamiu atura-atura haitu, nabelomo. Sampe ri siimo ruru isi sura kami.”

Suro-Suro 20:32

Jadi sampesuvu-sampesuvuku, hitupa yaku nekakai nte Alatala nerapi Iamo mombajagai komiu. Bo kuuli ka komiu, oseakamo tesa nu Alatala anu nompopaisani kabelo nu Alatala ka kita. Aga Iamo nakuasa mompakaroso pomparasayamiu bo mombadekei belo ka komiu, haitumo belo nipakasadiaNa ka tona nipelisiNa majadi todeaNa.

Suro-Suro 26:18

Kutudu iko hau mombabuka matara, ala ira domo matuvu ri kalandana tapi matuvu riara reme nu Alatala, ala ira rakabasaka lako ri kuasa Magau nu Seta bo matundu nte Alatala. Bo dosa-dosara raampungi bo ira majadi todea nu Alatala anu nipelisiNa, sabana pomparasayara Yaku.’ ”

Roma 1:29

Mpengaya-ngaya pekiri nadaa bo natenggo rarara. Ledo naosa rarara ante anu naria nte ira, navau rarara, nasiriati, nepatesi, nebagiu, bo nosinggarau. Ira nomboli rau rara, nantunturaka tona

Roma 12:2

Domo rapasialamiu kabiasa ntona ledo nosisani nte Alatala. Dekeimo Alatala mompakabaru pekirimiu ala inggumiu mabali. Ane ivesia, rasanimiu mpuu-mpuu dota nu Alatala, haitumo, rasanimiu anu nabelo, anu nipokono nu Alatala, bo anu ledo nasala ri panggitaNa.

Roma 6:22

Tapi sii-sii komiu nikabasakamo lako ri kuasa nu dosa bo najadi batua nu Alatala. Haitu mpuu-mpuu nanggeni belo ka komiu, sabana komiu nompakule natuvu mpo todea nu Alatala bo kaupuna komiu matuvu mabelo sampe ri kasae-saena.

1 Korintus 1:30

Lako nte Alatala sampe kita najadi nosangu rara ante i Yesus Kristus. Bo lako nte i Kristus sampe nisanita kapande nu Alatala. Ia nompoposinggabelo kita ante Alatala sampe kita najadi todea nagasa nipatani ka Alatala. Bo Iamo nombakabasaka kita lako ri pura-pura anu nadaa.

1 Korintus 7:2

Tapi nabelopa ane langgai simbo maria bereina mboto, bo mombine simbo maria bereina mboto ala ledo rapesori mogau sala.

2 Korintus 12:21

Nakini raraku ane tou nte komiu vai yaku, Alatala mompakaeya yaku ri ngayomiu, bo yaku motumangi ri ngayomiu sabana madea komiu anu nadosa bara ipia dopa najea lako ri pokainggura nadaa bo nabuga. Bara maria da nompogau tona ledo bereina mboto, bara movia anu ledo ntoto masipato mpo anu nabiasa nipoviara bara ipia.

Galatia 5:19

Nalanto mpuu pokainggu ntona anu nangoseaka dota rara nadaa. Jonjona ivei: ira nosipogau nte tona ledo bereira mboto. Pokainggura nabuga bo ledo nasipato.

Efesus 5:17

Jadi nee madoyo, tapi pasimbukumo mangisani bo movia anu nipodota i Pue rapoviamiu.

Efesus 6:6

Nee aga mokarajaa mabelo tempo komiu rakita nu tuamiu ala komiu ratoiya nu manusia. Tapi pokarajaamo ante mpuu-mpuu raramiu najadi batua i Kristus anu nangoseaka dota nu Alatala.

Kolose 1:9

Jadi nompamula lako ri tempo niepe kami karebamiu, kami nasaro nosambaya ka komiu. Kami nerapi nte Alatala ala Nosa GasaNa mombadekei noto bo pangisani ka komiu ala rasanimiu pura-pura dota nu Alatala ka komiu.

Kolose 3:5

Sabana haitu, kabasakamo pokainggu-pokainggu anu nopuna lako ri dunia nadaa hitu. Nee mosipogau ante tona ledo bereimiu mboto, nee movia pokainggu anu ledo masipato, nee mangoseaka dota raramiu nabuga bo dota-dota ntanina anu nadaa. Bo nee muni maoge rara manggava melabipa pade tona ntanina, sabana anu nipooge rarata haitumo najadi anu nisombata, bo haitu nasimbayu nte metupu nte tupu ntanina.

