1 Tesalonika 4:15 - Kaili Ledo

¹⁵ Siimo pepatuduki lako nte i Pue Yesus mboto rapapola kami ka komiu ivei: tempo i Pue Yesus makava mpanjili, kita anu da natuvu ledo mokolu ka roa-roata anu namatemo.

1 Tesalonika 4:15 ပူးပေါင်းရင်းမြစ်များ

Matius 17:25

Nesana i Petrus, “Iyo, nibayariNa.” Naupu haitu nanjilimo i Petrus hau ri banua niponturora. Nakava hamai, dopame ia notesa nuapa-nuapa nekutanamo i Yesus, “Simon, berimba panggavamu? Isema kakanana masipato mombabayari balasitee ka magau-magau ri dunia hitu? Todeana mboto atau tupu ngata ntanina anu nidagina?”

1 Korintus 15:18

Bo topomparasaya Ia anu namatemo domo ria panjarumakara, naropumo ira!

2 Korintus 12:1

Yaku kana mangoe karoku mboto, nau ledo ria gunana. Jadi kutesa ruru anu nipopakita bo anu nipopaisani i Pue Yesus ka yaku.

2 Korintus 4:14

Alatala nompakatuvu mpanjili i Pue Yesus lako ri kamateNa, bo nisani kami, kami muni rapakatuvuNa mpanjili nasimbayu mpo Ia. Bo niparasaya kami Ia manggeni kami ri ngayo i Pue Yesus mosanggani-nggani ante komiu.

Galatia 1:12

Kareba Belo ledo nitarimaku lako nte manusia, bo ledo muni manusia nompatuduki yaku. Tapi i Yesus Kristus mbotomo nompopaisani Kareba Belo haitu ka yaku.

1 Tesalonika 2:19

Naoge rara kami mosinggava nte komiu, apa ane Tuputa Yesus Kristus meonga mpanjili bo kita mosinggava ri ngayoNa, komiumo majadi asele pokarajaa kami anu nisarumaka kami. Tempo haitu madamba mpuu rara kami sabana komiu, bo masana rara kami sabana pomparasayamiu.

1 Tesalonika 4:13

Sampesuvu-sampesuvu, patuju kami ala rasanimiu mpuu anu majadi ante topomparasaya anu namatemo, ala ledo masusa raramiu mpo tona ntanina anu ledo nanjarumaka matuvu mpanjili nosanggani-nggani nte Alatala.

1 Tesalonika 5:10

Ia namate nombatolosi kita ala tempo Ia makava mpanjili, nau kita da natuvu atau namatemo, kita matuvu mosanggani-nggani ante Ia.

2 Tesalonika 2:1

Kapolana, sampesuvu-sampesuvu. Kami madota motesa sakide ka komiu anu majadi tempo Tuputa Yesus Kristus makava mpanjili bo kita rapasiromu mosanggani-nggani ante Ia. Kami mpuu-mpuu merapi,