Kolose 4:12

Bo tabe muni lako nte i Epafras, batua i Yesus Kristus lako ri ngatamiu mboto. Ia bate-batena nekakai nte Alatala ante mpuu-mpuu rarana ala ledo molengga-lengga pomparasayamiu, bo ala komiu majadi topomparasaya anu ledo makura nuapa-nuapa ri panggita nu Alatala, bo ala komiu maroo mangoseaka pura-pura dota nu Alatala.

1 Tesalonika 4:2

Nisanimiu pepatuduki nidekei kami ka komiu ante kuasa lako nte i Pue Yesus.

1 Tesalonika 4:4

Pura-pura langgai ri tatangamiu kana matau mokainggu mabelo nte bereina ri panggita nu Alatala bo manusia.

1 Tesalonika 5:18

Bo uli tarima kasi ka Alatala nau damo nuapa majadi, sabana haitumo dota nu Alatala ka komiu anu nosangu rara ante i Yesus Kristus.

1 Tesalonika 5:23

Kuperapi nte Alatala, topombadekei katuvua nabelo ka kita, ala Ia mboto mompakagasa katuvumiu sampe komiu mpuu-mpuu matuvu mpo todeaNa nagasa. Kuperapi Alatala mombajagai karomiu, rara ntaimiu, bo pekirimiu sampe ledo ntoto maria nuapa-nuapa rasalai tempo Tuputa Yesus Kristus makava mpanjili.

2 Tesalonika 2:13

Jadi, sampesuvu-sampesuvu nipotove i Pue, masipato kami masaro manguli tarima kasi ka Alatala sabana komiu. Sabana, Alatala nompelisi komiu lako ri ulu jadi ala komiu rapakasalamaNa. Komiu nipakasalama ante kuasa Nosa Gasa anu nombabaliki komiu majadi todea gasa nu Alatala, bo komiu nipakasalama sabana pomparasayamiu pepatuduki nakana.

Titus 2:14

I Kristus nombadekei karoNa nipatesi nanjambei kita ala mombasompo dosata. NikabasakaNa kita lako ri pura-pura pokaingguta nadaa, nipegasaNa kita bo nipataniNa kita majadi todeaNa mboto anu matutu nokainggu nabelo.

Ibrani 10:36

Komiu kana mosabara ala maupu komiu movia dota nu Alatala, komiu mantarima anu nijanjiNa.

Ibrani 12:16

Nee sampe maria tona mosipogau nte tona ledo bereina mboto. Bo nee sampe maria tona moinggu mpo i Esau, apa ia aga nompekirika kasana karona ri dunia hitu bo ledo nipekirikana dota nu Alatala. Kalumbuana nisulakana sanjuraya kandea.

Ibrani 13:4

Ponjamboko kana rabilamiu pura-pura. Nee mompakagero ponjambokomiu ante mompogau tona ledo bereimiu mboto, sabana Alatala mombahuku tona nompogau tona ledo bereina mboto.

1 Petrus 4:2

Jadi da natuvu riara dunia hitu, komiu kana matuvu mangoseaka dota nu Alatala, nee mangoseaka dota rara manusia anu nadaa.

1 Yohanes 2:17

Dunia bo pura-pura anu naria riarana anu nipoino manusia magero, tapi isema-sema mangoseaka dota nu Alatala, matuvu mabelo sampe ri kasae-saena.

Pompakita 21:8

Aga tona naeka mangoseaka Yaku, atau ledo niparasayana Yaku, bo tona nadaa pokaingguna, topepatesi, tona nokainggu nabuga, topedoti, tona nombasomba tupu-tupu ntanina, bo pura-pura topodava, ira pura-pura kana rahuku riara ntasi apu anu navaya ante vatu-vatu colonggata. Haitumo niuli kamatea karongganina.”

Pompakita 22:15

Tapi tona nadaa, topedoti, tona nogau sala ante tona ledo bereina mboto, topepatesi, tona netupu nte tupu ntanina, topodava bo pura-pura tona nompokono dava, ponturora pura-pura aga ri savaliku ngata haitu.